1)
馬勒當拿接受傳媒訪問時證實即將執教阿根廷
而前國家隊教練貝拉度將會出任助教
2)
阿當斯搵前隊友基昂出任助教
3)
大哨表示唔會重返歐洲賽場
全因想返法林明高養老
佢亦表示如果操唔起狀態既話
或者會索性掛靴
4)
下季亮選澳職盟既金色海岸被指打算引入孫繼海
5)
薩基,耶高保,迪科爾,哥治同埋迪亞拉都被傳成為熱刺1月既增兵目標
6)
韋達斯再次被傳會以借用身份加盟列斯
7)
堅尼亞於紐記羸波後向記者表示佢想做球隊領隊
p.s.:
1)
森巴小志強阿祖安奴又打回原形
星期日晚對熱那亞已經因為表現差而只係踢得半場
點知即晚仲有心情同細哨落 bar 蒲通宵
衰過都有人肯再俾機會已經算佢好命
咁都唔識珍惜就認真自作孽
2)
紐記場波聽日先講
5 comments:
看完阿仙奴對熱刺
我忽然記起伍晃榮說個波係圓嘅
如果我是熱刺的fans我相信我應該很開心
球隊戰至最後一刻 迫和
可惜!!!!
阿祖安奴真係死性不改,有機會重生就又去玩
唔睇好肥馬......
堅尼亞其實調動排陣方面仲有唔少問題,唔算係新領隊好選擇.
馬勒當拿做阿根廷領隊固然很有明星效應,
不過佢既執教球會記錄認真麻麻,
基本上佢既能耐同性格都是唔太適合做領隊,
始終作為一個領隊都需要在紀律及管理上很有要求的,
不過作為國家隊既領隊,
可能用自己既明星效應便可以勝任都未定
始終阿根廷既國情及民族特性可能同歐亞不同
未必需要在治軍上咁嚴明卦
而貝拉度這個重量級既前國家隊領隊做助教
我估都會幫到唔少的
因此我對馬勒當拿能出任領隊起碼有一年既想法都好有信心
1.阿祖安奴真的踢得很一般,不過整隊國米既表現真的很普通,以佢地既級數只能用毫無表現去形容,好似欠缺以前車仔既霸氣
2.終於等到紐記羸波
但個人認為紐記只踢到50分鐘好波
上半場既表現都有番以前波比笠臣年代既水準
有巴頓,蜘蛛人,杜夫及馬田斯配合
進攻上仍然很悅目
但最大問題都係在禁區外三閘線既最後兩腳既傳送質素,
真的很差很差,
完全不配合
下半場50分鐘後既戰情更加沉悶
完全有一種被捱打既感覺
中場中路又開始很容易被西布朗劏開
幸好西布朗既埋門質素同紐記一樣都係麻麻
否則又係只會被追和
開始覺得高洛仙尼真的有點被高估
佢雖然好多時都能截擊及瓦解對方的進攻
但亦有很多時候在包抄方面失左位
又容易被對手放甩
同埋都好易被對手引左出來
每場波都有幾個蝦碌既情況
開始感覺上佢同巴布爾,保桑,達比薩斯有點相似
更不及活基治穩陣
這可能同拍擋泰萊既質素也不高有關
而家期望巴頓,古費爾在中路既補位會快一d
令佢同泰萊既中路唔會咁易被人劏開
否則今年又係同上年一樣,咁就好灰了
總括今場對西布朗既表現
紐記只能打半場好波
下半場就好悶,
較車仔vs利記場波可謂有過之而無不及
(發覺車仔vs利記已經算好好睇了)
基本上我昨晚睇重播都睇到睡著
好過吃安眠藥
To: 路斯基,舒利亞同埋 sammysir
1)
關於賽後感
可以睇'2008-10-30'
2)
至於馬勒當拿單野
之後有時間再講
Post a Comment