1)
史篤城繼續增兵
卡頓高爾只要通過體測後就會落實以600萬鎊過檔
而托路斯迪斯亦可能由奧林比亞高斯加盟
Comment:
史篤城雖然積極増兵
不過如果繼續只靠高Q大棍同埋手榴彈去屈機
戰績方面比較難再有進步空間
2)
阿仙奴以及曼城都被指睇中哥頓
消息指這名蘇格蘭龍門約值600萬鎊
Comment:
哥頓離開新特蘭只為爭正選
一定唔會甘心做赫特副手
而佢如果去左兵工廠
只要唔繼續俾傷患玩殘
絕對夠料做正選
不過佢近年既健康狀況唔多掂
如其俾600萬鎊接收佢
雲加不如慳返啲錢為其他位置增兵
畢竟施捷斯尼真係幾有潛質
俾佢浸多一至兩年應該有力成為一流龍門
3)
柏度表示已決定由高路仙尼取代路蘭出任隊長
Comment:
論感染力同埋鬥志
巴頓以及古迪利斯都唔見得差過佢
如果佢地唔離隊
其中一個都比嗰個後防毒瘤更適合做隊長
小弟更加覺得如果俾巴頓做隊長
對佢亦有好處
會更警剔佢於球場內外都規規矩矩
有助佢進一步發揮仲未見底既潛質
當年費sir搵堅尼取代簡東拿做隊長
就令前者既表現更加成熟
4)
簡拿華路宣佈退休
但唔代表佢會就咁離開艾哈里
佢仍然會出任技術顧問
Comment:
其實大簡早應該於南非世界盃後就引退
最後搞到去中東都撈唔掂
當年既世界先生可以話係衰收尾
同日宣佈引退既仲有NBA既姚明
佢既傷患問題似乎更嚴重
消息指如果佢繼續再死頂
將來可能連日常行路同埋慢跑都有問題
既然打波只係人生既一部份
引退絕對係正確決定
3 comments:
個人當然想巴頓做隊長
可惜球隊唔可能咁做
姚明退休緊係可惜
不過當然要為日後著想
畢竟佢最想陪著自己小朋友玩
感覺上由高洛仙尼做隊長都可以接受的,
柏祖應該較喜歡一些性格比較平和,
唔會意見多多,
同埋又唔會帶頭攪事,挑戰領隊既人做隊長.
估計姚明既傷患真係好嚴重,
要提早退休都冇辦法.
P.S
版主仲有冇做網上球衣推介
今年好多球隊既作客球衣既款都好靚
利記黑色既第二作客,
同埋白色粉藍字第三作客都好好睇,
車仔件藍色有格仔的作客又係好好睇
至於紐記件橙色作客就一般啦,
件黑色作客都唔錯,
而復古版主場個款,
最初睇落就好難接受
而家睇耐左都尚算唔錯,
希望快些在冬天前減番幾舊
等我睇準時機入貨
To: 舒利亞 & sammysir
1)
高路仙尼於隊中既貢獻真係好有限
亦唔見得好有領導能力
俾佢做隊長始終唔太適合
2)
姚明近兩季只係打得5場波
出場時間仲大減至大約20分鐘
明顯頂唔順頂級賽事
3)
而家冇咁多時間推介波衫
新衫方面
比較喜愛既係愛華頓既迷彩龍門衫
以及兵工廠既復古主場波衫
Post a Comment