尋日講過只要箝制巴塞隆拿中場
前線3條A幾堅都即刻死火
軒迪克果然有針對性部署
寧願放棄右路側擊而收起卡奴
中場用多個米基爾
加上林伯特亦助守多過助攻
車仔明顯靠人多同埋效率去搶中場
雖然最終控球時間只得35%
(上半場更只得30%)
但中後場好緊密咁塞晒人
加上經常於前場靠犯規停頓比賽
至少已經拖慢晒巴塞既比賽節奏
而前線用馬路達而唔用卡奴
小弟估原因係針對丹尼爾艾維斯既助攻能力比艾比度好得多
軒迪克想靠這名法國中場去牽制前者之餘
再搵機會偷襲巴塞右路防線
雖然效果唔算好理想
但睇得出軒迪克佈陣相當細心
而針對巴塞球員擅長入滲
守得好集中既車仔防線多次以越位戰術應付
而被嚴密看管下
巴塞3位殺手真係冇咩料到
(特別係保辛華令人驚喜算係成功凍結美斯)
中場恩尼斯達同埋沙維好多時都搵唔到3條A有空位
結果巴塞有威脅既埋門屈指可數
就算有都過唔到表現回勇既施治
贏形勢,冇實際之餘
仲幾乎因為馬基斯送禮而輸波收場
軒迪克當年第一次帶隊踢歐冠(歐聯前身)已經成功捧盃
哥迪奧拿想同前輩睇齊似乎好有難度
不過比賽尾段佢先後換入保贊同埋希比
幾乎令前輩既精密部署功虧一簣
總算攞返個尾彩
而這亦係可以挑剔車仔防線表現既僅有幾分鐘
亦反應車仔防線既適應能力有待改善
軒迪克如果唔多加注意
兼對手下場有佩奧爾同埋馬基斯因為停賽同埋受傷而缺陣
而家略佔優勢既車仔仍有可能於史丹福橋功敗垂成
p.s.:
今晚仲有場紅魔大戰兵工廠
唔理好唔好睇同埋邊隊晉級
小弟只係唔想見到豬維豬達拖低比賽質素……
12 comments:
希望豬達真係傷鬼左唔出得
咁就一天都光哂
一個球員落到如此被人厭惡 很唏噓
雖然明知支持紅魔嬴的人多得很
但我依然只有一個意念
只要對方打得好輸也無怨
要欣賞漂亮足球
To: wtssoccer & 路斯基
1)
豬達受背傷困擾
有一半機會缺陣
2)
只要本身支持既球會打得好
就算最終因為對方更強而落敗
小弟同路斯基一樣都會收貨
3)
因為欣賞漂亮足球
所以路斯基鍾意兵工廠
不過佢地踢歐洲賽
已經比以前重視戰術同埋效率
算係識得搵平衡點
始終好睇之餘都要好食先得架
輸了比賽 但嬴了艾蒙尼亞
下次要加加加偣努力
否則都行人止步
To: 路斯基
1)
唔係艾蒙尼亞
兵工廠已經收左皮
2)
小弟寧願雲加倅機會迪佐羅
又或者搵沙格拿或者伊保爾客串中堅
都唔好再用豬維豬達
p.s.:
唔好灰心
仲未絕望
至少仲有90分鐘
只輸一球，阿記算好彩。
亦都算我地好彩。
如果唔係艾蒙尼亞，我諗十六強、八強同埋四強都會有其中一埸比賽係首回合就已經完結......
完全同意
我都情願雲加用迪佐羅
個失球又係關豬達事
哎...
其實真係非常可惜
艾沙文太遲轉會
如果係歐聯用得
真係發達
艾蒙尼亞傷癒復出都咁fit
都要讚佢兩句
最後一定要講
雲加始終係老曚董
死都要用賓特拿
早D換艾杜阿杜啦
用賓特拿不如換艾保爾
留番艾迪拜約係場上好D
將禾確特或者拿斯里推前仲好
To: wtssoccer & 舒利亞
1)
艾蒙尼亞仲fit過尋晚既施治
如果佢肯入藉
佢絕對係英格蘭1號龍門
2)
豬達應該係繼施根之後
最廢既兵工廠後衛
3)
兵工廠中前場已經夠火力
下場想反勝
重點除左執後防
仲要唸辦法搶羸中場
否則將禾確特同埋拿斯尼推前都冇用
4)
賓特拿唯一既作用係打多瓣高波
佢既波底同隊友始終差好遠
不過兵工廠又唔係踢好多高波
吹脹!
5)
伊度亞度唔算好fit
同埋心理質素現時未必適應高水準比賽
雲加暫時唔太放心用佢係可以理解
我唔明阿仙奴失一球 同舒利亞的紐卡素有直接關係嗎 點解舒利亞會說我吔好彩
To: 路斯基
阿仙奴全場劣勢
最終只係輸0:1
全靠復出既艾蒙尼亞上演球迷奇遇記
加上C7既世界波中楣
講真真係有運
舒利亞咁講並唔係想踩低妳隊兵工廠
妳千祈唔好誤會
你放心
我不是誤會他 反而思考
他是否把阿仙奴作盟友而已
有少少開心
但點解你會這樣猜想我嘅
:-I
Post a Comment