1)
峰迴路轉......
講既係摩達歷既轉會
之前消息指佢好有機會加盟紐卡素
點知而家佢最終應該會過擋熱刺
連個人條件都已經傾埋
只要過埋體測同埋搞埋個工作證下季就可以去白鹿徑
但要留意既係
薩格勒布戴拿模其實係都同意紐記既出價
摩達歷仲原來於星期二曾經同基瑾會面
消息仲指出紐記開出8萬鎊週薪去吸引佢
不過最終都爭唔羸熱刺
小弟估同熱刺下季可以踢歐洲賽有關
熱刺雖然只係出價1580萬鎊
但某些條款令轉會費最終可以高達2050萬鎊
小弟未 check 到熱刺俾幾多週薪摩達歷
只知今日會去睇新隊友鬥保頓既佢會同熱刺簽5年約
報導指熱刺最終加碼買佢
係想向貝碧托夫顯示熱刺既野心
而隨住佢既加盟
令熱刺想出價3000萬鎊買細哨既消息既可信性大減
睇來曼城已經成為最想斟細哨既英超球會
2)
熱刺既其他目標球員仲包括伊度奧同埋卡文尼
消息指佢地願意為前者出價4000萬鎊
但成事機會始終唔高
不過要留意既係佢接連被傳離隊
空穴來風......
佢既動向值得留意
而隨住後者岩岩表態唔會加盟巴塞隆拿
令佢轉投熱刺既機會大增
咁亦令小弟可以將占士加盟既傳聞當花邊新聞聽
3)
利物浦斟巴利預到好大阻滯
因為消息指奧尼爾考慮接受
車路士提出以薜維再加1000萬鎊既 package
4)
占邦達第 n 次被傳離隊
消息指佢既目的地不離維拉或者紐卡素
小弟就估以前者既機會較大
因為佢地既右閘美爾保將以自由身轉投祖雲達斯
5)
西班牙傳媒指麥斯洛迪古斯既身價高達1800萬鎊
不過馬體會已向利物浦表明這個阿根廷國腳係非賣品
6)
韋斯咸方面再度否認龍格堡會轉投費倫天拿
7)
伊巴謙莫域接受訪問話有興趣去英超踢波
英國傳媒即刻作故仔將佢同車路士,阿仙奴同埋利物浦扯上關係
不過心水清既就會知只有車仔有少少可能
兵工廠同埋利記點負擔佢咁高既人工
同埋國米都唔會放走陣中最好既球員掛
8)
阿仙奴考慮投訴國米非法斟酌希比
9)
亨格比被傳以自由身轉投新特蘭
10)
一旦伯明翰護級失敗
卡普被傳將以600萬鎊跳船到曼城
11)
曼聯成為最新一支同 L.盧比斯扯上關係既英超球隊
這個波圖既阿根廷射手今季聯賽踢24場就入左22球
之前紐卡素,熱刺同埋曼城已經被指睇中佢
12)
消息指畢爾包要求1500萬鎊
先肯放走艾摩列比達
令佢轉投利物浦或者紐卡素既機會大減
13)
本地聯賽方面
公民今日贏愉園2:0
令南華聽日對香雪晨曦一定要羸先可以成功衛冕聯賽
2 comments:
唉......始終都係唔夠人爭......仲諗住真係買番個大牌球星番來重整隊波，點知又買唔到。
不過既然買唔到摩達歷，咁就留番d錢再揀個啦~~如果占邦達既話，其實比爾唔會比佢差好多，所以倒不如再揀過。至於艾摩列比達，一來又係唔夠利記爭，二來千五萬鎊又係太貴~
真係估唔到南華要鬥到最後一埸先決定到冠軍落係邊個到......
To: 舒利亞
1)
爭唔羸摩達歷
就遲少少搵第二個啦
小弟估基瑾會再搵打呲0個個巴尼斯
2)
占邦達講實力係好過比爾少少
不過佢又貴又成日搞事
唔要好過要
3)
艾摩列比達要1500萬鎊
還價之後都唔慌平得幾多
搵過第二個好過啦
4)
南華今日贏左 4:1 啦
成功衛冕聯賽
Post a Comment