早幾日米堡迷ck兄話有fd搵到批冷門波衫以及足球用品
問小弟有冇興趣一齊上網賣衫
其實小弟都有少少心郁
一來對波衫有興趣
二來如果好似ck兄0個fd咁有門路
每件衫賺少少車馬費都山大斬埋有柴
但偏偏衰在太忙冇時間
小弟曾幾何時都有唸過賣波衫搵外快
而入貨就好考眼光
因為大把奸商賣假嘢之餘
就算搵到正貨亦要考慮款色
畢竟件衫太樣衰又點好意思叫人著上身
而如果搵到落場版同埋特別版就仲正
有時遇有賤價次貨其實都入得過
因為件衫可能只係廣告 logo 花左或者衫身有少少甩線
賣平少少應該都唔愁冇捧場客
至於衛衣以及 track suit 就未必有咁多捧場客
不過遇到熟客有特別要求先同佢搵貨都未遲
至於波boot就由於成本唔平
開業初期或者驚風險就真係索性唔好入貨
因為要賣好幾件衫先可以 cover 波boot滯銷既損失
查實波衫喜好各有唔同
好多人都因為唔想同人撞衫而鍾意冷門嘢
順便同佢賣定廣告
佢0個fd搵到既貨源真係夠晒冷門
英格蘭,德國,西班牙同埋意大利既部份中小型球會已經係小兒科
希臘,危地馬拉,巴拿馬,哥斯達黎加以及玻利維亞等地既
球會或者國家隊都可能有貨就唔到你唔服
當中其實另有一至兩隊強隊既筍貨
不過所有嘢都要等ck兄0個fd稍後落實
以小弟所知售價仲算幾抵
遲少少等ck兄俾到條link
小弟會 post 0係度俾大家參考
真係唔買都值得睇下
Subscribe to:
Post Comments (Atom)
3 comments:
哈
做生意呢d野真係有排都與小弟無緣
不過講開又講
小弟係果隻鍾意冷門野既人
因為熱門果類成日同人撞
其實都幾無隱
如果有機會
我係台灣都想賣喎
或者可以傾下
To: 舒利亞
1)
ck兄只係貪過癮搞小本經營
2)
相對於錢
時間先係大問題
3)
小弟鍾意靚同埋貼身款
係唔係熱門都冇咩所謂
To: wtssoccer
ck兄0個fd話貨源暫時唔穩定
所以未有餘力同其他人合作
不過我0地仍然可以保聯絡
因為之後如果時間許可
小弟都會搞埋一份
有機會真係可以合作
畢竟賣去台灣又係另一條水
Post a Comment