有兩場波想講……
1) 德國對俄羅斯
德國佬踢左半場好波都冇
咁都羸到俄羅斯真係大話夾好彩
睇完場波
覺得佢地有兩大隱憂
一係防線問題
06世界盃既拿姆令人眼前一亮
初時仲以為佢同前輩布林美一樣咁穩健
而家佢就俾人話過就過
而連佢都信唔過
德國佬防線而家冇一個信得過
二係中前場既活力
講體能德國佬由以前到而家都唔差
不過對住現時既俄羅斯就仲係差左少少
佢地中後段冇左個勢同體能下降好有關係
兩年後既南非世界盃
波歷克(今場踢足全場),
芬寧斯(冇態既佢只係83分鐘後備落場)
同埋高路斯(只係踢左71分鐘)等老大哥應該仲會在陣
(史尼達到時就未必)
萬一佢3個同時落場
中前場既活力就好有問題
隨時虎頭蛇尾
球隊既新人上唔上到位係一個問題
路維到時夠唔夠吉士唔用班大哥又係另一個問題
始終只係對付古蘭爾咁既二打六
睇唔到佢係咪咁夠威嚴
2) 委內瑞拉對巴西
小弟終於等到心目中既理想攻擊組合
卡卡復出
細哨唔收皮先至奇
鄧加都忍得佢耐啦
而羅賓奴雖然以前好花巧
不過近一兩季已經改善中
等佢再踢多0的硬朗既英超
佢踢波既風格就應該會變得越來越爽
不過最重要都係森巴小志強肯浪子回頭
佢雖然唔識直線盤球
更加冇雷獸射球同埋猛虎射球可以出賣
不過佢既力量始終對森巴兵團好有用
p.s.:
委內瑞拉出名多美女
簡直係男人既天堂
如果下次佢地足總想玩 dirty trick
不如索性賽前搵幾打美女去孝敬森巴(炮)兵團
雖然卡卡應該都唔受
但對其餘玩家應該超有用
Subscribe to:
Post Comments (Atom)
4 comments:
唔好話防線，其實成隊德國可靠既都無幾多個......
世界盃我鍾意就是阿根廷,不過屆屆都好似荷蘭同西班牙一樣,只係一咪多球星,最後都係令人失望,希望兩年後起碼入到四強啦!
法國及巴西or意大利及德國?如果佢地這兩年再冇更多新星上位,我覺得都不能睇好,英格蘭就更加未夠班啦,最多可能又係入8強!
To: 舒利亞
講到德國既中前場
波歷克,芬寧斯同埋高路斯原本都信得過
不過佢地年事越來越高
又成日受傷
同佢地搵替補係必要既
至於新仔方面
舒韋恩史迪加,M.高美斯,普度斯基,
甚至乎仲未入選過大國腳既卻奧斯
都有一定潛質
如果可以累積更多經驗
都係可以信賴
不過後防就真係好得人驚
4人防線邊個位置都有破綻
所以小弟更加希望安基可以盡快康復歸隊
手法正索既佢好有可能成為日耳曼防線既救星
To: sammysir
兩年後既世界盃......
阿根廷想食糊只有靠美斯
不過佢地後防幾唔掂
keyman 列基美到時又未知仲掂唔掂
西班牙如果可以 keep 到水準
絕對有力爭標
不過佢地除左要強化後防之外
仲要搞掂韋拿同埋托利斯唔太夾既難題
荷蘭幾乎次次都鬼打鬼
後防又只係靠個好龍門
而家仲有雲達沙決定左唔踢南非世界盃
班友幾好波同埋幾叻進攻都死
巴西如果想掂
先要搞掂後防
佢地既中路好唔掂
不過前線總算試到既新又掂既攻擊鐵3角
當然鄧加既去留亦好有影響
意大利有納比就衰極有限
佢地係有老化問題
不過納比已經搵緊新血
小弟最擔心反而係佢地既鬥心
因為佢地06年捧到盃
或多或少係俾假波案激起士氣
英格蘭似乎仲處於試陣階段
暫時唔想 make comment
但球隊應該係96年以來最勁既一隊
因為卡比路點都叻過之前幾個教練
至於德國已講左幾多
唔再多講
Post a Comment