1)
傳聞哥迪奧拿將來會加盟曼聯取代退休既費sir
佢亦再次被指可能會接手國米
2)
阿仙奴成為最新一間同彭迪夫扯上關係既球會
3)
利物浦再次同柏夫奴真高扯上關係
4)
繼巴洛迪利以及馬干後
意大利傳媒指文仙尼亦打算從國米搵多幾名舊部屬
當中包括捷禾,哥度巴以及森美爾
而佢當年教國米期間球會未能成功引入既森多利亞師弟卡斯辛奴
亦係佢既增兵對象
另外,卡保爾以及亨利都同曼城扯上關係
另一方面,有報導指如果曼城今季入唔到前4
會方有權即刻同文仙尼解約
所以文仙尼冇帶屋企人去英國之餘
仲連屋都冇搵只係長住酒店
5)
阿根廷再傳內訌
貝拉度公開勁插肥馬既副手
6)
紐卡素被指打算從格流羅致基斯保特
而希活就表態希望繼續留隊
另一方面,麥卡菲表示曾經打算引入卡路爾
不過被紐卡素拒絕後已經打消念頭
7)
薩拉戈薩被傳準備接收梅斯達
8)
中村俊輔否認1月離隊既報導
9
夏京接手紐倫堡
10)
利夫連決定離開登地聯以接手蘇格蘭
佢同蘇格蘭足總簽約兩年半
11)
尋日講過費爾成為曼聯既新龍門人選
傳聞費倫天拿就視艾堅菲夫為替補對象
12)
維拉被指有興趣向新特蘭收購簡韋恩鐘斯
13)
前曼聯名宿史根倫病
享年74歲
p.s.:
1)
前文提到文仙尼可能季尾就冇得撈
中東油王連曉士都忍到年幾
竟然只係忍到文仙尼半季?
莫非曼城一心季尾搵摩連奴過檔?
2)
近幾日真係好似發夢
舒密加復出既堅料之後
又有金判坤教國足既傳聞
雖然覺得唔會係真
不過都好興奮
3)
Merry X'mas!
5 comments:
聖誕快樂！！！
基斯保特有可能過來嗎
不過小弟都唔熟佢咩料
p.s.
成日傳曼聯搵龍門
有無考慮過基雲阿?
咁多位聖誕快樂~~~
hello 聖誕快樂
星期五入教會既camp,星期日才返來
星期六及星期一凌晨都有紐記既直播
希望利記及紐記都一齊win..
Merry Christmas 同埋又很久冇上來.
見Blacky說古費利打右中麻麻地,其實我都好奇想問,他算是什麼類型球員.因為只睇過他踢紐記.他本身是中場中,之後轉踢右中,但又唔算是winger...
另外想問blacky紐記還需要什麼類型球員和哪個位置上需要補充?
基雲應該繼續留在曼城啦!
最後想blacky在聖誕快車賽期後再寫英超和英冠形勢.Thanks.
To: 咁多位
1)
聖誕快樂
2)
基斯保特係格流以及蘇格蘭既射手
由於佢同格流仲未達成續約協議
一直有傳格流會被迫於1月賤賣佢
不過小弟相信至少有伯明翰可以爭羸紐記
一來伯明翰有增兵資金而紐記應該冇
二來麥利殊以前曾經同基斯保特合作愉快
3)
上季基雲放風離隊既時候
曼聯仲有雲達沙
所以根本唔可能係基雲既出路
而家曼聯雖然依然搵緊龍門
不過全部目標都唔過30歲
似乎基雲唔會係費sir杯茶
4)
利記主場對狼隊二隊
3分應該手到拿來
不過之後再作客對維拉就隨時再失分
相反紐記只係作客錫週三
以及主場對打呲郡
全取6分既機會比利記高好多
5)
古費里其實算係工兵型球員
靠勤力走動駁腳
最擅長踢中場中
可惜紐記已有辣椒仔以及路蘭
而家曉頓唔想佢坐冷板而擺佢踢右邊
不過佢冇咩速度以及腳法
今季7次助攻都好少來自邊線
如果曉頓堅持用佢繼續踢右中場
咁佢應該同森遜有更好既默契
開條路俾森遜後上
唔好浪費森遜既速度以及助攻
6)
紐記最應該做既係爭取保留而家既借將
而由於消息指佢地冇咩增兵資金
佢地基本上只可以靠借兵或者引入自由身球員
佢地最唔夠人用既位置應該係後衛
自由身既蘇甘保似乎最有機會加盟
史篤城既確特以及保頓既奧拜恩都傳左一陣
英超其實亦有好多冇甚出場機會既好後衛
原屬球會以及球員都可能考慮紐記借用
例如:
曼城既彈弓人維迪以及加拉度,
伯明翰既艾斯賓沙,保頓既薜圖,
樸茅既威廉臣,熱刺既諾頓以及巴里,
韋斯咸既尼加拉,韋根既艾文以及艾美亞,
新特蘭既安達臣
當中布魯士隨時放走季尾約滿既安達臣
暫時同佢扯上關係既只有母會鴨巴甸
紐記如果肯接收佢應該有一定機會
7)
基雲好唔妥曼城高層
消息指佢1月未必繼續留隊
不過英超前列球隊
除左熱刺之外冇咩邊隊特別想搵新龍門
令佢既出路好窄
8)
英超同埋英冠形勢
應該會等埋1月轉會市場關閉後先再寫
畢竟要睇埋佢地下半季有咩人腳變動
Post a Comment