想講下今朝烏拉圭對阿根廷既生死戰
阿根廷開波已經以守代攻
古利迪斯同埋華朗助守居多
而後者傳球既質素比上場既艾馬差得多
幾次兜口兜面都可以交錯波
真正負責進攻既只有美斯,迪馬利亞同埋希古恩
不過佢地發圍既機會亦唔多
當中美斯好多時都俾馬田卡斯利斯死跟
主攻既烏拉圭都係五十步笑百步
佢地俾壓力搞到嚴重失準
更甚既係攻勢過份集中於中路
簡直係’烏圭’拉龜
最似樣既入波機會都係來自羅美路既解圍失誤
眼前既烏拉圭同當年泰巴里斯執教既AC米蘭同樣不堪入目
成個上半場最令人留下印象既只有犯規次數
(全場更高達53次!)
兩個講波佬唯有狂讀各大洲既分組形勢
最原諒佢地講廢話都應該係今次
同樣慘情既當然仲有負責為半場精華剪片既工作人員
下半場戰情略為可觀
烏拉圭再加重壓力
卡雲尼後備落場踢3箭頭之餘
兩邊攻勢亦比較多
搞到迪馬利亞被迫墮後好似踢多個左閘
而多得同胞比爾沙領軍既智利幫手領先厄瓜多爾
意味阿根廷和波已經足以直接出線
老馬索性以左閘蒙索入替迪馬利亞
之後仲以防中保拉迪入替希古恩
前線只得美斯一個紙板前鋒
老馬既心態於上任差唔多1年內有明顯轉變
由最初有前無後既小型球陣式
到而家9-0-1既消極死守踢法
睇得出佢有幾狼狽
而回想佢以前批評戴維斯既踢法破壞足球比賽
其實只係針唔拮到肉就唔知痛
馬田干沙利斯7分鐘內既兩黃一紅就成為形勢既轉捩點
之後既罰球阿根廷仲憑保拉迪搏大霧入波
烏拉圭已經係強弩之末
只有靠尾段同樣踢少一個既厄瓜多爾敗走聖地牙哥而得以續命
完場後老馬又做返'愛哭既小寶寶'
攬住唔岩 key 既師傅貝拉度喊到阿媽都唔認得
佢於球場艱苦過關後
又要返去會議室再打過仗
究竟趁有個好既下台楷借勢走人定係成功爭權去南非
應該會係近日球壇最惹人注意既花邊新聞
Subscribe to:
Post Comments (Atom)
4 comments:
韋拉的去向？
還是想他回阿仙奴
上周開心是再見亨利
若他不是座上客而是球員就更理想
我知是妄想
To: 路斯基
1)
long time no see
2)
韋拉離開國米根本只係時間問題
佢因為傷患已經嚴重跌watt
完全唔受摩連奴重用
小弟都想佢返阿仙奴
不過仲有冇能力跟到比賽節奏就好成疑問
3)
妳有冇睇車仔對利記?
韋拉去左睇波
4)
亨利於巴塞既位置都唔多穩陣
而家羅賓奴加盟既傳聞越傳越勁
終於入圍
而且肥馬仲話實有古迪利斯份
都係一個唔錯既結果
始終世界盃無左美斯會失色唔少
至於歐洲區附加賽
小弟最想見到既
都係愛爾蘭可以出線
小弟信查柏東尼有力ko附加賽入面任何一隊
To: 舒利亞
1)
老馬其實仲未落實繼續領軍
2)
小弟都同意古迪利斯值得入選踢決賽週
佢雖然冇麥斯洛迪古斯咁好波
不過從來唔錫力走上走落
阿根廷太多好波之人
搵個可以感染隊友既人更加重要
3)
小弟最想見到俄羅斯同埋愛爾蘭入圍
Post a Comment