謝拉特於星期日賽後同5個 fd 蒲吧消遣
懷疑同1名34歲男人發生爭執,仲繼而動武
個男人塊面被打傷
謝拉特同佢既5個 fd 事後就被捕
同埋被拘留以及接受調查
而家佢同其中兩人已被落案起訴
案發地點星期一停業
以方便警方調查
消息指隔住玻璃都睇到打鬥後地面仍有血跡同埋玻璃碎
事件有好多版本
有話受傷男人係駐場DJ
雙方因為選播音樂既問題而起爭執
亦有版本指身為曼聯 fans 既受害人先撩者賤
利物浦方面最初拒絕回應
而家就話全隊會給予佢 'all the support he needs'
坦白講小弟唔坦心佢會因為今次事件而要坐監
畢竟法律面前有錢人好似真係比較有利
睇當年活基治同埋保耶幾乎打死個亞裔青年都可以唔使坐監就知
但一旦罪成既話
案底就似乎走唔甩
小弟上心既只有兩方面......
一係佢既表現會唔會受今次事件影響
佢唔會因為今次事件而要停賽
但賓尼迪斯可能要求佢休息
而佢自己亦可能會要求放假處理官司
佢有事既話利記都唔會有運行
20年來首個聯賽錦標隨時擦身而過
而更重要既係睇利記已成小弟生活上其中一個重要部份
見謝拉特如見子侄
實際上見佢仲多過見屋企人同埋老死
佢係小弟睇波以來最喜愛既球星
於小弟心目中既地位絕對係一個自己人
知佢犯事既第一個反應絕對係痛心
於小弟心目中只有自衛先可以動武
其他情況一概冇得傾
小弟唔知案發情況
唔可能妄下結論
小弟同意聖人都有錯
不過如果佢真係有咁做
小弟都唔可能盲目話認同佢既行為
上年張春暉犯左傷人罪
本地無數擁南球迷起勢撐佢
何況而家出事既係謝拉特
而家網上應該有無數聲援佢既留言
但撐人都要識得分是非黑白
卡比路寧願繼續用泰利做隊長
都唔肯俾機會佢
小弟曾幾何時唸過係因為佢既老婆有搞事紀錄
而家搞單咁既野
段估佢都仲會繼續入選
但做隊長既機會應該從此唔再出現
(不過小報話賓尼迪斯可能唔再俾佢做隊長既傳聞
小弟就打死都唔信!)
而佢於球場外既健康形象一舖清袋
錢段估會賺少左
文化推廣大使亦應該唔會再有佢份
一時衝動,後果嚴重
大家最好引以為鑒
4 comments:
當日選利物浦為第二位也是因為謝拉特
印象中的他是斯文零緋聞 愛家的好球員
希望會有突破性的結果 如果因今次而賠上球員生涯
真的不值
你如此痛心
但也不盲目
佩服
To: 路斯基
1)
做人總要保持理智吧......
2)
有消息指其實所謂既受害人都有郁手
講真，其實你話謝拉特主動郁手，小弟點都唔信。小弟雖然睇波唔係睇得耐，都有十年啦。雖然小弟唔係利記迷，但係big4入面較為支持既都係利記。所以一直都幾留意利記既事。謝拉特一路俾小弟既感覺都唔係衝動既人。小弟估多數都係佢聽到d難聽既說話，或者係佢班fd俾人攪先出事。
當然，對謝拉特既認識無論如果都唔夠網主深，所以網主唔敢妄下判斷，小弟自然亦都唔夠膽話一定。
To: 舒利亞
小弟咪話身為曼聯球迷既駐場DJ先撩者賤
傳聞係佢郁手先過謝拉特
前者一手推開後者
之後後者就一踭打爆佢個咀
不過以上版本現時無從證實
Post a Comment