幾場波想講......
1) 車路士對曼聯
如果場波輸左
今次第一個被人狂插既一定唔係格蘭
而係卡華路
班波強陣出擊兼成個上半場壓住曼聯來砌
難得羸緊一球
佢既超低能犯錯令球隊被追平
好彩最終靠球12碼羸波
而最後又眾志成城
靠血肉長城兩護空門以保住3分
今場波其實好多野可以講
車仔球員入波後向林伯特母親致意
同埋賽後既衝突都值得講
不過小弟始終都係想插下格蘭
不過唔係插佢唔理情況就換晒0的前鋒落場
而係佢既 management
好多人都知道同埋同意佢這方面好差
佢個人既威信仲差過當年我地既董伯伯
今場波就可以睇得到佢有幾差
小弟唔敢講如果摩連奴教波既話
波歷黑同埋杜奧巴仲會唔會夠膽即場內訌
不過當杜奧既第二次發癲既時候
摩連奴如果仲在位
一定會親自去鎮住杜奧巴
唔會縮埋一邊兼等副手奇勒出面
格蘭既反應只有兩個 make sense 既解釋
一係佢總算仲有少少自知之名
知自己鎮唔住杜奧巴
二係佢驚杜奧巴當眾同佢反面
即場對佢咆哮之餘
仲可能隨時打佢一拳
董伯伯當年都知道幾時要退
咁格蘭呢?
佢本身知與唔知都唔緊要
因為油王好可能季尾就要佢走
2) 韋斯咸對紐卡素
雖然巴頓有助攻
謝列美亦有入波
不過講整體表現
佢兩個同埋畢特都被柏加比下去
咁亦解釋左點降紐記上半場頭41分鐘會俾人打到無本事還拖
一場風流波
羸輸都唔太重要
最令小弟在意既只有龍格堡因為肋骨受傷
而應該趕唔切歐國盃決賽週
3) 曼城對富咸
富咸雖然絕地反擊成功
不過佢地只係有 heart
講表現只係好一般
保拿特已經係比較好既一個
不過肯搏自然有機
遇著赫特送兩次禮
老孫又深明好客之道
出晒面咁拉跌尼夫蘭輸12碼
富咸卒之保住條英超命
而家雖然落後雷丁同埋保頓各3分
要上岸依然有難度
不過而家佢地個勢夠勇
聯賽同長跑一樣
個勢只要夠勇
後上好多時都仲有機
撞岩雷丁個勢 falling down
保頓最後又要作客趕住爭標既車仔
伯明翰近況亦只係一般
下場富咸主場只要羸伯明翰
一來一回6分波就咩都返晒來
都唔明點解賭波公司咁快就睇死佢地
降班賠率竟然熱到得1.14倍
所以都係0個句,唔樂觀,但一定唔使悲觀
4) 洛杉磯銀河對美國芝華士
睇場咁既波
當然只係為左某幾個人
第一個當然係碧咸
不過睇完幾失望
雖然講波佬同埋報紙都話佢唔差
但小弟依然覺得佢只係一個超靚仔既球員甲
第二個就係當奴雲
銀河搵錢靠碧咸
咁羸波就要靠當路雲
5場就入8球再加兩個助攻
一個字:勁!
第三個就係芝華士既龍門古辛
佢基本上冇咩問題
不過接高波就例外
每次出迎接高波
個勢唔夠狠已經蝕底
佢次次都係下手接就更加係大忌
你估細路仔玩數字球呀
結果就輸壞左關鍵既第3球
咁既龍門去英國都唔知點搵食
維拉,些路迪同埋阿仙奴
應該慶幸仲未簽到佢
不過估唔到場波仲有幾個球員成為焦點
包括芝華士既中場古捷斯坦
佢追成1:1既右腳熨西有少少當年真路拿同埋皮利斯既影子
這個新晉美國國腳值得大家留意
下一個要講既就係銀河既哥頓
來香港對南華
同埋尋日場波都係要後備先識入波
尋日仲入夠兩球
佢應該係銀河陣中比較有貢獻既靚仔
焦點既野
有好自然亦有唔好
除左古辛之外
其實仲有沙維亞同埋梳亞雷斯
佢兩個來到個人技術同埋戰術水平都出名低既美職盟
單靠路數同埋經驗
但冇體力點同美國佬鬥呀
結果佢兩個尋日各自出洋相
P.S.:
講少少新聞......
1)
C7 成為球員先生
法比加斯就成為最佳年青球員
最佳陣容如下:
占士,法格拿,里奧費甸南,維迪,基治,
C7,謝拉特,法比加斯,艾殊利楊格,托利斯同埋艾迪巴約
2)
南華尋日羸左香雪晨曦4:1
成功衛冕本地聯賽
3 comments:
我相信格蘭都唔會被人炒既，不過多數都係升佢做個xx總監之類啦~~
愛隊作客韋斯咸，其實贏同輸都無太大分別。不過失望既係兩位年輕中堅既失誤較多。
無睇開美國波，不過其實碧咸去到美國，佢會擺幾多心機去踢波，相信大家都心照啦~話就話唔會放棄入國家隊，不過我真係睇唔到佢有幾熱誠。另外當路雲既實力係美國超哂班，不過唔清楚當年佢點解要係歐洲返美搵食。
兩個獎都無咩爆冷，雖然本來諗住年青球員都會係C朗，不過法比加斯當選都唔算係意外。
講下本地波，就算南華係香港威哂，其實都無咩意思。睇下佢地係亞洲足協盃點衰就知點解。本地波就靠哂外援，出到去人地限住三個外援就即刻死哂。倒不如花多d錢去培訓本地年青球員好過啦。(不過呢d簡單道理，係人都諗到啦，係佢地唔肯姐)
紐記vs鎚仔場波其實可以win既,不過班球員狀態下滑,中場補位唔夠快,parker一個都可以抗衡butt及barton,始終owen打攻中都好似替工一樣,我估這個以防中為主既4-3-3陣容,於下兩場對車仔及拖肥糖既時候,可能真的會泡沫爆破,始終而利用這個陣式去面對同級球隊也只能抗衡一下,守和他們,對強隊應該會現形了
我覺得今屆格蘭帶隊只是負了三場波,已經非常了不起,起碼好過艾歷臣及big sam,雖然其中兩場輸波令車仔失去兩個盃,但球隊至今既演出仍然秉承摩連奴既打法,沒有將摩連奴留下既子弟兵帶至走樣,而整季都沒有如紅軍及兵工廠在中途跌watt.
而車仔直至季尾能夠同曼聯一樣,數字上仍有機會問鼎雙料冠軍,所以我覺得要評論格蘭既能力,真的如信報體育版既評論所言,要留待下季由格蘭買回一些真正屬於佢既班底,才能有定論
To: 舒利亞
1)
當路雲係因為思鄉病而返美國
2)
今年已經多左本地球隊肯搞青訓
已經算係有進步
不過仲未夠
To: sammysir
1)
如果只睇紐記今場既表現
車仔一個艾辛都玩殘紐記條中場線
不過紐記近年來對車仔既表現都唔差
頂多輸一球
可能臨場超水準呢?
車仔之前主場對韋根都和啦
波係圓既
2)
格蘭既問題係佢臨場調動好差
摩連奴年代既車仔咁勁
其中一個原因係摩連奴換人夠果斷
有力轉危為機
但小弟從格蘭身上睇唔到
3)
而車仔雖然冇好突然咁跌 watt 幾場
但亦有間中不明不白咁失分
同埋隊波好多時都冇霸氣
上場對曼聯上半場既表現
已經係梧蘭領軍以來最有霸氣既一次
4)
咁我都同意格蘭冇得徹底組軍
係對佢有少少唔公平
但佢亦至少買左安歷卡同埋艾雲洛域
不過以現時車仔唔錯既人腳都用得咁差
就點都講唔通
Post a Comment