今日想講下東北護級雙'虫'
1) 米堡對樸茅
米堡迷ck意見如下......
兩隊波都好多攻勢, 上半場頭15分米堡搶錢咁搶,但不中龍
然而一次快開罰波,比賓納傳到中再彈番比高治窩理利
好唔集中,鍾斯又被阻視線........唔敢嗌的後果
之後老樸勁多chance in 1st half
下半場到米堡搶住踢,但去到有人紅牌至識醒
端基的全場奔走,助攻助守,原來佢先至係playmaker
最後馬龍京治的努力令佢於臨尾執到雞.........
最後十分鐘米堡其實不設防,除侯夫外,邊個返去守就係果個守
差點更憑艾方素單刀反勝,可惜占士實在太勁..........
比斯---落地係不智,插水都係不智,但真係可以令佢跌的動作都要食黃牌?
(小弟意見:雖然動作真係可以趺,不過比斯真係借勢趺,球證罰佢插水都唔見得有錯)
端基,唐寧,莊遜,馬龍京治--全場奔走,尤其端基......如果球隊全隊都係咁,真係唔駛護級
(小弟意見:一啖砂糖十幾啖屎先係米堡)
臨尾十五分鐘,要端基少班隊友至識醒.........
就係可能佢走番老遠,搶埋球波,之後比波無人到,先至激發到全隊...........
有時隊友真係要小的,太靜(指領隊)真係冇用
(小弟意見:何止靜,直情廢)
球隊前景真係好睇端基同埋鍾斯..........
2) 侯城對紐卡素
紐迷Ricky,舒利亞同埋sammysir已經講左唔少場波既意見
小弟只想講下紐記陣中幾條友
第一個係巴斯桑治
條友頂輸俾基奧雲尼真係幾離譜
巴西仔又唔係高,亦唔擅頂
法國仔擺明發夢
而佢之前對曼聯已經盧斯奧上身
對侯城夠膽咁玩野有咩咁奇
傳聞兵工廠有興趣斟佢
佢想玩野 show off 唔難理解
不過如果雲加睇見佢咁既腳法都簽得落手先至奇
第二個係奧雲
佢抖左咁耐根本冇態
先任後備似乎比較合理
第三個係古迪利斯
sammysir 提到佢好似唔識傳波同埋入波
小弟就可以為這名阿根廷國腳解話
佢唔係唔識傳波
只係搵唔到人俾
不過佢就真係唔多識入波
小弟幾個月前介紹佢既時候已經講過佢入球能力平平
95場入5球算普通啦掛?
第四個係阿倫史勿夫
辣椒仔踢中場冇攔截,冇後上助天,冇駁腳
sammysir 冇講錯
紐記真係好似踢少件
睇佢踢有時令小弟唸起而家於車仔既波歷克
第五個要講既係曉頓
奧雲同埋辣椒仔有得踢正選既失敗安排都關佢事
小弟認為由狀態唔錯既盧雲卡蘭斯代替奧雲踢正選
對兩者以及成隊波都比較公平
而辣椒仔踢得咁屎都可以於球場現形75分鐘就仲過份
曉頓應該一早用R泰萊踢正選
因為紐記就算現時冇人識中間派牌
球隊都總算做到簡單直接既兩翼側擊
3 comments:
小弟最想笑既係阿倫史密夫被換下埸果陣仲一面唔滿意既表情。小弟心諗：「你有得踢都還得神落啦。」
反而古迪利斯同安歷基默契真係唔錯，幾次見到佢地合作係左面出波。
網主講得無錯，一早用賴恩泰萊，對成隊波都好好多。賴恩泰萊落埸後，成隊波生哂。
希望對阿仙奴時，有路蘭同古費列復出既紐記，可以唔再用阿倫史密夫。
屎密夫
To: 舒利亞
用賴恩泰萊既好處係令兩翼進攻得到平衡
紐記中場冇組織力
要求兩名中場中球員將個波分去兩邊
已經係唯一既選擇
其實唔用賴恩泰萊
用盧雲卡蘭斯或者杜夫都可以
Post a Comment