近日各地傳媒都選好多所謂既十年最佳陣容
不過小弟覺得 time gap 可能令部份好波之人冇得入選
近兩年踢到曉飛既美斯就係好例子
儘管小弟打死都唔信美斯下個十年冇得入選
所以小弟都係傾向每年或者每季唸一次類似既陣容
09年最佳陣容(4-3-3陣式):
卡斯拿斯,丹尼爾艾維斯,佩奧爾,維迪,艾殊利高爾,
沙維,艾辛,恩尼斯達,
美斯,杜奧巴,C7
p.s.:
講真維迪09年既整體表現比08年下半年退步
而就算今季上半季英超最佳兩個中堅都唔輪到佢
選佢只係考慮埋佢09年頭幾個月既表現
亦可見好中堅難求
今季英超上半季最佳陣容(4-2-2-2陣式):
基雲,格連莊臣,鄧尼,華美倫,艾殊利高爾
艾辛,柏拉斯奧斯,法比加斯,傑斯
杜奧巴,朗尼
p.s.:
泰利同埋維迪只係羸名氣
不過計表現唔及鄧尼以及華美倫咁搶
決心爭氣既前者踢出繼05-06年後既最高水準
而後者雖然近況回落
不過季初多次助攻得手加上出色既搶點已經足以入選
Subscribe to:
Post Comments (Atom)
6 comments:
除左柏拉斯奧斯和傑斯
上半季的最佳陣容我都支持你
不過上半季後半段門將肯定係祖赫特好過基雲
To: wtssoccer
1)
咁中場你有咩更好既心水?
小弟其實都唸過林伯特,丹普西,鄧尼,費查,
班拿約,艾沙維,占士米拿,艾殊利楊格,
梅菲,卡蘭積卡,艾朗連儂,艾利蘭......
2)
小弟都同意只計最近既表現
祖赫特仲 sharp 過基雲
09年最佳陣容都幾正路
至於英超最佳陣容
小弟同意wtssoccer兄
對傑斯有保留
而網主提到既咁多人入面
小弟認為只有占士米拿較值得入選
至於前鋒
與其揀番大路
小弟傾向揀進步幾大既比拿美
門將真係無異議
無基雲
曼城肯定無左好多分
如果由我選
中場我喜歡丹普西和艾沙維
阿仙奴的桑治其實都唔錯
不過我覺得可以選4-3-3陣容
中場就艾辛,桑治同法比加斯
前鋒加多個托利斯
沙皇上半季比較沉
當中一段低峰期更加係一大打擊
所以小弟唔揀佢
其他人小弟又唔覺得特別突出
反而占士米拿真係唔錯
不過小弟唔排除只係個人偏愛a_a
To: wtssoccer & 舒利亞
1)
傑斯雖然只係得12場正選
不過佢入到兩球之餘
仲有8次助攻
當中仲有好多都係救命波
季初其他人未上力既時候
佢好多次一個救全家
否則曼聯而家應該連前4都冇
相反艾沙維有段時間沉到失晒信心
加上佢雖然入左6球
但只係成功一次助攻隊友
整體表現唔算標青
2)
整個陣容基本上都唔使唸太耐
除左柏拉斯奧斯
小弟有考慮過佢以及艾朗連儂二選一
(當然如果選後者就會排 4-4-2 陣式)
後者雖然表面比較搶
不過重要性唔及前者
前者缺陣或者唔在狀態既日子
熱刺永遠冇好下場
3)
柏拉斯奧斯計表現在桑治之上
效率比較高之餘
亦比較少犯規
4)
而占士米拿以及托利斯
都曾經令我想唔選柏拉斯奧斯
占士米拿既表現係維拉最搶既一個
不過條友踢足19場正選都只係入多傑斯兩球
效率略嫌唔夠傑斯
更甚既係佢既救命波唔夠前輩咁多
而托利斯方面
(陣式當然要轉為 4-3-3 或者 4-1-3-2)
佢入球率真係超高
亦多次入過救命波
不過相對於杜奧巴以及朗尼
似乎佢既表現仲係差左少少
Post a Comment