想講下尋晚既西班牙國家打呲......
小弟之前寫 preview 撐皇馬攞1分既論點大都正確
意外既係巴塞隆拿全場有65%控球時間
半場仲誇張到72%
而令小弟興奮既係卡斯拿斯上左身既表現
佢用行動向外界抗議佢於各頂足球先生選舉都唔受重視
黃色戰衣加上接連左飛右撲
唔知仲以為眼前既係少林足球既四師兄
皇馬如果唔係有佢
一早輸左幾球
小弟講過好驚拉莫斯打亂章打出禍
條友雖然冇好似賽前傳到咁離譜
但佢既排陣都令小弟睇得好唔順眼
用就快退休既沙加度踢右閘同亨利鬥快擺明搵自己笨
而與其話將看管美斯既責任交俾串演左閘既沙治奧拉莫斯
就不如話美斯係俾犯規戰術所牽制
其實拉莫斯簡簡單單用德倫特踢左閘咪唔使打亂章
皇馬班友其實已經踢左近期既代表作
但正如舒利亞所講防線唔穩始終係皇馬既死症
亦解釋左佢地點解唔可以全身而退
生波同埋12碼都唔使輸
偏偏衰在一球死球
巴塞隆拿而家已經拋開皇馬12分
其他球隊又未夠班威脅佢地
今季西甲其實已分勝負
而巴塞隆拿可唔可以羸埋歐聯
關鍵在於美斯既健康,防線水準,中場截擊
同埋哥迪奧拿識唔識 balance 球員既出場時間
而皇馬方面
爭聯賽第二同埋歐聯應該係佢地既目標
不過拉莫斯同埋米積杜域之間既協調會係成敗關鍵
而家傳緊幾日內會有新翼鋒加盟
又有傳拉莫斯欽點柏夫奴真高
但皇馬其實最 urgent 搵既係好後衛
特別係中堅同埋左閘
而米積杜域買既人又未必岩拉莫斯心水
講真拉莫斯自己連用 4-4-2 定係 4-3-3 都未攞定主意
又點可以唸人腳
就算當佢定左陣式
柏蘭卡同埋查維加西亞等新仔有上位機會既同時
佢敢唔敢順勢棄用魯爾同埋古迪亦係 unknown
而沙維奧拿,軒斯,比比等球員仲有冇機會繼續呃飯食都未有定案
不過以拉莫斯於西甲既往績
同埋皇馬整體實力
有條件相信皇馬下半季可以撥亂反正
至於拉莫斯季後既前途暫時就係後話
12 comments:
致舒利亞及鈕迷
恭喜 恭喜 終於大勝啊
其實守到尾段先失波，皇馬已經有哂交代。可惜域陀華迪斯既神勇演出，令佢地幾球入球機會都入唔到波。
而如果皇馬埸埸都有咁既水準，我相信佢地有能力係季尾上番頭三(第二小弟就有少少保留)
p.s.多謝路斯基~~埸波小弟全埸睇哂，好耐未試過睇住紐記大勝，果種感覺真係無得頂~
多謝路斯基~
小弟都有睇場波
但係就遲左十五分鐘
小弟以為十點先開波
講真場波真係五五波
好彩首先古迪亞利斯把握到對方既失誤
奧雲把握到機會打開紀錄
之後都守得唔錯
再加上馬田斯同古費利既入球
先有寶貴既三分
除左要多謝第一球交失波既球員
仲要多謝迪科爾係咁浪費機會^^
又要恭喜網主~
仲有仲有...
小弟為左感謝紐記贏波
自己睇完波之後
立即溫三個鐘頭書
答謝球員作出既努力~
To: 留言既讀者
1)
路斯基只留言俾紐記球迷
點解利記羸波又唔見你恭喜小弟?
2)
小弟覺得這場西班牙打呲
踢得最好就係雙方既門神
3)
紐記作客開齋既賽後感
請睇 '2008-12-15 (1)'
4)
紐迷恭喜小弟0的咩?
5)
紐迷同紐記係唔係同一個人?
6)
用溫書去報答球員羸波?
致舒利亞
大勝的感覺 當然是超興奮
致鈕迷
只要是堅持 終於等到 替你們超高興是因為沉了一段日子你們都沒有放棄 所以好開心無論球隊落在甚麼境況都依然支持 這才是忠實球迷的態度
好想阿仙奴快快有一埸漂亮的足球
致網主
我有啊 你忘記了
致網主:
恭喜車仔陪你地一齊和波~
利記得以補住第一
我又打錯
紐迷=紐記
致路斯基:
我等完場個刻等左好耐
幾驚紐記輸翻轉頭(佢地成日都係咁)
To: 路斯基
咁星期日晚妳估完場後
邊個要恭喜對方?
小弟就估和氣收場居多
To: 紐迷
你因為車仔失分而恭喜小弟
都岩既......
不過利記今季主場已經和左4隊弱隊
冇左8分始終令小弟好肉赤
致鈕迷
絕對同意 加時的時間總會嫌慢
等球証吹哨子完埸 才真的如釋重負
嬴三球多讀三個鐘
那你的學業豈非要和紐卡素的成績掛勾
為未來的青年棟樑 我都希望紐卡素重回頭五名
致網主
挺有趣 點解看你網頁 似乎大大比例是紐卡素球迷
只要是踢得好 我唔介意周日賽後恭喜你
To: 路斯基
1)
小弟欣賞妳既風度
但都依然相信星期日兩'紅'會和波
2)
多紐記球迷......
因為死佬將小弟既 blog 推介俾 sammysir
身為紐記忠實球迷既佢再於網上討論區
將小弟個 blog 介紹俾其他紐記球迷
當中舒利亞仲係天字第一號忠實讀者
所以寫紐記既野已經成為個 blog 既主菜
3)
而家這個 post 已經有10個 comment
幾乎全部都係慶賀紐記作客開齋
但其實這個 post 既主題係......
西班牙國家打呲賽後感
客氣客氣a_a
既然大家已經離哂題，咁都係唔好再係呢個post講野=_=
To: 舒利亞
1)
同意
2)
其實就算係講紐記
都 focus 下場主場對熱刺啦
而家既熱刺已經唔再係季初既魚腩
但紐記主場對熱刺既往績唔錯
而奧雲同埋馬田斯而家咁 fit
有本事射死回勇既高美斯
Post a Comment