上次轉會市場關閉後
講過哈利列納於賺錢後成功增強球隊實力
熱刺今季唔講得少
而家精明既哈利叔幾個月後又重施故技
佢出庭時講到自己咁低B真係阿水都唔信佢
柏夫奴真高兜兜轉轉後都係走人對球隊影響唔大
始終佢可能一直已有離心
加上又可以收返750萬鎊
現階段睇絕對係3羸既交易
而家用派拿換沙夏對球隊仲著數
要知道佢地經常利用單箭頭為中場開路同埋做二傳
踢最前嗰個入波唔太多都唔係問題
所以就算沙夏埋門一腳既水準唔夠穩定
兼且可能養傷多過踢波
不過只要佢落場發揮到佢唔錯既二傳能力
佢對球隊既作用仲大過'柏高'
後防方面
借走有離心既哥魯加同埋巴斯桑治
而免費引入搏晒命既大隻佬尼爾遜
又係有著數
因為熱刺防線有時就係衰唔夠硬朗
唔寄望佢搏足咁多場
只要佢同京治可以輪流出場
兩個老鬼都應該可以繼續有水準表現
隨住曼城尋晚輸波
佢地又重燃爭標希望
不過始終覺得佢地唔夠曼市嗰兩隊咁疊馬
所以真係唔覺佢地可以爆到冷
不過要首度於英超成為倫敦一哥就幾審慎樂觀
4 comments:
熱刺今屆既表現真係好出色,
佢地既人腳其實都已經好強,
感覺上佢地同曼市雙雄既差距其實都好少,
後防都好穩陣,
中前場論牌面起碼唔差過阿仙奴,車仔,利記,
同曼市雙雄可算是同級,
如果佢地爆冷取得英超冠軍,
我都覺得係實至名歸,
今期KEYMANSOHO既主題--講波佬,
又係令人期待,
封面設計一流,
終於宣傳你個BLOG了
To: sammysir
1)
始終覺得熱刺唔會係真命天子
始終人腳同曼市嗰兩隊相比
真係依然仲差左少少
2)
Keymansoho今期講講波佬
真係幾好睇
p.s.:
以前寫'魔鬼天使龍虎榜'既時候
已經有提過自己嗰 blog 啦
不過似乎都係冇咩新血讀者
今年有冇做渣打馬拉松工作人員,
我這兩年膽粗粗轉戰半馬,
在只練習幾次的情形下,
都是在兩個半小時內龜速完成,
落西隧前都已經肌肉酸痛,
捱到全場算好采,
其實跑渣打真係幾辛苦<
要清晨早起,
賽道上落斜位又多,
報名費要300元,較很多賽事貴足足一倍以上
都唔便宜
所以今年會是告別渣打馬拉松之戰,
未來幾年都打算只參加其他10公里既比賽,
舒舒服服去玩下就算
To: sammysir
1)
從來都唔覺渣打有咩咁吸引
只係啲人羊群心態先爭住報名
(但又有至少1萬人最後甩底)
嗰賽會見咁好反應
就梗係唔怕收到貴啦
2)
其實半馬都唔係咩一回事
只係你平時運動量向來唔大
賽後做好拉筋同埋按摩
今晚唔好睇車曼大戰
過兩日應該咩事都冇
Post a Comment