如果話講聲望同埋功力
肥安絕對及唔上納比以及卡比路
應該冇咩人會反對
但佢係咪咁廢先?
幾年前
李華度從巴塞隆拿投靠AC米蘭
結果俾肥安雪到硬晒
高水準既表現從此不復見
好多人都因為咁而插肥安浪費左李三腳既球技
不過小弟絕對唔認同
因為簽李華度明顯只係老闆既主意
情況就好似叫個大廚用新鮮靚米煮炒飯
擺明強人所難
跳到幾個月前再講
話說肥安同老闆表達增兵要求:
穩健龍門,硬朗中堅同埋擅頂頭槌既箭頭各一個
但高層最想搵其實只有細哨同埋軍刀
而為左安撫肥安
體貼既高層就回收艾比亞迪同埋借用辛達路斯
但前者如果真係咁穩健就唔會連踢馬體會都冇正選啦
而後者係好硬朗
不過曾患上杜奧巴恐懼症同埋出名轉數低
增兵既要求冇人理都未係最慘
高層干預埋用人先最令肥安頭痛
細哨同埋軍刀點用得落手架
前者未夠30歲就提早中年發福
簡直係半個肥哨
食叉燒食半肥瘦當然好
但排陣要預埋蒲精半肥細哨就認真冇陰公
加埋近年只識為國家隊入波既锈軍刀
對元老隊都未必有波入
直至開咧仆直班高層先識驚
丙次俾肥安隨意排陣
講明冇細哨同軍刀都唔反面
結果球隊即刻連羸兩場止血
星期日晚大炒拉素既正選陣容
細哨,軍刀同埋費文尼通通冇份
只憑上季主力用速度同埋深度已經夠殺有餘
睇得出高層既眼光有幾獨到
而細哨知道高層靠山唔再撐佢先識驚
星期日晚後備上陣先有幾腳好波睇下
AC米蘭大炒拉素袋3分之餘
亦為肥安爭返口氣
3 comments:
雖然唔多睇意甲，更加少之又少地睇AC。不過都成日聽到有人插安察洛堤。小弟個人認為，如果佢無料又廢，就唔會留到咁耐啦。加上買人又買唔到岩心水既，用人又被高層控制，我地班紐迷最明白呢種感受。
其實當初AC買細哨同要番軍刀，小弟都幾意外。畢竟兩人走下坡都走得幾快，加上幫助又唔係真係好大。不過聽講軍刀同老細係老友，咁就解釋到啦......
我最佩服施多夫咁老,但在中場都仲係咁勁!
To: 舒利亞
1)
肥安於限米煮限飯既情況下
有咁既成績已經算係咁
2)
細哨同埋軍刀都係大老闆貝老既心頭好
貝老直情係軍刀個仔既契爺
To: sammysir
施多夫用行動證明佢比細哨
於AC米蘭可以更有作用
佢因為比較少蒲
所以雖然一把年紀
但依然 keep 得唔錯
加上佢踢波肯用腦
令佢唔使過份奔跑就已經可於適當位置出現
Post a Comment