1)
哈利列納既逃稅官司獲判無罪
佢公開感謝熱刺主席利維同埋球迷
Comment:
佢咁樣自辯都居然甩到身
唔怪得有前高官夠膽死偷步買股票後
死撐話係因為飲醉酒
2)
國米被指下季想搵保亞斯接手
Comment:
兩地油王一樣咁無耐性
打佢地工都幾無安全感
不過國米後防嚴重老化
偏偏莫拉堤而家又唔多肯俾錢買人
就算搵到摩連奴回巢都肯定惡搞
仲何況保亞斯只係著衫似佢既A貨
3)
辛尼特被指只肯出價700萬歐元收購卡錫
Comment:
雖然歐洲主流聯賽都過左轉會限期
俄超已經成為祖記近幾個月最有可能既買家
不過祖記年幾前先用左1500萬歐元收購佢
而家點肯賣得咁賤
大不了擺多幾個月後再兜售過佢
4)
蘇巴根暗示即將離開科隆
Comment:
佢同球會經理芬克已經唔妥左幾個月
後者朴槌買鄭大世前直情冇單聲佢知
德國傳媒話佢直情係靠睇帶先知北韓朗尼係邊個
無癮指數絕對爆燈
其實科隆而家雖然而家排第9
不過實情只係多尾3既凱沙羅頓6分
護級路途隨時再現暗湧
p.s.:
'存錢妥'吞左我成疊銀紙後居然hang機
仲要出張通知書話我冇入過錢
想當年仲係鐵拳無敵既時候
肯定機都打爆佢
2 comments:
老列納究竟點自辯??
保亞斯真係開始見底
睇落下季車仔已經換左新領隊
唔通摩佬真係回歸??
照計卡錫上季踢得咁出色
無咩理由真係完全俾人當佢無到
To: 舒利亞
1)
哈利列納好似係咁話自己咩都唔知
2)
保亞斯唔掂既原因有好多
一來後防繼續老化
加上艾辛抖左半季
偏偏增兵頭重尾輕
到季中先搵加利卡希爾實在太遲
二來佢係近年車仔領隊當中
同球員關係最差既一個
三來佢為投阿巴所好而更為主攻
偏偏反守為攻先係佢最強嗰項
佢教車仔既得勝率仲低過當年既史高拉利
隨時未到季尾就冇得留低
而家軒迪克冇約在身
油王再搵老友做住幾個月替工都唔奇
3)
當年油王咁樣踢走摩連奴
真係唔想後者再打佢工
4)
干地係都唔用佢
小弟都唔多明
但祖記又有近年最好既戰績支持
真係吹佢唔脹
Post a Comment