幾場波想講......
1) 國米對祖雲達斯
施素高其實比美路可靠
不過衰魯莽就累死全家
就算簡拿華路,保方同埋迪亞高忽然回勇都冇用
前兩者回勇對國家隊而言絕對係好消息
可憐後者早已俾鄧加打入冷宮
2) 曼城對曼聯
好唔明白點解賽會會搵艾緊遜取代賓納特執法
小弟雖然當日都計過數
發現佢首循環既超長補時唔係偏幫曼聯
但英超冇其他球證咩
點解賽會唔識避嫌搵其他人執法
而家條友又爆鑊吹漏加利佬既12碼
難免令人會有聯想
話說回頭
兩隊表現其實都唔多值3分
不過主隊最終連1分都保唔住
文仙尼既排陣同埋調動都好有問題
艾迪巴約以及賽前同高層嘈交既比拿美都表現失準
根本唔值得踢咁耐
相反阿當莊臣同埋胡禮菲膿斯應該有更多既出場時間
而布歷治攻守都唔掂
搵巴利客串左閘既效果應該會仲好
另一方面,費sir尾段將史高斯推前搏殺
文仙尼竟然唔搵防中跟佢
反而要負責支援泰維斯既艾利蘭回防
又係錯得出奇
3) 熱刺對車路士
客隊又輸後防
當中保羅'廢'拉拿廢到俾人話過就過
加利仔應該慶幸有佢包底做左Big 4最廢右閘
好難想像佢當年既身價竟然高達1300萬鎊
而更難想像既係點解肥安唔用伊雲奴域踢正選
另外,泰利就終於因為手球而輸12碼
奧雲高尼應該深感天地原來真係有正氣
而佢持續患得患失既表現
肥安同埋卡比路都應該好頭痛
另一方面,杜奧巴既傷又係一個謎
仲搞到球隊下半場變相踢少個
加上再次大波隱形既安歷卡過多返中場搵波踢
就算泰利冇兩黃一紅
車仔都唔慌追得返
如果唔係柏夫奴真高打回原形
車仔應該輸得仲多
4) 韋根對阿仙奴
難得爭標希望重燃
更難得豬達冇破壞之餘仲有埋建設
兵工廠羸兩球都可以輸凸俾韋根
頭號罪人應該係雲加
而唔係再次應付唔到傳中既法比安斯基
同意講波佬話雲加算得太盡
其實亦可以話佢睇小對手
俾韋根追到1:2都只係換入梅里達同埋伊保爾
事實證明佢兩個明顯壓唔到場
而唔用尹佩斯就絕對係鼓勵韋根大軍壓境
到佢有機會落場都為時已晚
4 comments:
前戲做得足，關鍵時陽萎
看到大陸網友的形容詞我笑了
冠軍徹底絕望
看看雲加暑假要做D咩
To: wtssoccer
1)
嗰比喻好不文
不過睇到一定笑
2)
雲加終於表態會同蘇甘保傾續約
而施維斯達,辛達路斯,伊保爾同埋伊度亞度
都被傳會被清洗
里昂就被傳有興趣出價800萬鎊接收後者
另外,艾沙維同埋基治就再次同巴塞扯上關係
前者既經理人隨即作出否認
有出就有入
查馬克幾可肯定入廠之餘
佢地亦被傳準備收購祖赫特,路蘭
以及加利卡希爾
伊度亞度?
點解唔要佢
又有d想愛隊出手
不過應該無咩可能
英超又係到番兩隊爭
睇番賽程車仔好似仲要作客利記
絕對有失分可能
唔知會唔會兩隊同分呢
To: 舒利亞
1)
查馬克勢將以自由身加盟兵工廠
雲加認為前線人腳略嚴過多
卡路士韋拿同埋伊度亞度達施華只能二選一
消息指雲加最終選擇前者
一來前者比較年青
二來後者重創後都未回勇
2)
里昂肯俾800萬鎊之餘
亦多數有得踢歐聯
吸引力遠在紐記之上
3)
而家車仔幾大鑊
不過雖然賽程比較難踢
但好在仲主導緊形勢
Post a Comment