1)
紐卡素宣佈占美利斯已離開球會
紐記既聲明指佢離隊係為左追求其他興趣
但身為 recuitment team 阿頭既佢講穿左咪即係跳船
佢走人意味艾殊利真係賣盤在即
2)
聖伊天21歲法國中場 B.Matuidi 由於拒絕同球會續約
令身價被估值高達1000萬鎊既佢於1月被出售既機會大增
由於阿仙奴既駐法國球探基文迪一直好欣賞佢俾波好毒
而家就有傳聞指兵工廠將會出價買人
3)
將於季尾同皇馬約滿既簡拿華路表態想返拿玻里養老
4)
森多利亞否認會於1月賣卡斯辛路俾曼城
5)
曼聯被指打算向韋根出價1200萬鎊同利物浦爭華倫西亞
6)
堅尼批評雲加既青訓計劃好多時都係靠用錢買年青球員再培訓
實際上同車路士冇分別
7)
中超所有球隊都同意中國足協取消武漢既參賽資格
8)
巴黎聖日耳門否認搵迪甘斯去取代拿古恩
p.s.:
而家連體育版都講金融海潚
暑假買賣球員全英超最縮骨,
而家連老闆都自身難保既槌仔幫就理所當然咁俾人睇死
抖仲多過踢既雙箭頭艾殊頓以及比拿美,
當打既盧保,厄遜同埋格連都係熱門既套現人選
但就甚少人提及(或者唔被列入5強人選)
人工高(5萬鎊)但質素好一般既尼爾
冇料既佢之前都仲可以靠混水摸魚搵多幾個錢
踢職業波同打份牛工根本冇分別
人工高但偏偏冇料既人於而家咁既時勢通常都冇運行
如果下季開咧佢都仲未俾人踢走
槌仔幫步列斯或者費倫天拿後塵都唔抵可憐
3 comments:
逼走KK既元兇，早走早著啦。有人話古迪利斯係佢幫手搵番來，一來從來無消息講過，二來佢都搵番個蝕本貨悉斯高......況且佢來到之後攪到球會球迷關係差哂，緊要走啦。
李瑋鋒話哂都叫做中國足球入面出名既球員，狼到咁......=.=
多謝你張賴恩巴布簽名相喎!
To: 舒利亞
1)
紐記既所有新球員都係占美利斯同韋斯搵返來
當中包括古迪利斯,格夫里,高路仙尼,悉斯高同埋干沙里斯等人
不過基瑾就冇話事權
而早前同紐記扯上關係既射手B.高美斯
亦係佢地幫手搵返來
當時韋斯仲叫基瑾飛去法國觀察佢既表現
小弟只係好奇怪
點解韋斯以及占美利斯最初對基瑾都客客氣氣
但最終雙方搞到水火不容
2)
李偉峰既球品向來都好差
簡直係一個'球霸'
To: 死佬
唔使客氣
Post a Comment