講返幾日前 sammysir 問既轉播費合約......
先講英超
上年已經落實由下季起連續3季既本土轉播權
價值接近18億鎊
而最近亦落實價值10億鎊既3年海外轉播權合約
成交價增幅高達5成半
兩張厚約就令一席英超至少值5000萬鎊
而英冠既本土轉播權合約由今季開始
3季只係共值2億6400萬鎊
可想而知英冠球會有幾窮
而海外轉播權應該另計
不過小弟就搵唔到詳細資料
西甲方面
每間球會獨立出售轉播權俾當地兩大財團
不過小弟就 check 唔到兩大財團最終將整個西甲轉播權加埋賣到幾錢
皇馬每年大約分到有1億5000萬歐元
巴塞亦有唔少於1億1600萬歐元
不過其餘18間西甲球會加埋都分唔到6000萬歐元
難怪當年西維爾曾經有段時間寧願唔賣轉播權
值得一提既係由於兩大豪門既人氣越來越勁
皇馬同埋6冠王巴塞之後再續約既叫價亦只會係天價
意甲同西甲既情況類似
現時每年轉播權估計總值5億鎊
不過兩間米蘭市球會同埋祖雲達斯都各佔超過1成半
加上費倫天拿以及羅馬都有一定叫座力
大約都估到其餘球隊分得幾少
基爾禾上季就只係收到400萬鎊
而06-07年球季泰列維素既轉播收入仲竟然同祖記相差6600萬歐元
不過意甲可能變天
事緣好多小球會聯合超立搞革命
最終意甲球會聯合起來打算效法英超成立意超
由賽會統一代理電視轉播權
從而提升議價能力
雖然大牌球會仍然會因為轉播場數比較多而收入較多
但中小型球會既收入至少可以得到保障
意甲亦可以唔使再接濟零電視轉播收入既意乙
法甲方面
雖然本地唔多球迷注意
不過原來法甲每季既轉播費都值6億6800萬歐元
早幾年仲有段時間貴過英超
真係估佢唔到
德甲方面
而家就係連埋德乙一齊賣轉播權
不過加埋只係賣到每年4億1200萬歐元
可想而知德國球會點解冇錢買人
而合約有一特點係網上直播收入係 variable
值得一提既係德國球會近年於財務管理方面有改善
所以就算收入唔高
不過財務狀況都比好多英超球會好
值得歐洲各地球會借鏡
7 comments:
法甲其實都有幾隊波
都算幾肯洗錢
原來同高轉播收入有關
西甲吸引力亦只係果兩隊獨大
難怪轉播收入亦咁大細超
好詳細啊.謝謝!
預祝紐記作客可以win打比郡
同埋利記win阿仙奴
To: 舒利亞 & sammysir
1)
你見里昂賣左賓施馬之後
居然攞8000萬歐元增兵
就知佢地有水啦
2)
西甲小球會應該效法意甲同埋德甲既小球會
聯合起來同大財團講數
咁先係最有效既出路
不過問題係佢地好多都負債嚴重
冇本事同大財團打持久戰
3)
sammysir太客氣
4)
紐記優勢唔多
利記更加失多曼城3分
真係一場都不能少
曼城取三份,
今晚作客阿仙奴
利記又係處於客觀環境不利的形勢
咁就更加可以發揮到利記既傳統強項,
利記踢逆境波既鬥志素來很好,
紐記真係有排學,
我估點都可以在兵工廠身上取得1分
估唔到紐記作客打比郡,仍然延續07年輸波既頹勢,
今次用回上場win卡迪夫城5:1既相同既陣容,
卻大敗0:3
幸好森林都同樣是輸波,
否則連僅有既些微差距都冇埋,
紐記在作客既比賽表現,
仍然出現好多和上年相同既老毛病,
而家仲開始有少少似般尼,
只靠主場取分真係好難再維持優勢
照計班波都應該識得居安思危,
但總係作客表現大走樣..
繼續這樣落去,
餘下的17場比賽都好難捱
只係靠好運都唔係辦法...
希望後防三個主力,
同埋祖爾巴頓及Butt快些復出去幫幫手,
始終佢地都算係球隊既大佬級.
利記傳統作客兵工廠都冇好結果!
唉......
已經被西布朗追到同分
聯賽仲有咁多場
捱到真係奇蹟
輸得咁難睇
令小弟真係明白
呢隊紐記
即使上番英超
都仍然有好長既重建路要行
要回復番當年威勢
睇怕暫時都係妄想
To: sammysir, 舒利亞同埋稀客死佬
1)
利記雖然近期戰績有明顯改善
仲因為拉爾拿既神勇表現而近7場只失1球
不過作客兵工廠既往績好唔掂
又要驚艾沙維再次搵利記而忽然爆發
最大鑊既仲係唔夠腳
幾件傷兵唔在講
今場仲有基傑亞高斯停賽
同埋阿古蘭尼忽然病左冇隨隊
所以如果有1分落袋都收貨
2)
紐記最大問題係防守
頭20場聯賽平均每場失0.5球
比較出色既防守令佢地可以於英冠帶出
但近9場聯賽平均失1.1球
就令佢地慢慢冇晒優勢
當中作客失波數字仲偏高
而家史堤芬泰萊因傷缺陣亦會令問題更大鑊
短期內改善(或者重組)防線
將係紐記爭取直接升班既關鍵
Post a Comment