1)
列基美最近超勁既表現
又再吸引多兩支球隊既斟酌
分別係曼城同埋馬體會
前者既新領隊艾歷臣向來鍾情阿根廷球員
而後者於今個暑假就會進行大換血
2)
阿仙奴為左吸引雲加提前續約
不惜加佢5成人工
但小弟估加薪並唔足以吸引到佢老人家續約
3)
勞特立好有可能於來季執教基達菲
4)
京士頓加盟伯明翰
5)
阿仙奴繼續增兵
新目標除左之前提過既沙拿之外
仲有有力般既麥卡菲
佢兩個既身價都係高達600萬鎊
6)
傳聞里昂開價1000萬鎊買安歷卡
或者出價800萬鎊買艾文達
7)
傳聞車路士開價700萬鎊買利達
8)
賓尼迪斯重申哥治將會留隊
但佢老人家就冇提過比拿美半句
似乎比拿美都多數冇得留低
9)
傳聞皇馬開價2000萬鎊買D.艾維斯
小弟就打死都唔信皇馬會出咁高價錢買一個後衛
10)
馬賽既最新增兵目標竟然係施根
11)
傳聞米堡開價300萬鎊買謝拉
12)
傳聞曼城想出價買費拉利
13)
國米堅稱唔會將馬達拉斯賣去巴塞隆拿
14)
傳聞紐卡素既下一個增兵目標就係施維斯達
15)
楊嘉誠表示
佢收購伯明翰既其中一個目的
係要帶比香港球員進軍英超既機會
佢又表示佢唔會干涉管理層既決定
佢仲話當年巴貝利被炒唔關佢事
佢仲要事後先知道
(佢身為班主都竟然唔知?
小弟覺得佢講既野唔多可信)
佢仲話對某些人管理足球既能力感到失望
但上季季中佢離開流浪
有傳令到流浪既財政狀況一度出現困難
而就算佢在任期間
都有傳聞指有球員冇糧出
又或者出唔足糧
例如,科夫上季季中突然玩失蹤兼走人
有傳就係因為冇糧出
但佢就有錢請麥馬拿文到香港玩
4 comments:
我唔睇好楊家誠帶領下既伯明翰會成功，一來太多人話佢鍾意干涉球隊既事，二來佢本身唔係話太有錢。
施維斯達-.-?唔好啦掛-.-?佢唔好得巴布爾幾多喎-_-
列基美咁有料，番歐洲搵食都好正常。不過玩技術既西甲岩佢多d~
1)
錢都唔係最大問題
反而係佢到而家都唔認係佢炒教練巴貝利
仲同人講教練比人炒左
身為足主既佢先知
一聽都覺得唔合理啦
另外,巴貝利接受英國傳媒訪問
都講明佢鐘意插手架啦
2)
我覺得有一定機會
因為波爾多比唔起人工
佢既目的地只有里昂或者紐卡素
3)
列基美只要有一個好既防中拍住佢
佢踢西甲真係會好勁
其實當初列基美點解會同維拉利爾唔岩?
施維斯達番法甲啦=.=佢真係幾廢下-_-
過左世界盃之後
可能因為休息唔夠
列基美既表現確係差左
所以教練柏歷真奴對佢開始不滿
到季中轉會市場重開
維拉利爾買左智利年青中場費蘭迪斯取代佢
佢亦被當時成績一般既小保加睇中
最終仲借用佢半季
維拉利爾就當然會答允
因為佢既人工係全隊最高既
之後佢開始回勇
當全世界都等緊小保加出手買斷佢
小保加卻宣佈因為負擔唔起佢既人工
而放棄作出斟酌
及後佢向傳媒表示希望來季歸隊
但教練柏歷真奴表明
佢唔係球隊既組軍計劃之內
而總監Jose Manuel Llaneza
亦向傳媒講
球會已經唸緊一個對相方最好既方案
Post a Comment