想講下玩 yahoo 既足球經理人大賽
其實如果係玩
就不如玩英超官網0個個啦
話晒都係官方野
yahoo 個 game 好玩在可以低買高賣
唔似得官網既 game 賺就只可以賺一半
不過球員身價差距略嫌大左少少
如果係真係想玩 yahoo 個 game
買攻擊球員
季初可以主力搵阿仙奴
因為佢地季初比較易踢
班小朋友又膀在有體能優勢
拿斯利,賓特拿同埋卡路士維拿都好抵買
而買防守球員
就只從利記,曼聯,車仔,愛華頓同埋樸茅搵人
其他球隊既幾平都死
因為失波多扣分都扣死
拿臣同埋基治咁有助攻力既就當然例外
而中場方面
謝拉特,法比加斯,迪高同埋林伯特
成日有波入同埋助攻
一定要考慮
此外負責寫12碼既都要注意
例如林伯特,謝拉特同埋巴利
另外,要留意下一0的岩岩踢英超既球員
好多都好抵買
例如犘達歷,保辛華,杜辛拿,菲臘迪根,
仲有之前提及過既拿斯尼同埋迪高
當然要考慮佢地需要時間
去適應英超節奏同埋硬朗踢法
另一方面,有0的肯定踢爭氣波既球員值得注意
今季利記係近年最有機會爭英超既一次
謝拉特肯定勁搏
而朗尼要證明自己既價值
趁C7養傷亦會仲搏過平時
如果唔介意朗尼經常攞牌
真係可以唸唸佢
小弟隨意選左個陣容:
拉爾拿,泰利,杜辛拿,維迪,
謝拉特,摩達歷,拿斯尼,迪高,
艾迪巴約,基奧雲尼同埋戴倫賓特
法比加斯同埋保辛華因為頭幾場唔踢得
所以唔用
之後可以考慮買佢兩個
因為前者肯定高分
後者既平,助攻仲勁,車仔條防線又穩
C7就等佢抖完3個月之後先再唸
不過佢有冇鬥心又好成疑問
這個陣容只作參考
因為你每個星期都要變陣同埋換人......
4 comments:
想不到我跟網主的選擇都幾想似~
是真的
在網主提供意見前
我在Yahoo已經有以下陣容
GK:連拿
Defender:沙根拿,G. 巴利,保辛華
M-Field:莫迪歷, 拿斯尼, 伊蘭奴, 迪高
Forward:托利斯, 戴倫賓特, 艾迪巴約
保辛華唔出得?
我擔心係雲加可能會經常放拿斯尼落後備
要佢慢慢適應英超
擔心迪高在林伯特與波歷克之間能否有正選...
唉......我得艾迪巴約同你地一樣咋=.=
To: 紐迷
1)
保辛華小腿傷左
佢於廣州既熱身賽整傷左小腿
於澳門波都冇踢就提早飛返英國養傷
佢季初應該冇份踢
2)
阿仙奴中前場唔算咁齊腳
雲加用拿斯尼踢正選唔奇
佢今晚對西布朗仲有波入
3)
大菲買迪高
一來因為佢兩個關係密切
二來靠佢改善球隊組織力
又點會冇正選踢
To: 舒利亞
咁你又選左邊0的球員?
p.s.:
小弟冇咩心機同埋時間玩 fantasy
因為上網搵料同埋寫 blog
都已經用左幾多時間
所以就算玩
都應該會集中玩官網0個個
好彩今朝入左拿斯尼@_@
另外門將就揀左艾蒙尼亞，後面記得有加拿斯，中間仲有古迪利斯，前面有艾迪巴約，馬田斯同一位侯城前鋒~
因為小弟係忠實紐記fans，所以一定唔買佢地對家=_=
Post a Comment