想講下尋晚場波......
韋碧克雖然有好多時間都隱形
不過關鍵既頭槌同埋後踭助攻
就肯定會令奧雲有更多時間坐冷板
而hea碧亦有更大機會於月尾前離隊
而面對曼聯史上最年輕但仍然勢兇夾狼既陣容
費度雖然失左3球
但表現肯定好過加盟後首次 clean sheet 既迪基亞
西班牙新仔雖然比前集中應付遠射
不過應付高波既表現依然一般
更衰既係原來佢有舖癮賣弄腳法
另一方面,原來傑斯已經為曼聯出場614次
打破左為單一球會於頂級聯賽既出場紀錄
除非史尼達真係過檔
否則條淫蟲只要唔受性醜聞影響
仍然會係曼聯陣中俾波最陰毒既球員
p.s.:
菲律賓單嘢不經不覺就已經過左1年
但兩地政府又為佢地做過咩嘢?
唔通真係覺得時間係治療傷口既最佳方法咩?
又或者主力維護霸權以及摧毀兩地既民主
已經夠佢地忙到百佳?
由先天畸形既政制到利益輸送
再到近幾個月霸王硬上弓咁去立法
以及上星期既港大悲劇
只係令小弟更加相信跟英國佬都好過回歸祖國
4 comments:
尋日睇其他 report 講到歐洲足壇，馬甸尼為 AC 出左 647場，傑斯仲有三十幾場先可以破呢個記錄。
我突然間一季先踢 50 幾場，仲唔係場場出。如果今年費sir 唔同佢續約，睇怕佢唔可以打破呢個 記錄 loo...
講開迪基亞
有唔少人早已經話
佢係曼聯既表現唔值得太期待
到宜家為止
真係有少少失望
睇怕適應既時間
都應該唔短
To: FW
馬甸尼係為AC米蘭出場647次
不過應該係包括埋其他比賽
p.s.:
其實我地係唔係相識架?
To: 舒利亞
迪基亞肯定係好材料
不過佢面對遠射就有時唔夠集中
佢上季係西甲咁多個龍門當中
失遠射失得最多既一個
多達11球就肯定唔係巧合
而佢畏高唔出奇
因為這係西班牙龍門既通病
卡斯拿斯早年應付高波都唔係特別好
對於佢既發展
小弟算係審慎樂觀
Post a Comment