近兩日既新聞......
1)
由於香港最近於東亞外圍賽有料到
所以國際足協最新公布既世界排名
香港由134上升6級到128
2)
國米被指打算從拉素引入彭迪夫
不過後者開價高達1900萬歐元
而彭迪夫亦因為球會冇將佢同埋列迪斯馬列入歐霸盃名單
而公開炮轟會方
佢指出球會冇誠意同佢地續約
到佢地拒絕續約就雪藏佢地
佢表示唔排除等到季尾以自由身離隊
3)
巴布透露希望可以於1月以借用形式重返阿積士
4)
鄭智同意同些路迪簽約兩年
只要等埋工作證就可以落實加盟
不過佢由於趕唔切辦理註冊手續
令佢無法於歐霸盃首階段比賽出場
另一方面,消息指寄誠庸將於今季 K-League 後先會離隊
意味佢將於1月加盟些路迪
5)
有報導指艾殊利可能索性放棄於今季內賣盤
6)
原來於轉會限期前
曾有球會出價羅致史提芬泰萊,路蘭以及卡路爾
不過都被紐卡素拒絕
另一方面,紐記被指將於下星期以借用形式引入希活以及卡夫卡特
佢地亦有可能引入自由身左閘米高波爾
7)
多位球星落實同球會續約
當中包括艾殊利高爾,拿度,丹尼臣,賓特拿以及盧恩杜拿
8)
夏格維斯被費sir納入歐聯名單
意味佢即將復出
9)
列貝利透露冇同皇馬達成任何協議
而拜仁亦未同佢傾續約
10)
雲加對伊度亞度因為插水而被罰停賽非常不滿
佢指出歐洲足協冇清楚交代提出控告既準則
11)
鄧尼最終落實加盟維拉
p.s.:
1)
外界對羅馬同雲尼亞里簽約兩年有幾冇信心
睇羅馬既股價即日下跌3%就知
2)
起飛腳踢傷對手既球霸 S.Jauregui
俾玻利維亞聯賽紀律仲裁會罰停賽1年
似乎罰得太輕
唔信可以睇片評理
http://www.youtube.com/watch?v=YRlCcn6QZQI
7 comments:
宜家唔夠人用，再放就死得了
米高波爾係咪踢過曼城果個?
其實卡夫卡特真係唔知佢咩料@_@
其實小弟唔知
插水當時無被判罰
事後可以再判-.-
紐卡素落左英冠,
踢左六場波
當中我只睇過其中三場,
隊波既整體表現真的較上年好,
起碼唔係企係度等波踢,
同埋唔使睇到畢特亂咁放高波,
見到巴頓,路蘭,史密夫,古費里佢地幾個中場都好肯俾波走位,
後防補位又好左
雖然比賽既戰情唔算好刺激,
但總算睇得順眼好多,
8月份既5勝1和戰績,
真的是近三年最好的了,
不過英冠球隊實力始終較次,
球隊都仲未受考驗,
我期待快d對卡迪夫城,同埋米堡,
仲有希望9月21日聯賽盃能晉級<
之後可以抽籤對英超球隊
咁就可以知道而家既真正實力可以去到哪裡....
香港隊(南華)踢得咁好,
同埋今屆本地波因旺角場重建而要落其他地區踢,
都好似令人覺得本地甲組波多左睇頭,
d報章傳媒(好似方向報)最近又多左介紹本地波,
又話11支球隊分成3-4個派系..
我覺得雖然南華好似獨大
但其他球隊既實力未必一定就會削弱,
這好似10多年前既NBA公牛王朝既時代,
仲有爵士,紐約,超音速等等同佢地抗衡,
大家既實力一齊都提升緊...
我都好有興趣知道網主點睇本地各隊實力既比較..
車路士被FIFA禁止在2011年前買球員,幾大件
事wor.加上d主力老化.唔通要靠新仔?
希亞活黎左都好.可加強攻力,卡夫卡特係味曼聯的小將?
To: 舒利亞,sammysir & 紐迷Ricky
1)
米高波爾就係俾曼城0個個左閘
佢到而家都未落到班
佢仲可以客串左中同埋防中
紐記不妨唸唸佢
2)
插水係可以抽後算帳
不過問題係:
歐洲足協同埋各地足總
(暫時冇印象國際足協曾經出過手)
憑咩嘢去決定係唔係抽後算帳
雲加問點解以前大把人插水都唔使罰
偏偏要罰伊度亞度
又問點解上星期美斯對人施展'施丹頭槌'
歐洲足協又唔對佢抽後算帳
3)
卡夫卡特係北愛球員
佢係傳統英式中堅
頭槌好兼硬朗
不過腳法平平
佢今個夏天於熱身賽出過場
表現不過不失
4)
小弟覺得紐記今季初步睇來
士氣好左亦有返基本隊型
中場依然冇創造力
不過起碼有人識派牌分兩邊
而走位亦明顯多左
只係兩邊側擊略為唔平均
5)
希活之前踢韋斯咸都唔錯
不過最錯唔自量去左維拉
佢雖然埋門把握唔係特別好
不過總算多個人用
而佢踢英冠亦略為超班
6)
車路士應該會回收外借既年青小將
而班老鬼下季又老一歲
再加埋世界盃後遺症
肥安一定有排煩
體能教練迪米捷利斯既角色會更加重要
p.s.:
sammysir對本地波都有興趣?
小弟會抽時間寫 preview
起飛腳都算小事
有人被踢斷腳呀
好恐怖
http://www.youtube.com/watch?v=AP7KkripsJ0
To: wtssoccer
小弟幾日前睇報紙都知道華斯利斯基既慘劇
不過未睇過片就唔知道真係咁得人驚
小腿腓骨同埋脛骨就咁斷左要抖13個月
都唔知這個波蘭右閘
有冇伊度亞度咁好彩可以成功復出
之前知道韋素爾幾硬朗
不過真係冇唸到佢咁狼死
條友上訴完只係停8場真係便宜左佢
唔怪得佢俾當地傳媒狂插
兼有波蘭同埋安德烈治球迷話要買起佢
Post a Comment