1)
雖然國米既官網未有提及
但文仙尼既經理人就表示相信
這個為球隊連羸3季聯賽既教練已經同國米解約
但佢就唔肯證實任何野
(即係廢話......!)
而摩連奴就即將接手
另有消息指摩連奴已同國米簽約3年
年薪達700萬鎊
2)
先講歐國盃列強既最後名單......
尹巴士頓放棄保拉路斯
鄧納東尼就寧願等柏路達好返
所以唔要蒙度利禾
路維就信經驗
所以馬連,希美斯同埋鐘斯就冇得留低
而 B.高美斯尋晚對厄瓜多爾入兩球
就令佢有份入選杜明尼治既最後名單
3)
艾歷臣既經理人柏迪拿表示
這名瑞典藉領隊已接受同墨西哥足總簽約兩年
4)
堅尼被指成為車路士新領隊既候選人
新特蘭主席昆尼表示唔意外
但就相信堅尼唔會因而離隊
另一方面,小弟要更正少少野
早幾日講過坦卡特同埋奇勒會離隊
其實只係傳聞一則
而家坦卡特表示將會同高層會面
而佢表明希望可以留隊
小弟認為如果列卡特真係上車既話
佢應該會留低幫手
5)
格蘭搵左英國其中一個最出名既大狀祖利斯
代表佢就離職補數同油王打官司
0個大狀上年幫摩連奴 fight 到1200萬鎊既分手費
而已故皇妃戴安娜同埋亨利都曾經係佢既客戶
6)
波里路拒絕返 AC米蘭做後備
而熱那亞已出價準備買斷佢
7)
華拉度列射手洛蘭迪轉投維拉利爾
8)
拜仁成為最新一支同巴沙利扯上關係既球隊
9)
國際足協尋日宣布未來兩年既世界冠軍球會盃
將移師至阿聯酋舉行
但於2011及2012年就會重返日本舉行
10)
森美爾同國米績約至2012年
11)
尼索比亞被傳成為韋根350萬鎊既增兵對象
12)
布雷西亞既波蘭中場沙拿文被傳成為皇馬既增兵目標
13)
之前已經講過由於基亞連尼可季依然會被移入中路
所以老婦人好想搵個新左閘
懷斯就被指成為佢地300歐元既新左閘人選
14)
般尼20歲前鋒 K.Lafferty 被指成為格流同埋些路迪既增兵對象
15)
熱刺成為最新一支同比哈美扯上關係既球隊
16)
最後想講下紐卡素既增兵消息......
紐記成為最新一支同高禾扯上關係既球隊
而小弟大約兩個月前講過
紐記派人觀察希臘球員 V.Torosidis
而家佢再次同紐記扯上關係
22歲既佢可以踢晒右邊既任何位置
不過紐記要爭羸祖雲達斯,摩納哥,馬體會
而紐記亦被指想打巴特利同埋艾迪杜里兩個美國新星既主意
小弟之前已經介紹過前者
指身價值400萬鎊既佢係一個全能中場
於國家隊踢防中
但於球會就踢進攻中場
仲打破埋麥比迪一季於歐洲頂級聯賽入波最多既紀錄
不過紐記要爭羸拜仁,米堡同埋愛華頓真係好有難度
而後者其實早於 Big Sam 未被人炒之前
已經被指成為紐記既長遠投資目標
佢身體質素好
但埋門一腳唔可靠
有待磨練
另一方面,圖盧茲既喀麥隆防中 A.Emana 表態想轉戰英超
佢就隨即被指成為紐記既羅致對象
3 comments:
咁多位球員想買到，都真係各有難度。最想買到巴特利，不過機會似乎唔大。
我估尼索比亞唔會去韋根掛-.-
堅尼唔係話佢廢，不過要做車仔領隊，似乎仲有一大段距離。
文仙尼最後都係要走，真係幾慘。雖然佢領軍下既國米，係我覺得近年最佳既一支，不過要再進一步，似乎都係要摩連奴出手。
我估紐記都係好似之前幾年咁,要到6月尾先開始買到人,因為以現在球會既吸引力,真的未必吸引到d勁人來,我估分分鐘都係地庄去迎接來季居多
To: 舒利亞
1)
巴特利這種攻守兼備
踢法又夠晒效率既球員
基本上係任何球隊都應該有
2)
尼索比亞離隊唔奇
過埋熱刺都唔奇
但斷估唔會過韋根
3)
堅尼既感染力強
0的球員會俾佢教到好有鬥心
但佢既買人眼光,排陣同埋臨場調動
依然有好大既進步空間
4)
文仙尼已經算唔錯
雖然冇咩對手
但總算連羸3季聯賽
不過如果國米想羸歐聯
小弟都同意應該搵摩連奴咁既 level 既教練
莫拉堤不惜賠2400萬鎊
俾文仙尼同埋佢既助教團
又用2100萬鎊簽摩連奴3年
而之後摩佬既助教團同埋新球員
又會係一筆天文數字
埋單都唔知要用幾錢
不過一次過用一筆勁既
總好過短期就換一次班底
因為畢竟山大斬埋有柴
To: sammysir
小弟估以紐記同埋基瑾既名聲
雖然紐記下季冇份踢歐洲賽
都應該有能力從法甲
簽到0的唔出名
但有實際作用既好野
Post a Comment