幾日冇交功課......
卡比路最終因為英格蘭足總干預佢任命泰利做隊長既決定
而決定劈炮
佢最後5個月既人工原本係250萬鎊
而家英格蘭足總肯俾返150萬鎊佢
不過條件係佢唔可以再同傳媒講返件事
而由於件事係哈利列納打甩逃稅官司後6個鐘頭
令人攻加相信哈利叔就係接手既頂頭大熱
賭波公司紛紛將佢接手既賠率大幅降低
更有部份索性封盤
英國傳媒指英格蘭足總願意以1000萬鎊為佢贖身
亦準備以原屬卡比路既600萬鎊年薪利誘佢
不過佢就表明現階段只想專注教好熱刺
而決定權就只會在熱刺主席利維手中
另一方面,卡比路原本講明教埋英格蘭就會退休
不過而家就有指車路士想搵佢取代保亞斯
而佢講明唔考慮重返意甲既言論就更令英格蘭傳媒有無限既想像空間
Comment:
卡比路同埋哈利列納都不愧係老江湖
處事同埋言論都果然冇失佢地高手既身份
先講卡比路
出手唔高既老闆佢向來唔理
但佢亦唔介質同俾得起錢但唔俾佢話事既老闆開火
因為最後5個月人工而要個員工徹底聽話
好似你同我此等員工甲乙丙都未必肯制
仲何況係衣食無憂既佢
更何況英格蘭今舖歐國盃都唔慌係咩真正既爭標份子
與其6月又俾全英國國民同埋傳媒重插
倒不如而家型啲咁走
加上仲有3個月補水
豪100萬鎊就可以保住面子既選擇對佢而言絕對係好路數
而家英國傳媒吹佢接手車仔
小弟始終唔多相信
一來佢既然忍唔到英格蘭足總
又何來忍得到隨時更多干預既阿巴
二來而家 available 既軒迪克同阿巴咁 fd
小弟列而家都堅信一旦保亞斯冇得撈
臨時高薪替工非軒帥莫屬
另一方面,形勢大好既哈利列納就更精
難得英超冠軍夢仲未幻滅就梗係唔會離開熱刺
唔想得失英格蘭足總同埋球迷就拋個波俾利維
但季前曼聯同車仔開個筍價買摩達歷都打動唔到利維
而家英格蘭足總既所謂1000萬鎊'誠意'
其實有幾大作用真係心照
不過英格蘭堂堂名牌
段估唔想搵個臨時工領軍踢決賽週
市面上亦唔見得有咩名牌教頭肯客串幾個月
仲要係一隊唔少內部問題既球隊
哈利叔亦當然知道英格蘭足總一旦而家搵到人全職任教
佢就肯定冇行
佢而家想先行兼職都絕對正路
況且佢話利維話事唔代表佢私底下唔同利維講數咩
更正既係哈利叔其實已經留定後路
佢同傳媒講明教一隊波已經好難
即係話教埋英格蘭就仲難
萬一接手後歐國盃仆直都唔好入佢數
因為而家只係英格蘭足總搵佢求救
p.s.:
1)
二奶台新聞部搞咩呀
唔講仲以為莫耶斯又係王征啲遠房親戚
http://www.youtube.com/watch?v=YuN1fDVvkDE&sns=fb
2)
近幾日睇到最多既除左卡比路
其實就係林書豪
加埋踢波既林志堅
阿Lam同阿Lin都真係堅正
有冇人話俾小弟知香港幾時會有後者既波衫賣呀
2 comments:
其實成件事
有人就插爆卡比路
不過小弟始終覺得英足總不知所謂
唔理泰利係咪真係有講
未判刑就先話人地有罪
仲有隊長係邊個關你咩事?
卡比路都未出聲
咁攪不如足總自己帶埋隊啦
老實講以英格蘭今時今日既實力
最多咪係歐洲二線頭
仲要臨踢歐國盃先攪埋d咁既野
真係自求多福
p.s.
真係離哂譜....
所以幾時都話講體育新聞
唔該自己平時都留意多d體育消息
btw亞視又出位多一次
目的已經達到
輸波預左
俾人咁大炒法
真係心碎
歐洲賽夢係時候要醒
To: 舒利亞
1)
同意教頭先係領軍既人
點可能俾人架空
話之你係老闆抑或高層都係咁話
2)
不過泰利單嘢肯定仲有手尾
一來當時人唔似肯自動退隊
但條友留隊又真係會影響隊波
係咁既時候如果有個夠圓滑既教頭就特別重要
這方面卡比路又似乎及唔上哈利列納
3)
好難想像亞視咁快又衰一次咁杰
十幾年前佢地既新聞部其實做得唔錯
今時今日都解搞成咁
出錯既仲要唔係一個新仔
p.s.:
關於紐記場波
今日寫賽後感再講
Post a Comment