1)
謝拉特尋晚於對華拉倫加既熱身賽大腰輕微拉傷
可能缺席下星期三對標準烈治既歐聯外圍賽
2)
大衛施華既經理人透露
這個西班牙國腳將於下個星期前落實去向
如果到時華倫西亞未能同佢達成續約協議
就可能考慮賣佢去巴塞隆拿或者利物浦以減債
3)
雲加又睇中兩個小朋友
分別係皇馬青年軍龍門 F.拉莫斯
同埋哥連泰斯既19歲射手迪天奴
後者最近拒絕左沙地球會艾希里既斟酌
4)
高路仙尼今日會到紐卡素進行體測
如果冇咩意外仲會即刻同紐記簽埋約
5)
紐卡素被指願意以450萬鎊既價錢出售阿倫史勿夫
不過消息指現時愛華頓只肯俾150萬鎊
似乎唔足以令基瑾放人
6)
由於條防線超唔掂
加上尼斯達仲可能要開刀長抖
聖保羅既巴西奧運隊後衛阿歷士施華同埋自由身既費拉利
都被指成為AC米蘭既增兵對象
不過紐卡素亦被指仍對後者幾有興趣
7)
朗尼由於感染病毒
可能缺席社區盾,甚至開咧既聯賽
但同時染病既卡域克已經康復復操
8)
早前轉會基達菲爛尾既迪拉列達而家被指可能轉戰英超
消息指阿仙奴願意俾皇馬所要求既950萬鎊
9)
繼辛達告魯斯後
達比舒亞被指成為另一個曉士睇中既舊部屬
10)
韋斯咸被指肯俾700萬鎊買賓納特
簡直係利迷既好消息
11)
伊雲斯勢必離開曼聯
而家熱刺同埋紐卡素都被指係可能買家
12)
比拿美而家一身蟻
事緣日前對葉士域治既熱身賽
當佢因傷被換出既時候
有個敵對既女球迷出言撩佢
佢就回敬一句鬧人係妓女
而家當地警方同埋韋斯咸已經開左 file 去查
13)
簡奴同樸茨茅夫續約一年
14)
朗斯中場 J.沙保同時收到
希臘球隊 PAOK 同埋布力般流浪既邀請去參加試腳
不過這名28歲法國球員表明對英超比較有興趣
所以只會到後者試腳
15)
楊格成為維拉400萬鎊既新右閘人選
P.S.:
格流尋晚輸俾弱旅卡奧拿斯
歐聯第二圈就玩完
抵佢地既球迷發言人會用'恥辱'來形容
7 comments:
友誼賽差唔多埸埸打足既阿倫史密夫竟然一球都入唔到，睇佢踢真係嘔血，150萬鎊都算啦-.-
唔多熟伊雲斯咩料=_=
賓納特竟然賣到七百萬鎊，真係對利迷天大既好消息。同時亦都唔洗驚我地會買佢，真係唔該哂韋斯咸。
p.s.格流有無得降格去歐協?
To: 舒利亞
1)
辣椒仔廢極都唔止值150萬鎊
賣佢去榜尾球隊都賣到300萬鎊掛?
上年600萬鎊買入
而家150萬鎊放人
佢踢左紐記一季就跌價75%
誇0的掛?
大不了到時賣唔出先再唸辦法借走佢
2)
伊雲斯係曼聯既青訓產品
擅長踢中堅,亦可踢閘
但整體水準唔算好高
22歲既佢係北愛爾蘭國腳
佢於球場上從來冇任何代表作
成世人最令人留下印象既反而係
上年曼聯聖誕派對
佢涉嫌強姦一名26歲女子
雖然經調查後當地警方決定唔起訴佢
但個朵已經醜晒
3)
小弟好懷疑傳聞既可信性
一來韋斯咸已經冇左支大水喉
二來就算有錢都唔會咁用係佢身上掛
當年利記用670萬鎊買佢
(如果計埋 add-on 成條數仲高達800萬鎊)
簡直係匪夷所思!
小弟覺得都唔知究竟係布魯士叻
定係賓尼迪斯蠢
4)
印象中歐聯外圍賽第3圈出局
同埋分組賽既第3名
先可以降格踢歐洲足協盃
換言之,而家外圍賽第2圈就玩完既格流
應該已經正式緣盡今季所有歐洲賽事
當然佢本人唔止呢個價。不過我驚無球隊肯買佢阿-.-近幾埸就連艾美奧比都識爭波，佢都唔知仲識咩。
網主講開我又記得，原來就係佢。咁就真係望KK唔好買佢，紀律咁差又唔係勁。
阿倫史密夫最少值300萬鎊啦~
今次紐記要蝕大本...
小弟不是很專業的球迷...
但總覺得今時今日阿倫史密夫既表演
紐記始終要負上責任
當初紐記以600萬鎊買阿倫史密夫
我都唔覺特別貴
因為當時阿倫史密夫總算是英格蘭國腳
到今時今日
連英格蘭邊緣國腳都做唔到
跌格係正常
阿倫史密夫係紐記表演咁差
我覺得同領隊既策略有關
由曼聯重傷開始
阿倫史密夫都無打過一場特別好波
過到紐記
總要一時打中場
一時打右中場
一時打防中
一時打前鋒
周身刀無張利
仲要拍擋成日轉
一時維杜卡
一時馬田斯
一時又奧雲
點會有火花
最重要係打唔到個信心出來
打左咁耐
入唔到波
信心一定無
我覺得只要阿倫史密夫打番個信心出來
表現一定會更加好
小弟又唔覺個責任係紐卡素到。始終將佢轉型既係費sir。係紐記，其實小弟又睇唔到佢真係打咁多位置。果陣球隊傷左咁多人，擺佢係第二d位都無計。而且佢好少真係打防中個位，多數都係打中間。打右亦都只係兩三埸既比賽。但係我記得佢全季應該有出到廿幾埸，當中最少一半係打前既，都無一球入到，仲要係無表現果隻。
我記得有一場佢同馬田斯合作得不錯
放作唔少one touch pass 比馬仔走
P.S.
始終成日打唔同位唔係好事
位置感會差d
To: 舒利亞 & 紐迷
1)
阿倫史勿夫越踢越沉
小弟覺得球員本身同埋紐記都有責任
新加盟既佢打下中場又打下前鋒
仲試過有兩三場打邊
令佢確實會有適應上既問題
更加唔好講發揮
咁 Big Sam 同埋基瑾當然要負返少少責任
不過球員本身都爭唔落
辣椒仔向來冇技術同埋速度
亦唔見得好有腦
以前踢得好全因有拚勁
但近年(未重創之前)已經不復見
而佢既球員操守亦好有問題
遠既唔講
上年英格蘭對克羅地亞既生死戰前開性派對
有球員推條女入 toilet 搞野
到第二日比賽期間更坐後備席 send sms
約同一條女比賽後再開波
0個個涉嫌球員就係阿倫史勿夫
可想而知佢係個咩人
而佢可能因越來越唔受基瑾重用
於紐記亦越踢越冇火(其實係懶散)
自上季尾小弟仲覺得佢有時連緊迫對手都懶做
Big Sam 好多時鍾意用肯踢爛仔波既球員
前者肯俾600萬鎊買後者
好明顯係買佢既搏命
如果 Big Sam 冇俾紐記炒魷魚
睇到而家既辣椒仔踢成咁
肯定好後悔咁貴買佢
(當然如果 Big Sam 冇俾人炒
辣椒仔於紐記既發展亦應該冇咁堪苛)
2)
至於辣椒仔既入球能力點解咁差
明顯係向來冇入球觸覺既佢冇晒火兼信心
不過要注意既係所有野
由曼聯時代(甚至乎列斯後期)已經開始
3)
小弟覺得辣椒仔應該可以賣到最少300萬鎊
如果冇咁既價
倒不如暫時將佢借走
或者俾多次機會佢留隊
p.s.:
近兩日既 comments
當中包括左某0的話題既討論
總比只係一個人問完
小弟之後再回覆好
謝!
Post a Comment