大件事......!
利物浦尋晚於歐聯分組賽又輸多場
作客以1:2不敵比鍚達斯
而家於分組3場只得1分排包尾
如下3場要全勝先可以肯定出線
今場利記既表現依然冇回勇跡象
後防方面
加歷查同埋希比亞持續不穩
前者既解圍失誤加上後者連續第二場擺老烏
造就左對手先開紀錄
而失第二球
後者既出腳實在係慢
而幫佢補鑊既竟然唔係前者
而係盧卡斯
小弟講過n次唔夠好中堅用會好大鑊......唉!
芬倫同埋懷斯既助攻亦繼續死火
成條防線只有拉爾拿係比較好
唔係佢利記一定唔止失兩球
中場方面
謝拉特既狀態持續低迷
佢離門15碼既插水式頭槌雖為球隊領來一絲既希望
但佢於上半場錯失左一個追平1:1既黃金機會
小弟覺得其實係今場比賽既其中一個關鍵
而賓納特同埋巴布就繼續夢遊球場
另外,冇左沙比艾朗素
令球隊少左長傳打突擊
前線既古積特同埋禾朗連都係非常大方既球員
小弟覺得哥治應該得到正選
或者可以較早後備落場
佢於球隊落後兩球,83分鐘先落場
賓尼迪斯既調動實在遲得有點兒過份
幾日後就要主場對連羸12場
兼比利記失少4分既阿仙奴
小弟只有寄望到時沙比艾朗素同埋托利斯可以復出
而幾個後衛同埋謝拉特可以回勇
而因為阿仙奴應付高波既能力只係一般
賓尼迪斯最好肯用哥治屈機啦
否則......
Subscribe to:
Post Comments (Atom)
3 comments:
估唔到利記最近場場波都係苦戰
隊波狀態真係比較一般,好似有d倦
真係想像唔到利記既兵源原來都是不太充裕
人地阿仙奴又踢到曉飛,都好得人驚
連古列治o係ESPN 都話應該早D出哥治! 佢話出左哥治果D先係 real chance, 未出果D只係製造 possible chance!
To: Sammysir
可能下一場對阿仙奴先來反底
利物浦好多時都令人估佢唔到
踢波係續場計既
To: 死佬
今次賓尼迪斯咁遲先肯用哥治
真係爭唔落
Post a Comment