近幾日既新聞......
1)
國際足協公佈世界盃冠軍得主將可獲得超過1800萬英鎊獎金
而佢地亦決定唔會於決賽周增設禁區旁證以及引入高科技幫助執法
2)
艾歷臣由於收唔足人工
所以可能劈炮唔撈
另外,職業球員協會方面證實蘇甘保已經同諾士郡解決合約問題
佢可以於1月自由轉會
消息指佢最有機會加盟紐卡素
3)
利物浦被指打算於1月出價500萬鎊收購厄遜
而拜仁方面否認布興趣引入巴布
4)
幾段曼聯既消息......
柏迪遜方面透露曼聯決定放棄以1000萬鎊既價錢收購18歲小將拿積治
令佢地既財政壓力大增
而曼聯亦再次同迪施高以及紐亞扯上關係
佢地被指同阿仙奴都打算出價收購前者
仲願意用塞爾維亞中場杜錫作為交易條件
而兵工廠就否認這名波斯尼亞箭頭
而佢地亦被指同兩間米蘭球會爭奪莫斯科中央陸軍中場克拉西奇
另一方面,央高斯暗示可能於季尾離隊以爭取出場機會
而馬捷達就續約到2014年
5)
幾段阿仙奴既消息......
雲佩斯手術成功
而辛達路斯表態希望離開阿仙奴
而馬體會就被指願意接貨
韋舒亞就被指成為些路迪既借用對象
另外,佢地收購17歲巴西進攻中場薜斯奴就唔多順利
巴西乙組球會祖雲達斯先後拒絕150萬鎊以及275萬鎊既出價
表明要有500萬鎊先肯放人
另一方面,亨利以及韋拉再次被傳可能重返兵工廠
不過曼城以及里昂都被指係前者既可能落腳地
而馬賽亦有興趣接收後者
6)
加納考慮從未代表意大利出賽既巴洛迪利踢南非世界盃
7)
幾段車路士既消息......
佢地忽然同巴洛迪利扯上關係
而車仔準備繼續吸納年青球員
人選包括安德列治既16歲'新杜奧巴'拉卡古
以及摩納哥既17歲剛果箭頭 T.Makengo
另外,馬體會表示已經再次拒絕另一個收購阿古路既出價
一般估計出價既又係車路士
而國米亦被傳有意接收阿古路
仲願意於1月借用哥利斯馬作為甜頭
而拿玻里,西維爾,華倫西亞以及莫斯科斯巴達都被指有興趣接收施哥夫
不過前者已經否認有關報導
8)
哥迪奧拿被指成為國米以及曼城下季既新教練人選
而傳聞仲話國米會放摩連奴過檔巴塞
不過曼城亦同樣對串王有興趣
9)
拉素被指準備換教練
當中傳聞人選包括米赫洛域,鄧納東尼,文仙尼以及簡連尼
不過文仙尼現時同曼城以及尼日利亞都扯上關係
而簡連尼又因為以前係羅馬球員而唔肯接手
所以現時以米赫洛域既呼聲最高
另一方面,列迪斯馬勢必離隊
佢可能轉投費倫天拿或者兩間米蘭球會
10)
雲達華治被指可能轉投加拉塔沙雷或者漢堡
11)
AC米蘭被指打算向森比斯奧以及加高招手
不過佢地已經否認羅致前者
12)
蘇格蘭足總由於有太多選擇
所以遲遲未決定俾邊個接手
最新一個候選人就係而家教緊烏尼雷亞既彼德斯古
13)
贊高以及卡路爾再次被指成為伯明翰既新箭頭人選
而佢地被指準備同拜仁以及西維爾爭奪麥基迪
14)
幾段紐卡素既消息......
紐卡素被指準備於1月向曼聯收購20歲中場克萊維利
這名英格蘭U-21代表現時以借用形式效力屈福特
而羅拔被指希望以自由身回巢紐記
之前同紐記扯上關係既基加倫就可能轉投侯城或者布力般流浪
另一方面,荷西安歷基以及高路仙尼都表態留隊
15)
同京治續約兩年既熱刺被指打算出價700萬鎊收購國際隊中場辛祖
而佢地繼續同幾名本土龍門扯上關係
當中包括占士,賓科士打以及史葛連治
16)
韋斯咸被指有優先權引入東尼
17)
樸茨茅夫再有球員欠薪醜聞
不過己於尋晚鬥般尼之前解決
而格蘭亦會要求資金俾佢1月增兵以及續借奧哈拉到季尾
另一方面,烏達卡可能以借用形式加盟些路迪
不過卡保爾就否認轉投里爾既傳聞
18)
森林被指準備買斷索尼以及從熱刺回購戴臣
19)
艾列頓加盟德國第6級聯賽球會烏汀根
20)
米堡被指打算買斷傑臣
21)
李察胡禮因傷要休息4個月
22)
狼隊被指打算於1月引入碧福特或者侯斯去改善攻力
23)
朗奴高文被阿爾克馬爾開除
24)
蘇斯達被指有興趣重返薩雷斯
佢於01-03年曾經執教這支升班馬
25)
森多利亞以及熱那亞都被傳準備從費倫天拿接收辛坦拿
26)
基沙哥夫可能重返辛尼特
27)
卡路士落實加盟哥連泰斯
雙方簽約兩年
28)
阿士東維拉被傳打算於1月出價250萬鎊收購賓納特
不過當時人就表示唔唸住離開薩拉戈薩
而希斯基就可能轉投新特蘭
8 comments:
白禮達講咁多野
原來又係廢up
又話曉頓已經無興趣引入蘇甘寶??
雲達華治唔驚無大會收啦
我諗曼城又會跳出來話想要
克萊維利係咪之前傳過借用果位球員?
羅拔已經34歲
又下滑得幾緊要
番來又幫得幾多
不過當年佢同班納特一條左路真係玩哂
當然我又唔介意佢回歸
替補都ok既
p.s.
琴晚再贏一場
新兵又有波入
第二、三位又失分
不過路蘭紅牌
跟住兩場作客有暗湧....
而家曼聯後防咁多傷兵
唔知紐記仲有冇機會買斷森遜.
羅拔同蘇金寶來紐記養老??
我覺得佢地來不來都冇返謂..
其實而家紐記既實力同上屆相比,
根本就冇乜提升過,
後防仲係有一些漏洞
好彩仲有夏柏去救唔少波,
中場創造力仲係好一般
好多場都只靠nolan後上把握僅有的入球機會,
不過中場返後幫波補位就勤力左,
同埋球員肯跑動,齊心同埋團結左,
加上隊手好多都好年輕,實力及經驗未夠
所以好多場踢得麻麻都能夠靠堅韌度取勝,
好期望在足總盃晉級,
然後抽到主場對英超球隊,
藉此去檢視一下而家同英超球隊既差距
繼柏金後我第二個欣賞的阿仙奴球員
然而你是這般形容他
無奈
To: 舒利亞, sammysir & 路斯基
1)
領隊或者球會對於買賣球員既言論
向來冇咩可信性
不過小弟傾向相信紐記會簽蘇甘保
自由身既佢既可以做替補之餘
亦可以同幾個年青後衛分享經驗
只要佢肯減人工紐記應該會樂意引入佢
至於羅拔條麻煩友
紐記中前場唔係太等人用
應該唔會收留走晒下坡既佢
2)
之前紐記想借用既係中堅卡夫卡特
而佢同中場克萊維利而家都被外借到屈福特
3)
紐記雖然仲係有弱點
不過有進步係肯定既
防線方面係仍有漏洞
夏柏守得穩之餘
高路仙尼其實冇上季咁失失慌
辣椒仔為首既中場做到既截擊效果亦好好多
而正如 sammysir 所講班友係勤力左
當然有時唔使失波係因為對手埋門差
這個小弟認為係好多英冠球隊既通病
中場方面係仍然冇創造力
不過最少做到分工清晰之餘
路蘭亦多左機會後上埋門
小弟認定如果曉頓有時肯更加進取
用個翼鋒代替古費里
效果會仲理想
4)
sammysir 想睇紐記對英超隊既表現
去檢視球隊重返英超既戰鬥力
唸頭唔錯
不過小弟覺得佢地而家既表現
對英超榜尾既幾隊
肯定有得打
5)
紐記而家同西布朗已經帶出
不過當然唔可以放鬆
因為實在太多後勁不繼既例子
而英冠球隊作客失分比率亦偏高
6)
為左去南非踢決賽週
雲達華治真係要盡快跳船
中央陸軍的克拉西奇
係咪指M.卡拉錫(Milos Krasic)
克拉西奇應該係大陸與台灣用的多
To: wtssoccer
小弟係想講卡拉錫
因為出 post 時唔知點譯
又驚譯錯名
所以跟左方向報既譯名
之後先發現其實本地另一本足球雜誌
都係譯作卡拉錫
多謝指教!
其實同日小弟亦唔知點譯 '克萊維利'
個譯名只係上 yahoo 搵既譯名
小弟都覺得少少怪雞
唔駛客氣
我係香港人但住係台灣快20年
係台灣做體育記者做左快10年
港式譯名同國語譯名都算有D研究
唔係故意挑骨頭
希望你唔好介意
To: wtssoccer
1)
有人塞錢落自己袋
一定唔介意
2)
小弟知道方向報既記者經常於新浪網搵料
今次單料似係從大陸網站搵返來
所以 copy & paste 大陸譯名'克拉西奇'
Post a Comment