近兩晚歐聯既焦點一定係F組巴塞讓車馬都羸國米
自從上季跟軒迪克上左兩堂之後
巴塞每次對勁隊
哥迪奧拿都會安排前鋒墮後幫手控球
今場繼9月作客聖西路後再次靠小組短傳搓死國米
沙維,恩尼斯達同埋柏度洛迪古斯都超搶
當中後者就算今場要客串唔擅長既正箭頭都有功課交
亦經常搵機會兩邊出擊
佢通馬干坑渠仲好有美斯既影子
而前場亦係巴塞既第一度防線
加上防守球員出身既哥迪奧拿上季接手後重點改善補位以及搶截既效率
令國米就算有波在腳都冇機會反擊
甚至連控球在腳都有壓力
所以摩連奴賴冇人替補史尼達令國米既論點
小弟只係覺得佢好似跌左落地都要執返堆沙
而串王最終肯讚舊'公司'幾句
可能只係想人地下場幫手打沉基輔戴拿模
畢竟而家既國米對魯賓卡山唔係攞硬3分
要擊敗眼前既巴塞
靠幾隊英超強隊以速度制衡應該仲有可能
不過眼前既國米中場
幾個工兵冇一個有一個基達咁硬朗
整體運作亦輸晒轉數
再次睇到國米於意甲池中無魚蝦自大既後遺症
之後簡單講下其餘幾組......
E組里昂同埋費倫天拿都重歐聯多於本土聯賽
當中後者3場主場既表現都咁堅
比3隊意甲傳統勁旅好得多
不過愛隊利記提早下馬真係衰自己
計實力唔比費倫天拿以及里昂差
偏偏後防錯完一次又一次
不過佢地轉戰歐霸就應該有一定勝算
最中最強對手可能係A組既祖記以及拜仁
前者尋晚輸兩個死球就真係抵佢地死
而後者既表現仲屎過上季
最終邊隊出局陪都利記都一樣唔抵可憐
B組曼聯抽到好籤輕鬆出線絕對正路
餘下3隊都仲有機爭次名
當中以禾堡比較大機會
C組既AC米蘭尋晚行運
可憐馬賽而家出局邊緣
睇過馬賽作客兩隊名牌既比賽發覺佢地球員質素係輸蝕
不過次次都輸人唔輸陣
如果佢地轉戰歐霸應該會係黑馬
D組車路士同埋波圖出線好正路
不過馬體會屎到咁離譜就有邊個唸得到
G組西維爾以及H組阿仙奴輕鬆出線
而不論史特加,烏尼雷亞,奧林比亞高斯同埋標準烈治邊隊入到16強
怕且都只會成為首名出線球隊既心水對手
2 comments:
最估唔到係波爾多@_@
國米去到歐聯向來無料到
換左摩佬都無變
最慘係咁樣都可以係國內獨大
反映其他球隊真係更唔掂
p.s.
講開歐霸
阿積士表現如何@_@?
定係根本無份~_~?
好似無咩聽到佢地
To: 舒利亞
1)
波爾多既表現其實只算平穩
唔太突出
不過祖記以及拜仁對住佢地既時候
射極都唔入之餘
仲接連因為防線失誤而輸波
造就佢地而家有5場13分既佳績
當然佢地重歐聯多過法甲
相對祖記以及拜仁雙線都要搏命
又係多左一項優勢
2)
國米陣中部份球員達唔到摩連奴既要求
而球隊表現亦有多個問題
防線唔集中,中場截擊差,
側擊過份倚賴一對閘,
而除左史尼達外
球隊再冇其他有創造力既球員
咁多問題加埋
或多或少解釋左國米點解咁屎
3)
阿積士而家於歐霸盃分組賽小組排第2
餘下兩場拋離薩格勒布戴拿模5分
出線32強十拿九穩
Post a Comment