1)
馬斯查蘭奴被英足總罰佢額外停多兩場
同埋罰款15000鎊
亦被利記扣左兩星期人工既佢就發表左道歉聲明
利記就表示會為佢提出上訴
小弟個人認為:
既然自己理虧在先
而家搞咁多野都係多餘
2)
以下係幾段紐卡素既轉會傳聞......
雖然鄧尼再被傳將轉投紐卡素
但艾歷臣就表示鄧尼將會留隊
而基瑾就仍為搵前鋒而努力
不過就幾有難度......
因為熱刺同佢地同時睇中沙維奧拿同埋古莊臣
其中利物浦亦睇中前者
而就算1000萬鎊既戴倫賓特
亦有曼城同埋韋斯咸同佢地爭
3)
維迪既左膝傷患唔嚴重
不過就要休息兩至三個星期
另外,抖左成年既加利仔可能於星期日復出
4)
18歲小將美迪亞同埋艾蒙尼亞都同阿仙奴續左長約
不過年期就冇透露
阿仙奴雖然同後者續約
但唔代表佢可以長做正選
因為兵工廠被傳有興趣簽哥柏
佢既經理人表示這個法國1號龍門已經表明會於季尾離開里昂
另一方面,阿仙奴被指有興趣羅致里昂另一球員 C.Grerrier
佢被經理人形容為'新卡卡'
5)
以下係幾段利物浦球員離隊既傳聞......
賓納特被指將以500萬鎊既價錢求售
米堡,維拉同埋韋斯咸都係可能既買家
而基維爾將不獲續約
佢可能自由身轉投新特蘭
而小弟好唔喜歡既伊坦積將被掛牌200萬鎊出售
另外,早前講過皇馬想簽沙比艾朗素
佢地而家拒定加碼
現金依然只係800萬鎊
不過迪拉列特就由免費借用一季
改為俾埋利記
小弟認為如果消息屬實
對利記而言係幾吸引既出價
6)
就有球員受賄5萬鎊去內定比賽賽果既報導
足總將會展開調查
報導指當時人沉迷賭博
仲輸落好多錢
0個5萬鎊係用來扣數
報導指佢過去兩年於英國比賽
但就冇講佢咩國藉同埋踢咩聯賽
7)
美度同埋京治因傷提早收咧
8)
薩拉迪可能以借用身份效力伯明翰多一季
9)
西雅圖有球隊下季加入美職聯
消息指佢地打算開出15萬鎊既週薪吸引亨利加盟
10)
伊薩臣被傳將以200萬鎊既價錢轉投米堡
11)
如果保頓護級成功
米高艾朗素(沙比艾朗素既阿哥)將會同球隊簽長約
12)
格羅素被傳將回流意甲
以500萬鎊既價錢轉投祖雲達斯
13)
張春暉尋日過堂已經承認傷人罪
14)
麥阿里士打同列斯續約1年
15)
丹尼爾被指將於季尾轉投巴塞隆拿
以取代勢必離隊既森保達
4 comments:
其實之前咪話搵左個高美斯?果個又無左下文......?古莊臣亦係幾好既選擇。
哥柏出國，我又唔覺會比留係里昂好好多......最少係里昂係必然正選，同埋差唔多季季都有個冠軍......不過英超又真係幾吸引。
基維爾最終都係爭取唔到留隊......不過我覺得佢去新特蘭果類球隊，最少仲有三四年主力做，總比做大後備好。
張春暉如果真係入罪，對佢球員生涯會唔會有幾大影響?
To: 舒利亞
1)
B.高米斯應該係堅料
不過你要明白簽球員有時要用好多時間
唔係好似玩 Football Manager 咁容易
如果好似以前桑拿士咁
咁求其就簽左盧基返來
你應該仲驚
2)
哥柏已經唔止一次話要離隊搵新挑戰
因為佢雖然狀態 keep 得唔錯
畢竟已經35歲
趁仲踢得既時候出國試下闖下係可以理解
3)
賓尼迪斯唔同基維爾續約係好正路
因為巴布明顯已經係球隊左路既第一選擇
而懷斯同埋班拿約
甚至乎禾路連既出場機會都應該比佢多
基維爾咁高人工
但成日用唔到佢
冇咩理由再留佢
4)
傷人罪係刑事
要留案底
南華可能因為形象問題而同佢解約
唔係，因為我聽最近又狂傳前鋒加盟，所以唔知係咪果單野衰左。
To: 舒利亞
小弟唔敢講一定成事
不過咁多單傳聞
佢最有可信性
起碼基瑾肯親自飛去法國觀察
反而其他既傳聞
可以全部只當故仔聽下......
Post a Comment