1)
富咸被傳想帶懷斯返英超
Comment:
今季幾多英超隊要搵左閘
不過強隊如利記以及兵工廠應該唔會考慮這隻走緊下坡既腳患馬
但話晒有一定質素
又有英超經驗
依然夠料加盟中型班
如果紐記同埋拖肥糖最終保唔住隻正選左閘
都可以考慮同富咸爭奪這個重炮
佢份約得返一年貨仔
羅馬既叫價一定唔會高
2)
皇馬落實以3000萬歐元引入法比奧干查奧
雙方簽約6年
Comment:
馬些路雖然已有進步
但防守依然甚多甩漏
正選位置應該要拱手讓人
3)
新特蘭被指希望以400萬鎊接收比拿美
而基恩既經理人放風已有一間英超球會打算收購佢
Comment:
黑貓唔算有水之餘
亦更加上唔到上游
長遠難以留得住這個加納射手
搵比拿美做替補都正路
而家文仙尼直情唔俾佢同埋布歷治參加操練
這隻臭馬離隊應該只係時間既問題
當然佢既意願都好重要
畢竟佢踢過紐記既佢未必願意加盟黑貓
4)
加斯伯連尼落實任教國米後首次同傳媒吹風
佢透露唔一定堅持球隊轉踢佢喜愛既 3-4-3 陣式
Comment:
佢搞唔搞得掂國米
關鍵一係佢同白蘭加夾成點
因為佢上次教唔掂熱那亞
就係因為球隊一下子引入得太多球員要佢用
關鍵二就係後防
摩連奴離隊後既防線明顯差左好多
而3中堅踢法特別講求補位
而對兩閘既體能要求亦極高
馬干已經3張嘢
可唔可以每場都咁一個人踢晒成條右路
好成疑問
5)
AC米蘭即將宣佈成功從波圖引入葡萄牙18歲後防新星R.費拉拿
Comment:
早前先從自己友熱那亞接收本土新星艾沙拉維
而家又多個可以踢多個位置既牛奶咀
紅黑兵團似乎銳意將球隊年輕化
6 comments:
其實一直都想懷斯加盟
又有英超經驗
又有一定質素
遠射又有睇頭
平平地諗得過
馬些路真係稱得上皇馬最大既破綻- -
其實之前又傳過紐記想要番比拿美
不過佢離隊果陣都攪到幾唔開心
應該機會唔大
To: 舒利亞
1)
馬些路只係當年俾傳媒炒起既所謂新星
2)
比拿美雖然勤力之餘又唔慢
不過唔覺佢係而家紐記最需要既箭頭類型
p.s.:
冇記錯你好似著大碼波衫?
定係而家仲大隻左?
請於 blog 或者 hotmail 回覆
應該要加大= =
網主點解咁問= =
To: 舒利亞
你早前幫小弟寫歐聯決賽 review
小弟講過會有小禮物
識得人話有幾件波衫既貨版醒小弟
小弟就唸住倡花敬佛送件俾你
喔
多謝先
To: 舒利亞
唔好客氣
同埋而家又唔知件衫係邊隊
亦唔知咩質素
Post a Comment