1)
利物浦好可能再於暑假訪問亞洲
消息指佢地將於7月17至26號訪問泰國,新加坡同埋香港
佢地已經同香港足總接觸
如果成事,香港足總將會派香港代表隊迎戰
2)
科威特財團透露由於兩個美國老闆叫價5億鎊實在太高
所以收購成事既機會好低
3)
加利安尼公開表示如果AC米蘭入唔到前3
安察洛堤就要落台
而意大利傳媒估計列卡特最有可能取代肥安
另一方面,查迪亦被指成為紅黑兵團既新中堅人選
4)
艾殊利高爾因為酗酒同埋妨害治安而被捕
稍後已經獲釋既佢被罰款80鎊
5)
熱刺被指可能以500萬鎊既價錢將侯度史東賣到富咸
而佢地亦可能將威爾斯二閘球員根達借到普雷斯頓
6)
繼耶高保同埋艾迪達之後
安尼捷比成為最新一個提早收咧既愛華頓球員
而拖肥糖就同年青中場 J.Baxter 續約兩年半
這名17歲球員早前打破球會最年輕出場紀錄
另一方面,佢地被指打算向西布朗出價500萬鎊收購格寧
p.s.:
1)
紐記對曼聯既表現不過不失
雲達沙既不失球紀錄都俾佢地終止埋
最終輸波都攞返唔少面子
不過兩個泰萊陀衰家
史堤芬都可以話勤力但冇運
不過同C7幾乎搞出事
有冇於球員通道嘈過交亦係冇人知
不過點衰都唔夠賴恩咁衰
居然夠膽死隔咁遠用心口玩回傳
當年卡路士都試過咁樣中招
小弟睇見佢咁送禮真係嬲到嘔血咁滯
森巴足球上身既仲有巴斯桑治
條友兩次學人引球殺出重圍都幾乎出事
堅尼亞睇住電視隨時俾佢激到又入廠
2)
尋晚幾場波都不乏冷門賽果
英超主場戰績排第2既富咸主場對連續18場冇波贏既(紙)老虎
居然可以臨天光賴尿
不過千祈唔好睇小佢地
今場留少少力可能下場對曼聯既足總盃賽事就來料
另一方面,米堡就好快打回原形
作客白鹿徑竟然成為熱刺冇左聯賽盃既出氣袋
吞足4隻光蛋
好難想像佢地幾日前可以打瓜利記
米堡海鮮波到得人驚
防守有時連英冠水準都冇
名氣射手又全部冇貨賣
領隊又冇料兼冇火
佢地如果最終降班都死不足惜
4 comments:
哈，相信網主實會去捧埸
唉......輸波唔嬲，輸球咁既波，真係唔知講咩好......宜家又危險番，之後三埸仲要對阿記車仔......
據聞呢個係對話內容↓
Ronaldo: You're a rubbish footballer.
Taylor: At least I'm not ugly.
Ronaldo: But you're a rubbish footballer.
Taylor: I know, but you're still ugly.
To: 舒利亞
你講既對話版本
重點係 'ugly'
段估都係指C7既比賽風格掛
小弟聽過另一個
話史堤芬泰萊其實係鬧朗尼
小弟都覺得有一定可信性
因為佢所講既 'ugly'
如果係指個樣既話
段估串既真係朗尼
而唔可能係C7
小弟都聽過，而且可信性的確高d，因為史堤芬泰萊講過從來無同C朗嘈過
To: 舒利亞
同意
史堤芬泰萊話冇同過C7嘈交
不過就冇否認(雖然都冇承認)同朗尼互串
另外,如果真係串人個樣
對象當然係同史力加成個餅印既朗尼
Post a Comment