1)
基瑾單野仲未有結果
只知佢同高層仲拉据緊
基瑾試圖爭取更多有關買賣球員既參與
而有傳聞指紐記高層打算於轉會市場 deadline 前
在瞞住基瑾既情況下出售奧雲同埋巴頓
如果報導屬實,唔怪得基瑾咁扯火
2)
哈利列納否認於轉會 deadline 前向紐卡素洽購巴頓
3)
最初被傳即將加盟韋斯咸既自由身球員艾比亞
突然決定改投倫敦另一球會阿仙奴
如果通過體測
佢將會同兵工廠簽約3年
4)
費格遜決定搵原任一隊教練既費倫
出任佢既新副手
5)
尼美因傷宣佈退休
6)
基斯曹考慮於1月轉投羅馬
7)
入主曼城既阿布扎比發展投資集團
佢地既31歲領導人艾爾法廉
佢集團既總資產多達6500萬億鎊至8000億鎊之間
足足係艾巴摩域治既68.3倍!!!!!!!!!!
8)
法林明高再次被指打算引入朗拿度
9)
盧基以自由身加盟馬拉加
10)
沙治奧拉莫斯跳船到貝迪斯
11)
韋斯咸從拖連奴同埋圖盧茲
分別借入前鋒迪米捷利同埋後衛艾倫加
12)
施積以借用身份轉投桑坦德
13)
龍格堡拒絕加盟摩納哥
14)
加拿大記者迪根希爾爆料
原來06世界盃有4場疑似假波
當中包括意大利對加納,
巴西對加納
同埋意大利對烏克蘭
而加納,烏克蘭同埋厄瓜多爾既球員
就成為假波集團既收買目標
最搞笑既係假波集團原本打算收買厄瓜多爾球員
捧英格蘭贏兩球或以上
不過最終決定放棄
原因係假波集團原來好識波
驚英格蘭班友太屎波
有人打晒假波讓佢地都羸唔到兩球
p.s.:
古比士利遲來先上岸
成為本季第一個離任既領隊
佢因為唔滿意高層既賣人政策而劈炮
寫英超 preview 既時候
佢係小弟唯一一個提及過有離隊壓力既領隊
估唔到烏鴉咀竟然開口中
4 comments:
就算基瑾今次唔走，我驚都未必會做得好耐。主要都係因為同班高層攪到面阻阻。不過我個人而言當然支持佢啦。
曼城有大財團射著，將來實大把大收購=.=不過老細足球亦唔係玩哂。
希望盧基番到西班牙可以重生啦
小弟估唔到古比士利會走，不過佢又走得有理。我諗佢都大把人請啦，英冠球隊都排隊等住佢啦。
To: 舒利亞
1)
最怕曼城亂買人
2)
小弟愚見
盧基如果重返紐卡素應該會有作為
因為當年佢唔掂
一來係未適應英超
二來係傷患
三來係桑拿士同埋路達冇料到
前者仲連錄影帶都冇咩點睇過
就落 order 話要高價買佢
盧基最終冇料到
桑拿士都應該要負上一定既責任
3)
古比士利單野
可以睇 '2008-9-4 (2)'
4)
古比士利與其去教英冠
倒不如等多一兩個月去教英超球隊
到時實有一0的炒左領隊既球隊會搵佢
不過小弟都唔排除佢會先抖一季
一邊講波
一邊睇準機會先再出山
好似連華度都批評艾殊利,話佢究竟是不是想真心去搞好間球會.
唉..估唔到這個肥主席,仲衰過以前的肥主席
佢既貢獻只是幫紐記一筆過還清8000萬同埋請左kk.但而家就犯眾憎
To: sammysir
而家紐記搞到咁
艾殊利本身要負上最大責任
佢既然要搵基瑾
又點解要搵幾個董事阻住佢做野
唯一既解釋就係驚基瑾權力過大
但既然咁驚
就不如唔好請佢
搵個個朵唔響,唔受萬一敬仰既好過啦
Post a Comment