表面睇利記尋晚攞1分上榜首
實際又唔見兩分
全世界既賭波公司見利記上榜首
反而將佢地羸聯賽既賠率下調
就知又唔見兩分有幾濕滯
前晚 soccernet 見阿仙奴作客拆車
就即刻話兵工廠重返爭標行列
但小弟依然唔將佢地當係爭標份子
因為佢地同利記就算於 Big 4 小型聯賽都係兩戰全勝
但起勢咁送分俾弱隊
又邊有資格去爭英超冠軍
點知而家既利記越來越有兵工廠既影子
主場對史篤城,富咸同埋韋斯咸都係0:0
3次捉到鹿都唔識脫角
加埋失左6分就變相輸左兩場波
眼見車仔雖有艾辛重傷
但畢竟有好球員又有老狐狸大菲
只要搞掂 internal 既野就絕對有料到
而出名後勁凌厲既曼聯現時只係比利記失多3分
1 round 聯賽就隨時可以後上
而佢地次循環鬥其餘3強都有主場之利
C7睇來又至少唔會於季尾前再玩野
講個勢其實而家仲堅過車仔
小弟15度都爬起身睇波
考慮到咁既形勢個心真係寒上加寒
兵工廠冇防中,又唔夠好後衛
今季好難有運行
但利記既人腳比較平均
只要傷兵潮過後
仍有力同車路士以及曼聯鬥過
不過大前題始終係改善穩定性
劫富濟貧同埋鋤強扶弱於武俠世界絕對受萬人敬仰
但現實踢英超都係咁就死左都冇人可憐
Subscribe to:
Post Comments (Atom)
4 comments:
難得有機會帶開，又把握唔到機會，其實真係幾可惜。而以小弟呢個局外人睇到既，利記把握力的確幾有問題。前面得費蘭度托利斯係俾到人信心。而其他問題，有待網主解答@_@
To: 舒利亞
今場利記既表現
已經比上場對富咸好
不過關鍵真係差勁既埋門一腳
季初識入波既時候
就有防守隱憂
而家後防好返少少
又到前面入唔到波
又係另一個醫到頭就醫唔到腳既例子
托利斯表面信得過
亦只限於主場
羅比堅尼仲未融入球隊
而佢亦可能有轉型既需要
巴布條衰仔而家又玩野要離隊
古治踢得中場同埋邊線位置過多
要佢踢正箭頭又好似冇左應有既入球觸覺
其他新仔又仲未上到位
小弟認為如果資金方面冇問題
賓尼迪斯可以考慮搵個有制空權既前鋒
因為利記今季多左踢側擊
如果有個類似希斯基或者維度卡既前鋒
應該有助球隊屈機打破悶局
你輸了兩分
就說阿仙奴今季難有好運行
兩軍雙遇 再有閃失
情況會怎樣!!
反正多一個不會覺多
少一個不會嫌少
To: 路斯基
1)
睇到Soccernet話兵工廠重返爭標行列既時候
小弟已經好唔同意
當時利記對韋斯咸既比賽根本未踢
可見小弟並唔係因為利記失分而寫衰兵工廠
2)
就算兵工廠可以於22號主場羸埋利記
小弟既想法都唔會改變
而只要利記 overall 可以改善穩定性
就算輸俾兵工廠小弟都覺得冇所謂
3)
再次聲明小弟寫 blog 並唔係旨在撩交嗌
Post a Comment