1)
莫耶斯被指打算賣走魯迪維爾套現
Comment:
雖然史尼達先係下一個紅魔成員既大熱門
費sir近兩季又已經簽左史摩寧以及菲爾鐘斯
不過佢似乎一直對這名可以踢中堅以及防中既球員十分欣賞
絕對有可能順手簽多件
2)
消息指辛尼特為左成功羅致邦路斯
願意免費外借般奴艾維斯俾祖雲達斯一季
不過祖記已經表明無意放走這名意大利國腳
Comment:
只係免費外借一季就梗係唔吸引
祖記最終咪又係要再為防線搵個新球員
另一方面,繼之前幾個南歐球員後
般奴艾維斯亦捱唔住寒冷天氣同埋當地生活
可以預見邦路斯如果過檔
唔慌會有好下場
3)
皇馬被指睇中葡萄牙U-21後衛柏度文迪斯
Comment:
單嘢傳到咁可信
全因為佢同埋摩連奴以及C7都用埋同一個經理人
這個又係叫文迪斯既經理人因為拍到摩連奴這個好碼頭
上季已經被形容為半個皇馬總經理
而家摩連奴連買賣球員都話晒事
佢搵唔到著數先至奇
4)
紐卡素被指有興趣出價600萬鎊接收奧奴夏
以及以借用形式羅致奧巴坦
另一方面,巴頓就被指成為新特蘭既增兵目標
布魯士早前先決定放走馬白蘭基
Comment:
唔止一次講過奧奴夏係潛質股
助攻同埋移入中路包抄都掂
搵佢取代質素見底既森遜絕對有得唸
不過既然文仙尼唔多重用佢
7折價錢隨時已可以打動曼城放人
另一方面,奧巴坦雖然可以踢翼鋒,箭頭同埋進攻中場
但問題係佢冇個位置踢得好
更大鑊既係佢職業生涯加埋踢左接近80場1隊賽事先入得4球
與其幫曼聯養個廢人
倒不如俾機會新人
5)
雖然車路士加碼至3000萬鎊收購摩達歷
不過熱刺仍然不為所動
Comment:
從英超挑戰盃可見
車仔雖然前線疊馬
不過攻擊中場既選擇始終唔多
班拿約唔似會受到波亞斯重用
林伯特又年事已高
馬路達亦多數負責側擊
加上柏斯托尼又俾巴黎聖日耳門截糊
熱刺而家擺明睇死車仔求才若渴而吊高來賣
當年佢地亦係等到最後一刻以高價放走貝碧托夫
以摩達歷同球隊已經反晒面
離隊指日可待
p.s.:
全球股市急挫
腦海即時反應偏偏係5個大字:有危就有機
做人處世,打工創業,營運球會......都係咁話
共勉之
3 comments:
宜家更大獲既係
好似買埋奧巴坦= =
都唔知攪乜
後防真係唔打算買人...
我估買奧巴坦都是為了同賓艾化做良性競爭
或者可能係做佢既替工,
在這位置上買個保險,
但好明顯佢實力只係一般,
對整隊實力未必有太大提升,
不過可能佢離開曼聯,
去紐記既競爭冇咁大,
對佢挽回信心可能係好事.
而家進攻中場真係好渴市,
費比加斯,拿斯尼,摩達歷,史奈達,
再加埋祖爾巴頓,
31/8前佢地唔知會身在何隊,
想起都幾刺激,
到時拭目以待
To: 舒利亞 & sammysir
1)
消息指柏度引入奧巴坦
係因為魯迪治離隊而要補充人腳
但問題係其實佢兩個對紐記既幫助唔大
倒不如俾機會新人
而為個後備進攻球員搵替工
就倒不如為真正等人用既後防搵人
2)
sammysir提及既5人
除左史尼達仲有一定可能留隊
其餘4人應該於8月底前會有新球會
Post a Comment