1)
就英超聯於世界各地進行額外聯賽既計劃
亞洲足協尋日同埋澳洲0個邊亦今日相繼表態
前者呼籲亞洲各地足總唔好接受有關計劃
小弟就英超聯賽會咁既計劃
第一個反應就係唔 make sense
因為而家附加既一 round 聯賽
只係用抽籤決定對賽球隊
而前5又唔會對壘
搞到個聯賽好不倫不類
而且季中無啦啦搞一場
0個班已經因為冇得歇冬既球員將會更加辛苦
而成個 plan 雖然聲稱可為每間會帶來收益
但如果場波當0係香港踢
又只係例如打呲郡對富咸咁唔吸引既戲碼
隨時蝕大本收場
(今年既賀歲盃已經係例子)
而佢地若果只係為左推廣英超聯
倒不如搞多幾個英超挑戰盃
亞洲,大洋洲,美國等地每年暑假都搞
2)
以下係幾段關於利物浦既轉會消息:
馬體會19歲中場查維馬天尼斯,
摩納哥既20歲天才攻擊球員文尼斯,
卡坦尼亞既秘魯後衛華加斯,
被譽為哥倫比亞近年最有天份球員既 Sherman Cardenas,
甚至乎艾殊利楊格,哥利斯瑪,卡拉迪斯,
艾瑪,軒斯,加雷,大衛施華同埋米高莊遜
都被指係利記既增兵人選
而有入自然有出
沙比艾朗素被傳會重返西甲
但目的地未明
亦有消息指佢可能會成為收購查維馬天尼斯既籌碼
而懷斯同埋賓納特都被傳可能於季尾齊齊轉投紐卡素
不過後者亦被指可能會成為收購艾殊利楊格既交易條件
卡臣就近乎鐵定轉投維拉
希比亞同埋基維爾亦被傳將不獲續約
而哥治,禾路連,甚至乎古治亦被指有一定機會離隊
於一隊冇發展空間既格夫里亦幾乎肯定會離隊
但目的地似乎要視乎保頓同埋富咸既護級結果
3)
加蓬國家隊21歲中場代表捷哥馬
於國內聯賽進行時被撞暈
因失救而致死
4)
曼聯被指將以400萬鎊從華斯高引入天才球員阿歷斯
佢被形容為細哨加謝拉特既混合體
5)
雖然AC米蘭否認會將哥古夫賣到阿仙奴
但仍有消息指這宗交易最終會於暑假成事
6)
費查再次被指將於季尾離開曼聯
7)
舒利亞否認重返修咸頓
8)
拿玻里被指有意於暑假從皇馬引入古迪
9)
朗拿度被傳將不獲AC米蘭續約
10)
夏文同曼城續約一年
11)
亨達拉爾勢於季尾離開阿積士
佢既經理人透露暫時以羅馬比較積極
3 comments:
我都覺得個plan好多餘。話推廣英超聯，我又唔覺英超宜家既吸引力仲有好大提升既空間。況且咁樣姐係代表好大機會有一兩隊榜尾球隊對前五，咁樣到時又實有得嘈，我都覺得唔公平。
利記真係咁多位置要增兵@_@?其實我覺得隊波都係得一兩個位置叫做可以增強替補實力。
懷斯其實傳左好耐，早一兩年都傳過。而賓納特就似乎應該考慮下。始終佢似乎唔算太出眾，紀律又似乎欠佳。
又一單球員比賽期間死亡事件......RIP
http://news.bbc.co.uk/sport2/hi/football/eng_prem/predictor/default.stm
網主可以去預測下@_@
To: 舒利亞
1)
英超聯海外推廣單野仲有排搞
不過20間球會已經同意左咁做
2)
利記增兵既野
已經可以攏埋一邊先
因為佢地再被傳換老闆
兼可能賓尼迪斯會被新老闆踢走
3)
紐卡素暑假會買新左閘係幾乎肯定既野
不過小弟唔信亦唔想係懷斯
4)
今次既不幸者
係衰失救
死得仲唔抵
5)
你講 bbc 0個個網
小弟之前已經知道
而生果報個波神早前亦提過
據聞羅蘭遜估波幾準
Post a Comment