利物浦尋晚於足總盃重賽
主場5:0大炒終於搵到買家既盧頓
賓尼迪斯對幾個月前既'奇連士文事件'封咀
但就以尋晚場波
作為對兩個完全唔識波
兼做人都未必識既老闆既正面回應
利記尋晚近乎夫添上陣
班波好似要為保住賓尼迪斯個飯碗而搏命
全場壓住盧頓去砌
爭取到33射22中既驚人數據
不過最終只入得5球就要怪佢地埋門個腳未夠好
對手盧頓由於有主力被賣走而實力受損
又或者因為搵到新老闆
暫時唔使再發窮惡
所以完全踢唔出於主場個場既水準
佢地全場只得兩次起腳機會
令第500場為利記上陣而得到謝拉特讓出隊長臂章既加歷查
同埋後防一眾隊友非常清閒
講返場波
利記上半場因為 miss 左冇10次都有8次既機會
而巴布9分鐘既'亨利式熨射'又省中柱
遲遲開唔到記錄
但小弟唔同意兩個傻既講波佬既言論
佢兩個話利記班友頭10分鐘都開唔到記錄後
就顯得貌合神離
都唔知佢兩個講咩
佢地雖然射極都唔入
但小弟完全感受到佢地個份努力
下半場希比亞既助攻入波
加上謝拉特既連中三元
令利記反底大勝一場一吐烏氣
而謝拉特原來係繼哥利摩亞後
超過10年來第一個於足總盃比賽可以 hat-trick 既利記球員
小弟覺得其實班波對賓尼迪斯都唔差
每次佢老人家帥位就來不保之際
班波就會拯救佢老人家
賓帥都應該幾安慰
希望班波可以 keep 住個勢
下場對維拉再羸多場
最少都保住個前4
P.S.:
魯殊,堅尼地同埋希比亞都先後出聲
分別表示憂慮同埋做和事佬
有消息指賓尼迪斯為左600萬鎊賠償
而會賴死唔走搏炒
小弟就肯定佢老人家唔係咁既人
小弟覺得賓尼迪斯而家咩都唔使唸
帶好隊波去保住個飯碗
跟住同兩個美國老闆鬥長命
又即管睇下佢兩個老闆可以擺得幾耐
可能未到季尾佢兩個
已經為左阿聯酋財團既5億英鎊而放盤
3 comments:
我都覺得賓尼迪斯唔好走，又唔係教得差。有咩理由要讓步?反正唔洗幾耐就轉老細。咪忍多佢地一陣囉~
y do they change boss???
To: 無名
美國國內既次按危機
令兩個美國老闆難以融資
去為利物浦起新球場
而佢兩個當初透過私人借貸去收購利記
而家就快到期
就算唔還清條數
都最少要繼續還高息
其中一個老闆希斯
仲被指非常手緊
打算出售手上既股份
而阿聯酋財團DIC上年收購失敗後
好可能趁今次既機會再提出收購
消息指出價非常吸引
高達5億鎊
所以利記易主並唔係冇可能
Post a Comment