1)
哥迪奧拿暗示可能季尾約滿走人
西班牙傳媒指安歷基,O.加西亞,甚至沙維都可能接手
Comment:
雖然傷患影響出場次數
不過巴西世界盃前
沙維都唔似會從國家隊以及球會一線退落0黎
要佢身兼教練球員兩職似乎唔多可能
加上對上一間一線球會肯俾球員兼任教頭
已係廿幾年前既利記
可見近年教頭越來越大既工作量唔容許佢地分身踢波
安歷基方面
佢雖然教巴塞B隊教得唔錯
不過今季教羅馬既表現始終只係一般
執教更高班既巴塞更難俾到人信心
而O.加西亞更加只係青訓出身
巴塞好多主力雖然同佢好熟
不過青訓做得好從來都唔係教得掂一隊既保證
2)
車路士被指想用史杜歷治向阿仙奴交換禾確特
Comment:
史杜歷治今季有明顯進步
論名氣同埋星味佢雖然仲未及禾確特
不過講埋門一腳就肯定羸晒
禾仔單刀失機既鏡頭其實唔少過廢托幾多
最終有著數怕且會係兵工廠
p.s.:
車仔積弱既防線再一次出醜人前
好彩A高護到空門
次回合仲未變成例行公事
出線機會亦仍然高過兵工廠
不過當務之急可能係先解決內訌
話時話8強就冇晒英超隊
季初真係唸都冇唸過
2 comments:
始終覺得哥迪奧拿未必會今季就走
而且合適既人選老賓講真係唔多
呢兩位(沙維就得啖笑啦)實力上都未有證明
曼市雙雄一早出左局
阿記同車仔今季打到咁
十六強出局真係唔奇
偏偏實力較好果兩隊連分組賽都過唔到
To: 舒利亞
1)
巴塞既傳聞教練人選仲有好幾個
包括路維,尹巴士頓,比爾沙,保亞斯,
華維迪同埋沙格斯坦
不過成單新聞又係得啖笑
華維迪教奧林比亞高斯都唔見得特別勁
沙格斯坦又只於巴塞B隊證明過實力
而比爾沙而家教畢爾包係教得唔錯
不過當年教阿根廷教左咁多年只係得奧運有料到
另外,保亞斯而家教車仔都唔掂
巴塞高層唔似敢用佢地
至於尹巴士頓亦同海倫芬傾左下季上任
聽落較有可能接手既係路維
特別係如果今個夏天德國羸到歐國盃
佢隨時見好就收
不過現實係佢同德國足總既合約要到14年先到期
2)
4支英超隊
其實曼聯既分組賽對手最弱
偏偏佢地唔爭氣
Post a Comment