##
非洲國家盃......
1)加納
係小弟估錯
加納同埋科特迪瓦兩大熱門都4強就收皮
不過前者既實力講真真係唔及06年0個隊
小弟於 preview 講過冇艾比亞遲早出事
佢地最終於4強出事
艾辛要墮後串演中堅
中場只得蒙達利就搞到條防線唔多夠力
而 preview 講過佢地既前鋒好似好緊張
點知睇多場對納米比亞就發現
原來佢地係冇料
而唔係緊張
0個個阿高高唔怪得只係踢森林
佢本身既踢法已經粗枝大葉
埋門0個腳仲要成日射網頂
入就掛全網頂入
唔入就成日一飛沖天
不過睇晒成個賽事
佢地既實力仍應該排非洲前4
出線南非世界盃仍然樂觀
2) 科特迪瓦
雖然佢地只得第4
但有睇晒賽事既都應該會發覺佢地真係近乎非洲頂班
人腳同踢法都掂
雖然4強場波失準出局
但講真場波既其中一個關鍵
係佢地於早段失左球半烏龍
打亂晒部署
不過唔識踢下風波
比佢地做到盟主都會有人唔服氣
3) 埃及
雖然佢地衛冕成功
但小弟始終認為科特迪瓦比佢地強少少
佢地羸在踢法夠整體
默契又好
反擊亦快
不過佢地捧盃其實真係有少少運
8強羸安哥拉入既第二球
同埋4強對科特迪瓦入既第一球
都係有運既
決賽入0個球仲係對手既桑治送既
咁樣羸冠軍
小弟又唔覺好有說服力
4) 喀麥隆
愛隊唔爭氣真係好令小弟失望
8強對突尼西亞
羸兩球就放軟手腳
被人追平後幾乎連加時都冇得踢就輸埋
4強對加納
雖然羸波
但發揮其實唔夠對手
有得羸只係神來之筆一個靚組織
同埋對手既前鋒勁廢
決賽終於因隊長桑治既低級犯錯而失落冠軍
除左桑治之外
其實佢地好多人都踢得唔好
龍門卡文尼水準飄忽
而桑治既拍檔比基簡直係計時炸彈
第一場對埃及手多多輸12碼
開壞個頭
4強又突然發神經推跌個醫療人員
小弟睇成廿年波都未見過有人咁樣被人趕出場
前面既伊度奧一踢淘汰賽就腳軟
抵佢冇得入選最佳陣容
如果佢地仲唔醒醒定定
隨時冇得踢南非世界盃
##
賀歲盃
港聯有得15年來羸波
除左要多謝無能足總竟然要用1100萬
搵3隊咁弱既隊手之外
(夏德同埋彭拿路仲要冇態)
都真係要多謝佢地自己踢得好
初賽對預左茅波既彭拿路
踢多兩個只羸一球已經算少
泰利史高斯同埋祖利亞都好搶
決賽對夏德
人仔細細既哥倫入兩球頭槌固然響晒朵
但迪天奴其實都抵讚
佢入場後分散左夏德條防線既注意力
而麥士維出名高速屈機
對住夏德0個條有名氣同埋高度
但冇速度既防線真係可以為所欲為
而法圖斯亦掃左好多波
佢雖然踢法粗枝大葉
但就效率搭夠
講本地聯賽既外援質素
雖然而家普遍仲係好唔掂
但個別既其實都相當唔錯
4 comments:
非洲國家盃最後階段因為番左大陸無留意。不過小弟最留意既尼日利亞好似都八強走左~_~不過聽講謝列美入左最佳十一人@_@究竟紐記班非洲兵打成點@_@?
賀歲盃一向無咩興趣，今年本來有機會睇直播，但係又因為係大陸唔知幾時有得睇，結果唔記得左-_-不過今年外隊咁既質素，真係睇唔睇都罷......
To: 舒利亞
1)
謝列美踢得唔錯
雖然唔搶鏡
但起碼夠效率
死球又得
佢對加納有腳超靚既死球中楣角
個腳波係佢地全場比較似樣既攻門
2)
馬田斯就無料到
不過好大程度係因為無供應
preview 已經講過佢地出名既前鋒最少有8個
反而中場冇咩好選擇
部份前鋒仲要串演中場
而簡奴又有傷
只靠米基爾發辦
咩前鋒都死
3)
至於菲爾同埋比爾
前者踢足3場兼曾經助攻入波
後者就只踢過頭兩場
而塞內加爾踢3場失左6球
雖然頭號罪人肯定係
比賽前一晚都去滾
落場就失失慌既東尼施華
佢老哥守兩場就失左5球
不過紐卡素既兩名守將都要負一定責任
因為菲爾睇唔實文尼祖
比爾有時亦有失位情況
睇怕呢幾位紐記防線球員都唔多穩......
謝列美係球隊又唔見得咁好，真係希望幾位番到來會幫到紐記啦......
小弟始終認為
謝列美對紐卡素係會有貢獻既
小弟愚見
既然而家條防線咁差
倒不如執下位
將謝列美長置於右閘或者防中
雖然佢隨左死球之外
近乎冇咩助攻能力
但起碼唔會犯上大意失誤
應該可以改善紐記既防守
Post a Comment