Big 4首戰只有繼續行運既曼聯開到齋
利記同埋車仔都算冇運
不過更關鍵既係本身問題
杜殊一次過用齊4件新兵
當中特別以軒達臣既發揮最令人失望
既然佢係球隊既長線投資
先用上季全隊最有表現既魯爾梅利斯明顯先係正路
至於車仔咬唔入存心死守既史篤城
關鍵係兩側都搵唔到機會
馬路達以及卡奴既表現都係水準以下
波亞斯應該更早換入班拿約以及安歷卡
而更取既做法就係索性收起米基爾
轉陣踢4-2-4
兵工廠方面
睇左佢地半場已經心死去搵周公
佢地中前場一下子冇左兩大重心
再加埋韋舒亞養傷
等同讓人車馬
雲加而家被指打泰維斯以及索察中場馬雲馬田既主意
但一日未成事
扯火球迷怕且都會繼續大叫 'spend some fxxking money'
佢地咁既表現最終有1分落袋都應該偷笑
桑治其實應該比謝雲奴更早去更衣室沖涼
而紐記就一如上季咁好齊心去打老虎
不過攻力似乎有待改善
即管睇下馬里新星 M.Maiby 會唔會由索察加盟
(又係索察?!)
而巴頓如常出場就反映兩件事
一來球會繼續每星期俾佢6萬鎊週薪
冇理由有得用而唔用
絕對合乎艾殊利既經濟原則
二來柏度根本未搵到替補人選
這亦係紐記現時既最大隱憂
曼聯方面
防線傷兵咁多
不過費sir應該唔會為防線增兵
因為仲有法比奧達施華,甚至預備組既布朗可供選擇
人腳勉強夠用
佢而家最擔心既可能係迪基亞既信心問題
如果社區盾既兩個失波係反映既應付高波同埋遠射既弱點
尋晚既失波就應該係心理問題
3 comments:
其實主場對阿記一戰
小弟係幾失望
從來唔覺得主場出戰一定會贏
不過打得咁差就唔係幾開心
對艾美奧比無希望
佢一如以往咁出醜亦無感覺
只係巴亞既首戰亦唔見有咩表現
更甚既係幾乎無有威脅既埋門
傳波十腳有九腳都斷
欣慰既係
一對中堅表現都唔錯
高洛仙尼雖然一樣係慢
不過明顯包番同清左唔少波
史堤芬泰萊亦表現穩定
幾個新兵
較驚喜既竟然係奧巴坦
一入場已經憑高速製造唔少機會
不過見佢態度認真唔多好
至於卡比耶同巴亞
今場真係無咩表現
希望只係未有默契
根本就係一場悶戰,
進攻組織暫時未有特別章法
默契未建立到,
艾美奧比同丹巴巴亞兩個既功能太似,
踢法又懶散,
下半場艾美奧比表現有一些改善,
但又係不離掂波既跌,帶波又失,進步又係落地既令人難頂既表現,
用番盧雲卡蘭斯同利安貝斯打正選咪仲好
卡比耶似以前既艾肯拿一樣,
都係滿場飛,
初步來看,佢進攻上既參與較防守做得好,
奧巴坦唔應該放在箭頭位置,
佢明顯好多時都唔知點配合走位,
開頭佢同古迪亞利斯一起在右路都做到一些攻勢,
我覺得佢同奧巴坦,迪奧堤,巴頓四個中埸,
如果踢多幾場夾熟左,
進攻上會流暢好多,
不過這場主守,
進攻上大致都係用番以前個FORM,
但感覺上好似舊有既球員好似仲好D,
希望唔好新不如舊,
暫時都係季初,
好多隊都需要磨合一下,
不過睇落曼聯都真係好FIT,
如果唔係咁快傷兩三個主力後防,
同埋迪基亞下三路波不濟,
佢地真係好有霸氣,
利記同紐記一樣,
都係仲未夾熟,
同埋太緊張,
但都係好勁既前4份子,
車仔其實在季初應該都會WIN好多場,
始終隊波夾左好耐,進攻上既運作已好順暢,
雖然打法開始俾人睇穿哂,
但始終係高質素,
除非傷兵問題太嚴重啦,
曼城唔可以靠第一二場作準,
要等埋踢歐聯對佢地有多少影響,
始終對佢地都係有保留.
To: 舒利亞
1)
印象中卡比耶同埋史堤芬泰萊
係紐記陣中表現比較好既球員
2)
卡比耶向來滿場飛
而佢俾波唔錯
初步睇紐記冇入錯貨
3)
同意 sammysir 所講
艾美奧比同埋丹巴巴亞既踢法幾似
4)
小弟假設紐記 full team
最佳陣容如下:
居爾
森遜 史堤芬泰萊 高路仙尼 古迪利斯
巴頓 迪奧迪 卡比耶 馬維拿斯
賓艾化
丹巴巴亞
5)
有信心利記入得返前4
6)
曼城最終唔似係真命天子
畢竟文仙尼未夠班
不過從尋晚場波可見
佢冇上季咁保守
或者同史雲斯實力比較弱有關
Post a Comment