紅軍剷平奧脫福......
一齊要由幾日前既歐聯講起
以戰養戰既利記踢出超水準
連巴布同埋杜辛拿都忽然好波
加上球證接連犯錯
大炒皇馬4:0打起晒成班波既信心
而由於早段已經將皇馬收皮
成場波唔使出好多力
另一邊既曼聯
週中用左傑斯同埋史高斯兩位老人家
罕有地廢左自己中場既截擊力
如非對方冇運兼有防守失誤
佢地5冠王既美夢已經斷左攬
幾日後做客既可以抖多一日
兼且氣勢同埋信心都爆燈咁出征奧脫福
而主人家就仲好似沉醉於幾日前既幸運勝仗
或者因為近年佔盡優勢既對賽成績而沾沾自喜
費格遜似乎仲未從幾日前既苦戰吸取教訓
佢識得收超返兩件老野
但用組織力輳強既安達臣去取代效率奇高既費查
搞到得返朴智星同埋冇咩速度既卡域克去搶波
就削弱左本身中場既攔截本錢
而利記方面
雖然沙比艾朗素因傷缺陣
又有艾比路亞熱身受傷
要靠希比亞臨危受命
不過陣容尚算完整
而一個介乎 4-4-1-1 同埋 4-3-3 之間既陣式
因為有費托同埋謝拉特同時出場而好有殺傷力
利記可以出人意表咁大炒對手4:1
主因有兩個
一係曼聯比利記既出錯多好多
拉爾拿出錯原本令利記陷入劣勢
不過曼聯實在超好客
居然起勢咁送禮
發夢都估維迪唔到佢突然發波瘟發成咁
利記由落後到追平關佢事
費蛇一次過換3個唸住同利記搏命
點知又爆鑊既維迪3分鐘後就斷送左隊波追平既希望
佢原本係本土足球先生同埋球員先生既大熱
今場波至少冇左3成得票率
而艾夫蘭失位以致輸12碼同埋奧沙俾杜辛拿偷到雞
就令人發覺原來係強項既兩閘助攻
亦可以係輸波缺口
今季曼聯主場踢聯賽只失兩球
雲達沙之前又好似練左金鍾睪咁
不過破門一現
下場都只係失波
而利記既緊迫戰術亦係羸波原因
費托於前線已經係第一度防線
幾個中場加上回防助守既古治以及利亞拿
唔係下下都搶羸曼聯中場線
只要令佢地老鼠拉龜有波都冇位傳就已經好足夠
而C7(特別係佢),朗尼同埋泰維斯等主力有波在腳
利記好多時都唔止一個人去夾擊
令曼聯前線既火力蕩然無存
攻不銳,守不穩絕對係曼聯今場波既死因
難為費蛇居然厚顏撐自己隊波踢得比較好
而利記幾日內連續兩場代表作
而家全世界仲有邊個敢睇小佢地
而家踢多1場既利記追到4分
數字上雖然依然劣勢
不過總算似返個後上既挑戰者
而壓力落晒曼聯身上
加上佢地條防線原來唔係滴水不漏
利記既爭標夢忽然重燃
不過如果佢地好似之前咁劫富濟貧
咁羸幾多次曼聯都只係徒然
p.s.:
紐記同埋米堡兩場波既賽後感聽日再講
6 comments:
紐記得和波,再係咁真係等落英冠~~
仲有曉頓的排陣...仲要換老味入黎...
好彩P'Mouth又係和波和Stoke輸先排16...
P.S 紅軍終於羸波縮窄距離,加油啊!
小弟罕有地連睇兩埸直播，皆因兩埸波對參與既球隊都有幾大影響。
首埸利記作客曼聯，剛剛好食完飯開始睇。不過埸波俾小弟既感覺係幾悶，可能兩面都想穩穩陣陣。首個埋門朴智星施射都俾加歷查擋高，跟住似乎無咩好近榜既埋門。估唔到朴智星跟手又搏到十二碼(好多人話誤判，網主又點睇?)
不過成埸波最估唔到係維迪，接連犯錯真係估都估唔到。當然，費蘭度托利斯又係好野，扎住上陣都可以先逼到維迪犯錯，再傳個靚波比謝拉特令到艾夫蘭犯極刑。維迪用超技術攬跌謝拉特紅牌出埸，奧里利奧一個世界波拉開紀錄。杜辛拿既笠射只係錦上添花~
埸波雖然大比數，小弟仍然覺得悶。五個入球三個死球，追平一球又係維迪犯錯，談唔上組織。不過正如網主所講，曼聯犯錯實在太多(包括費sir)，結果就算攻勢較多都要大敗。要提既仲有C朗，再一次證明佢係重要比賽無料到，朗尼又係無咩影。前面或者只有泰維斯係合格。
另一埸小弟愛隊再一次令人失望，等埋網主賽後感出街再講。
我反而覺得曼聯對利物浦場波真的可以用大戰來形容,
兩隊既行軍速度非常快,
可觀性很強,
我覺得曼聯這場有d疲憊,
想不到賓尼迪斯今季已完全掌握曼聯既進攻路數,
同埋進攻時針對防守最強既維迪去進攻,
令佢連番出錯,
防守上既企位同聯守都做得好好,
令到曼聯進攻變得老鼠拉龜,
全隊只得朴智星同朗尼叫做勤力d,
記憶所及,
曼聯好似除了在96年既英超經典戰作客負給紐卡素0:5外,
都好少被對手大炒,
只有佢大炒人地....
相比下,
紐記場波真的可以用悶字來形容,
或者對紐迷而言,
是既肉緊又睇到火滾卻不精彩的賽事,
賽前個個球員都話場波好重要,
好似當世界盃決賽來踢,
結果去到落場時,
踢到好似季前熱身賽咁,
一d都唔肉緊,
中前場組織力差,
行軍節奏之慢,
踢成咁,何止未能夠在英超立足,
踢英冠都可能輸,
排陣方面,
仲以為進取d會同時出盧雲卡蘭斯拍馬田斯再加奧雲,
點知仲要出繼贊拿斯後另一個更差既夢遊王阿倫史密斯,
中場完全踢少過,
完全被有備而戰既侯城中場線比下去,
前鋒線上,
馬田斯,奧雲,同艾美奧比都是無態,
心想如果出杜夫,卡路爾or盧雲卡蘭斯搏一搏,
可能仲有機會,
成日只識大腳斬入去,
或者擺史提芬泰來同卡路爾去踢雙中鋒仲好!
下半場踢得好左d,
不過都係攻力有限,
蜘蛛人又只識帶住個波作個人突破,
但又唔識出波同射波,
咁又點幫到手呢?
如果仲仍然要期特畢特同謝列美兩老在中場攻守兼備去同人地火併,
咁就真係要下年等睇無線收費電視了,
現在期待下場對阿仙奴時,
中場有番路蘭可以幫下手,
佢踢既三場比賽,
紐記都是一勝兩和,
現在就一和兩負,
唉!堅尼亞由10月初帶隊至1月中基雲離隊時,
紐記踢過16場波,只負4場,
其中一場是輸俾利記1:5,
自從基雲離隊及堅尼亞病左,
紐記最近九場比賽只得1勝,3和,5負,
真的不理想,
不過最近這幾場比賽紐記2和2負,
其實都並非完全一無是處,
希望班球員踢得上心一d,
同埋集中d,
曉頓換人時又果斷d.
段估都應該是樂觀的...
趁sammysir講開先講，侯頓今埸波表現真係失望。比起上埸對曼聯，或者再之前幾埸波，真係完全兩回事。尾段推畢特打中鋒更加係摸不著頭腦，何況球隊仲有換人名額，後備仲有岩岩續完約既卡路爾呢。推畢特倒不如推入球有一手既史堤芬泰萊。既然有心係又斬唔係又斬，點解前面又擺兩個矮仔，又係奇怪。後面巴桑又係唔知攪咩，係咪受到轉會傳聞影響，失第一球完全走甩左矮仔基奧雲尼，俾人地頂入。又成日係後面hold住個波，跟手自己殺出重圍。唔係佢係稍後補番獲，真係又被人小。
利記真係打得好好
贏左皇馬真係信心番晒黎
希望之後食住上啦
To: 紐迷Ricky, 舒利亞, sammysir & wtssoccer
1)
曉頓既調動真係幾令人R頭
關於紐記場波
小弟今日一定會交到功課
(已經拖得太耐,真係唔好意思!)
2)
如果用戰術角度去睇雙紅大戰
其實真係一流
3)
整隊曼聯
唔計非戰之罪既雲達沙
就只有朴智星同埋泰維斯比較似樣
C7同埋卡域克分別只有開紀錄既12碼同埋一下遠射令人記得佢地
其餘時間都冇料到
朗尼同埋安達臣就更加唔好講
4)
賓尼迪斯精於戰術部署
所以向來踢盃賽都係利記既強項
今場波佢地當歐聯決賽咁踢
自然岩晒賓帥
5)
利記由前線開始逼曼聯
而古治同埋尼亞拿又回防
於利記既心臟地帶
曼聯既攻擊球員(特別係C7)根本就被重重包圍
6)
小弟又唔覺利記特別針對維迪去進攻
不過維迪連環爆鑊真係唸都唸唔到
7)
曼聯確係俾利記抖少1日
不過曼聯人多
如果計晒成季
其實利記唔見得比佢地輕鬆好多
8)
其實曼聯都試過俾車仔炒5:0
當時既罪人仲係畢特
亦試過俾修咸頓炒5:0
而兵工廠亦試過炒佢地3:0
龍格堡仲於比賽入佢既第一個英超入球
9)
利記就算餘下9場波羸晒
都要寄望得失球領先既曼聯最少和4場
數字上依然好不利
不過平常心啦
p.s.:
1)
sammysir 講波真係幾吸引
期待同你既波經飯局
2)
wtssoccer?
我之前認識你嗎?
Post a Comment