1)
車路士落實以900萬歐元引入迪布尼
不過隨即將佢將返去亨克
Comment:
波亞斯追左個小將幾個月終於追到手
一於繼續為長遠換血而做定準備
不過咁唔代表佢一定做得長
因為信油王有心搞青訓
不過更信佢對領隊冇咩耐性
2)
曼城被指打算以先借後買既形式羅致大衛比沙路
而布歷治就終於離隊,加盟新特蘭
Comment:
佢好波得來亦算幾有效率
又同文仙尼合作過
加上拿斯尼經過季初虛火後表現唔算好穩定
文仙尼可能旨意佢做大衛施華既替補
另一方面,曼城今個月真係勒緊褲頭帶做人
高層總算肯正視如果盤數唔掂
將來成績幾好都冇得踢歐洲賽既問題
3)
消息指伊亞昆達即將轉投錫耶納
Comment:
由阿馬利,東尼,馬高莫達,富斯圖羅斯......再輪到佢
干地由暑假等到而家
總算掃得七七八八
如果基利亞雷拉唔係傷左都怕且已經走埋
不過最搶手既卡錫反而仲留隊
原因怕且係祖記錯估轉會行情
將佢既2000萬鎊身價定得過高
4)
多蒙特同意以60萬鎊出售季尾約滿既19歲進攻中場艾斯菲特
佢只要通過體檢就落實轉戰英超,加盟阿仙奴
Comment:
馬高列奧斯加盟在即
加埋馬里奧葛斯傳左咁耐都未走
19歲仔既然冇機會上位仲唔出走咩
另一方面,兵工廠現時真係信得過既中場中球員
其實加埋只得桑治,艾迪達同埋韋舒亞3個
當中主力進攻既後兩者都係出名既玻璃腳
雲加俾60萬鎊買個希望都算搏得過
但問題係等到佢掂既時候
雲佩斯同埋禾確特可能已經過檔巴塞同埋車仔
p.s.:
今晚睇轉會市場 deadline 可能仲好睇過各地快車檔
雖然最終可能平淡告終......
4 comments:
後防插哂水
仲要買唔到人
中場又要殘陣
前面入幾多都補唔番
況且前面兩個塞內加爾國腳好似太累仲未出得
呢幾場都幾難捱
To:舒利亞
如果肯俾多少少
馬里亞柏同埋A.施素高都已經到手啦
明知中後場要買人都咁孤寒
另一方面,傳左好耐既烈治維過檔西布朗
轉會費亦只係低過早前傳聞既250萬鎊
又一次懷疑紐記班高層個腦究竟係唔係裝草
雖然肯用1千萬買左個前鋒,
叫做有些交代
但中後場又慳家唔買人,
加上又唔敢用新人,
我都唔知佢地想點,
冇左卡巴耶,迪奧迪,丹巴巴亞三人既紐記,
感覺上佢地既戰鬥力即時降級,
其實紐記既中前場都好多人可用,
不過柏祖有時又唔係好肯俾太多機會佢地,
有些球員好似古迪亞利斯同古費里咁,
有時都已經漸露疲態,
我覺得可以俾佢休息下,
出費格遜及高士寧或胡基治
紐記其實可以在盃賽俾一些新人去搶拼一下,
好似上次對白禮頓便是,
唔駛場場波都好似用來用去都只係同一班既球員,
但攻防組織上又唔見特別夾,
d新人又唔似會借出去一頭半個月,
咁就惟有用多d啦..
To: sammysir
其實小弟覺得高士寧既作用比古費里更大
論攔截既功夫
講真就兩個都唔係好
不過身體質素較差過高士寧其實傳送技巧較好
Post a Comment