1)
尹巴士頓落實接手阿積士
佢簽約4年
粉碎佢來季執教AC米蘭或者巴塞隆拿既傳聞
2)
車路士方面表示
唔打算簽細哨
亦透露林伯特曾表示會續約
3)
前熱刺教練曉頓加盟紐卡素
取代轉投修咸頓既皮亞臣出任教練
不過球員時代爛打兼硬朗既佢
出任熱刺教練期間
因為限米煮限飯
熱刺既防守只係好一般
小弟認為紐記搵佢唔會點幫到後防
倒不如搵幾個好後衛好過
4)
朗拿度表示仍未決定
會唔會因為傷患而提早掛靴
5)
紐根特會否以借用身份轉投葉士域治
將於約1個星期內有定案
6)
鍚耶納後衛羅利亞被指成為羅馬既增兵目標
7)
繼國米同埋祖雲達斯之後
拿玻里成為最新一支同帕爾瑪射手施加連尼扯上關係既球隊
8)
薩拉戈薩已為下季增兵作準備
除左基達菲既進攻重心古蘭奴之外
佢地亦考慮緊是否出價700萬鎊簽
馬略卡既阿根廷翼鋒古迪利斯
9)
艾比達將同華倫西亞既糾紛
交由法庭處理
佢指華倫西亞阻礙佢加盟某些球隊
消息指當中包括巴塞隆拿同埋皇馬
而家最新版本係如果佢願意同華倫西亞簽份協議書
承諾唔會加盟這兩支球隊
華倫西亞會讓佢自由轉會
10)
森多利亞打算於暑假
向莫斯科斯巴達出價350萬鎊買巴西中場莫沙特
11)
繼國米同埋阿仙奴後
祖雲達斯成為最新一支同拉傑錫扯上關係既球隊
消息指老婦人願意向史浩克04出價1000萬鎊
12)
加斯居尼又衰醉酒鬧事
難得修夫基同埋布魯士依然出聲撐佢
基瑾甚至已經同佢屋企人聯絡
仲表示紐記願意向佢作出協助
13)
消息指如果富咸可以護級成功
希比亞將於季尾以自由身加盟
以同前芬蘭國家隊教練鶴臣再度合作
14)
由於巴頓太難搞
佢既精神治療師準備終止為佢再作出治療
佢條友平時就搞搞震
被拘留期間見到0的真正既惡人就驚得要死
擺明只係欺善怕惡
都唔係好搞得清楚佢有咩精神病
好憎0的咁既垃圾
幾好波都冇用
最慘既係紐卡素用左550萬鎊等如跌左落海
15)
賓尼迪斯否認沙比艾朗素既轉會傳聞
2 comments:
我寧願巴頓係比賽果陣打對方球員-_-起碼叫做有d作用-_-
真心講句，朗拿度退休啦。佢咁易傷，真係唔忍心見到佢等成一年復出後又重傷。況且佢收山後，做教練都唔洗驚無球會請。
To: 舒利亞
1)
欺善怕惡係懦夫既行為
幾年前小弟覺得巴頓
係一個有潛質同埋鬥心既新星
而家只會覺得佢係英超其中一隻過街老鼠
2)
除左各地聯賽羸得少
(只羸過西甲)
同埋歐聯之外
朗拿度其實差唔多咩都羸過
佢而家仲要搏復出
小弟覺得其實佢係要同佢自己交待
不過早知今日
可能佢會唸以前點解要咁爛蒲爛滾
浪費晒佢十年難得一見既天賦
Post a Comment