紐卡素踢到12月中終於第一次作客羸波
一羸仲叻仔到炒人3球
佢地於聖占士都未試過咁叻
不過與其話佢地特別醒
不如話樸茅本身冇料到
哈利列納過檔熱刺,蒙達利轉投國米同埋球隊分心歐協盃
就簡單解釋左點解佢地今季跌晒 watt
紐記上半場既射門次數唔夠樸茅多
但其實更加到肉
馬田斯既猛虎射球中柱仲幾可惜
而下半場紐記把握對手兩度交失波而突擊入波
加上格夫里錦上添花
羸波講真算合理
不過紐記防線依然有問題
比耶同埋高路仙尼都試過於後防傳失波
而巴斯桑治幾次俾迪科爾搵到埋門機會
最終冇失波只因基雲守得夠集中
同埋迪科爾冇帶射門鞋
堅尼亞同埋紐記球迷唔可以忽視今場防線仍有既漏洞
唔怪得賽後又傳紐記想出價800萬鎊收購厄遜
3個箭頭,古迪利斯同埋古費利都好抵讚
後者面對既桑恩戴維斯同埋李察曉士只係兩個唔夠班既工兵
大把機會搏堅尼亞既好感
只嫌佢某段時間踢到冇左影
不過小弟覺得最抵讚既係荷西安歷基
這名西班牙左閘一直俾人狂插
今場因為對手麥維巴冇料到而頻頻出擊
上半場既勁射同埋下半場既助攻都為佢爭取到唔少分數
突然間睇到佢原來都有進步既曙光
相對於近兩年退晒步兼成日嗌轉會既足球黑洞尼索比亞
小弟寧願堅尼亞1月賣後者返法國
Subscribe to:
Post Comments (Atom)
7 comments:
thank you for the good 賽後感
等左半季，作客終於贏波，仲要送三蛋俾人，感覺當然非常好。今埸堅尼亞似乎改變方針，唔再死守，所以上半埸對面雖然有唔少射門，但係都唔及我地既有威脅。馬田斯勁射中柱、奧雲近射食唔應、安歷基助攻帶入禁區勁射近柱俾占士撲出，呢三個機會已經證明到紐記其實不落下風。而樸茅最近磅既一腳，無記錯只有一腳近射被我地自己友改變方向，好彩基雲反應夠快。不過，如果樸茅埋門質素高少少，我地上半埸未必可以唔失波。
下半埸對面唔知做咩，連射門都已經唔多。好多時攞住個波唔知點攻，跟手就交失左。而先入一球既我地，曾經被對面圍攻，但係當馬田斯入埋第二球，樸茅已經漏哂氣，跟手再輸夠三球。
總括來講，我地唔算話打得非常好，但係作客大勝無失波，已經好開心。不過網主無講錯，後防成日交失波，好彩迪科爾，李察曉士、高治都先後浪費機會。而巴斯桑治幾次對迪科爾既超水準，更加證明佢未係好岩做正選。
p.s.雖然高洛仙尼今埸都有試過交失波，但係佢今埸作出唔少次補位，清波。而高治亦都未能係佢身上獲得幾大甜頭，小弟覺得佢都已經要讚。
To: Marco
Do I know you?
抑或你係另一個紐記球迷?
To: 舒利亞
1)
樸茅中場真係廢左好多
冇蒙達利等如冇機動力
而卡蘭積卡傷癒之後未上力
樸茅條中場無論攻同守都唔可能有所成
2)
可能小弟對高路仙尼既要求比較高
所以真係唔覺佢今場出色
而哥治於高波搵唔到甜頭
只因樸茅冇利用長人既天斌本錢
等左個半月終於贏番場,人都開心d
始終近兩年紐記唔同big 4佢地一年可以贏到30幾場,但紐記就最多只贏到12-4場,真係win得一場就係一場了,
今場贏波我覺得中場既功勞都好大,
古費里肯跑多d去幫下波同助攻真係好重要,
就好似利記謝拉特追和hull city果兩球一樣,
前中後及禁區左中右都見到謝拉特既出現,
唔駛紐記只係得一個蜘蛛人懂四圍走咁辛苦,
我估以後畢特專注防守,
多d由古費里及蜘蛛人去鋪橋搭路(之後再加埋巴頓)
咁紐記隊波踢來就會紮實好多,
中場就更有實力可以抗衡到所有球隊
唔駛只係識得靠邊進攻但又唔識傳中咁難睇,
至於尼索比亞....都係算啦,冇期望.
個人始終覺得高洛仙尼仍然係隊中好大既隱憂.
To: sammysir
1)
冇左蒙達利既樸茅中場線根本平平無奇
李察曉士同埋桑恩戴維斯只係庸碌之輩
古費利對住佢地就算唔羸質素
至少都羸體力
2)
古迪利斯 + 巴頓 + 古費利 + 杜夫
係小弟 prefer 既中場組合
睇情況只用畢特搏30分鐘比較上算
紐記如果打算於中路靠中場後上搵食
這個4人組合會幾岩用
當中只有古費利既後上埋門能力比較差
(唔好因為佢今場入波就對佢有太大期望)
3)
用尼索比亞打左路邊個位置都係死路一條
佢係小弟心目中紐記既瘀血
不賣不快!
4)
高路仙尼既水準冇預期咁好
小弟認為體力同埋比賽節奏都係主因
當初艾比路亞都有類似既情況
這名阿根廷守衛畢竟有一定質素
只要俾時間等佢適應
同埋最好同佢搵個擅長包抄既拍檔
佢於紐記(或者英超)既發展依然樂觀
p.s.:
有埋你既 comment
先覺得似係紐記比賽既賽後感
唉，今年情況好似仲差過上年。年年都諗住下季實得啦，點知次次都失望而回。
To: 舒利亞
1)
紐記戰績不濟
某程度上同球隊高層變動有關
2)
每年都發覺紐記打唔好個底
戰績又邊會好
Post a Comment