1)
佩利斯表示希望從熱刺引入柏拉斯奧斯以及哥治
而史篤城亦同柏加以及胡禮菲臘斯扯上關係
Comment:
柏拉斯奧斯肯定係英超其中一個最佳防中
好懷疑史篤城有冇咁多 budget 去迎合熱刺既叫價
2)
消息指阿仙奴已同巴塞就法比加斯既轉會費達成協議
當時人貼埋大床俾500萬歐元
巴塞再俾2900萬歐元
而另有600萬歐元就係 variable
Comment:
雲加將法比仔以及拿斯尼列入歐聯名單
根本就係逼巴塞以及曼城加碼
3)
耶高保同埋托禾倫都被指成為紐卡素既增兵人選
另一方面,佢地已經接受利物浦對荷西安歷基既出價
Comment:
前者長期修唔到身
論入球能力又唔好得過艾美奧比幾多
後者好波又當打
不過燕豪芬之前已經放走迪沙素斯基
除非紐記肯開個筍價
否則佢地唔似會於一個暑假內賣晒兩大射手
將價就貨
羅比堅尼其實可能先係紐記既最好選擇
4)
拿玻里方面承認有興趣羅致G.羅斯
不過就否認會接收巴洛迪利
Comment:
卡雲尼俾曼城以及國米咬住唔放
拿玻里肯定要做定兩手準備
5)
消息指曼聯將於今個星期內落實羅致史尼達
Comment:
列卡度艾華利斯可唔可以火速上位
會成為國米能否維持火力既關鍵
p.s.:
德國18年來第一次羸巴西
論踢法佢地個別進攻比對手更有森巴風格
比南非世界盃既時候更流暢既進攻繼續建基於防守之上
歐國盃既前景值得期待
不過當面對平均技術最好既西班牙
佢地仲可唔可以維持類似踢法
抑或好似前兩次文手咁俾對手搓住踢
就係捧盃關鍵
另一方面,西班牙於羸得世界盃後再次輸俾一線球隊
雖然似係個別主力留力於球會比賽
但戰果仍值得迪保基斯關注踢法上有冇問題
而佢地近年既比賽時間怕且係全球之冠
季尾踢歐國盃仲有冇貨賣
倒成疑問
2 comments:
法比仔走
應該對佢自己同阿記都係好事
攪左咁耐終於完成
不過哥迪奧拿點排陣
又係值得煩
To: 舒利亞
法比仔應該會先做替補
但唔代表佢地少機會出場
因為巴塞中前場既進攻球員
除左沙維外
其他都可以踢多過一個位置
輪流休息既情況下
實有佢份出場
例如佢可以直接替補沙維以及恩尼斯達
而又例如美斯休息
韋拿可以移入中路
韋拿原本既位置就由恩尼斯達取代
最終法比加斯就又可以替補恩尼斯達既位置
不過要注意既係
同法比仔爭出場時間既仲有艾簡達拿
Post a Comment