1)
李奧曲卡既傳會仍未落實
有興趣既球會實在太多
最新版本又話維拉再次頂糷市
以偏高既價錢800萬鎊提出收購
2)
米杜士堡由於維度卡轉投紐卡素既機會極高
而耶高保亦可能重返樸茨茅夫
所以傳聞佢地會開價500萬鎊
收購西布朗既卡馬拉
而佢地已得到阿仙奴既批准
可以同艾利阿迪里傾個人條件
3)
奧咸既16歲小將菲利克蘭加盟車路士
簽約4年
4)
傳聞國米提出以森美爾,
大衛比沙路(#佢係由國米同羅馬共同擁有,各佔50%)
同埋馬里安奴干沙利斯
去交換羅馬既捷禾
(國米既3人,森美爾為羅馬舊將,但近年明顯走下坡
大衛比沙路就一直有傳佢會100%轉投羅馬,以跟隨史巴利堤
而馬里安奴干沙利斯就係大後備
小弟覺得羅馬多數唔會為此而放棄捷禾)
同一時間,亦有傳聞指國米主席棄車保帥
以阿祖安奴交換文仙尼既心頭好卡斯辛奴
(小弟就覺得棄車保帥唔奇
但阿祖安奴既身價明顯比較高
國米未必會益皇馬)
5)
本季於西布朗有好表現既古馬斯
可能會加盟愛華頓
12 comments:
網主覺得歐洲U21國家盃邊隊會攞冠軍?
我會估荷蘭
雖然今年既陣容冇上年咁勁
但隊波進攻得簡單直接,又有速度
仲有主場之利
教練又唔差
而佢地雖有少少慢熱
不過分組賽對手唔勁
可以有3場去熱身
(岩岩先羸以色列1:0)
而對手又各有問題
英格蘭原本好勁
講隊型同分工都好過班大國腳
捷克亦唔太差
但可惜而家兩隊都陣容不整
而意大利出名慢熱
但於死亡之組
唔到佢地慢熱
(岩岩就輸左比塞爾維亞)
中場又唔夠硬朗
葡萄牙既防守能力平平
比利時只得體能
塞爾維亞表現太反覆
以色列連法國都羸到
一定唔係魚腩
但全世界都會當佢地老虎咁打
就算最終可以次名出線四強
之後既淘汰賽冇經驗始終蝕底
我都覺係荷蘭，雖然無左亨特拉爾，但係賴恩巴布同馬杜路等都有大國腳經驗，又有主埸之利~
英格蘭攻力方面似乎唔係太夠，而且皮雅斯用人方面我覺得有問題，第一仗對捷克有部份時間竟然推占士米拿上前打前鋒。
我覺得意大利實力應該係最強，因為有羅仙拿，羅斯，柏仙尼等意甲球隊的正選，但係如你所說，比較慢熱。第一埸已經輸左俾實力最弱既塞爾維亞，同組仲有英格蘭同捷克未打，出線情況唔樂觀~
以色列有番咁上下，但係前面似乎太依賴賓沙夏，加上其他球員質素唔高，唔睇好。
葡萄牙係另一熱門，但係我覺得有少少名大於實。而且領隊又要就蘭尼，攪到球隊戰術破壞哂。
英格蘭方面
占士米拿係應該多0的時間留係右邊發難
葡萄牙方面
佢地好想踢得好華麗
但本身質素同黃金一代差好遠
其實佢地踢得踏實d仲好，今晚荷蘭對葡萄牙，我估荷蘭應該都可以勝出~
尋晚場波
證明我同舒利亞睇好荷蘭捧盃
唔係吹水既
但我覺得荷蘭仲未上晒力
下一場對比利時
佢地應該要出多0的力
因為比利時同佢地係死敵
又已有4分
仲要爭出線
如果比利時搏命，或者可以逼荷蘭出真功夫。況且同組仲有葡萄牙有機會次名出線~
至於今晚既比賽，我諗英格蘭有史提芬泰萊同安東費迪南復出，防線應該幾穩。不過由於功力不足，分分鐘又係0:0
另外果埸塞爾維亞同捷克，兩隊都好少留意，唔敢講。
英格蘭對意大利
我覺得關鍵係李奧曲卡可唔可以
將蒙特利禾既威脅減到最低
我估今場意大利可以睇高少少
而捷克對塞爾維亞
前者實在太多傷兵
但後者既表現就唔夠穩定
既然兩隊都冇本錢羸
估和
意大利真係粒粒皆星，柏仙尼，羅斯，羅仙拿，蒙特利禾，阿古蘭尼，基爾連尼......
不過唔知羅斯今埸正選定後備，上埸都無正選。我想睇下皮雅斯今埸會點排陣應付意大利。
不過如果今埸呢兩隊分出勝負，落敗果一隊隨時會出局。因為兩隊宜家都係得一分同零分。如果另外果埸分出勝負對佢地更加危險。塞爾維亞勝出後會有六分，如果捷克win就會有四分，就算和左塞爾維亞都有四分。換言之如果意大利今埸輸左將會提早出局。
唉!.....意大利而家都大鑊啦!
殘陣既捷克就臨尾香....
To: 舒利亞
如果方便既話
留言請留係比較新既文章
因為會比較多人睇到
謝甚!
OK~因為第一次唔識留留左係度= =
THX
Post a Comment