1)
雲拿保斯拒絕左艾殊利10萬鎊領軍一場既 offer
理由係紐卡素而家既局勢好唔穩定
之後,一度有消息指紐記再次斟酌奧拉利
但最終人選係前溫布頓領隊堅尼亞
紐記同佢簽短期合約到10尾
佢當年未心臟病發前
於極有限既資源下都帶得溫布頓好唔錯
佢擅於執平貨
主張爛仔波踢法同埋激勵球員士氣
代表作包括96-97年球季於足總盃ko曼聯
但用佢亦有一定隱憂
因為佢因心臟病而被奧臣取代後
教盧頓同埋森林都已經冇咩料到
而佢仲4年冇教波
隨時已經同球圈脫左節
2)
歐洲足協準備於2016年歐洲國家杯
將決賽週既參賽球隊數目增加至24隊
3)
消息指利物浦將於1月向聖保羅出價收購20歲巴西後衛 Aislan
4)
當奴雲透露考慮於1月再到歐洲落班
拜仁,紐卡素同埋布力般流浪都係佢既傳聞目的地
5)
曼聯3號龍門科士打同埋標準烈治中場 S.Defour
都被指成為米堡既增兵人選
6)
美國奧運隊龍門 D.Cervi 加盟些路迪
雙方簽約兩年
7)
奧連特既英格蘭年青球員 J.Demetriou
被指成為紐卡素最新一個長線投資目標
來自塞浦路斯既佢可踢右閘或者右中場
p.s.:
由於小弟突然想到新加坡碰下運氣
睇下仲搵唔搵到F1既門票
個 blog 將會暫停3日
不便之處,敬請原諒
今個星期大戰甚多
當中包括利物浦市打呲同埋米蘭打呲,
而紐記會否低處未算低都好令人關注
如果有人睇完波有野想講
可以幫小弟寫下賽後感
可於個 blog 留個 comment
或者 send 到 blackyho@hotmail.com
謝!
4 comments:
*因blacky外遊, 故獲其邀請寫賽後報告,免得個blog無0野update.......
賽後報告: 米杜士堡對西布朗
客隊今仗有領隊莫比利、三位中場格寧、占士摩利遜及布隆特倒戈相向, 可惜布隆特今仗趕不及復出。
主隊則有端布爾、侯夫及米度復任正選；而唐寧則出任代隊長, 取代停賽的普加迪斯。
開賽不久後,金斗炫立即傷出, 由麥當奴入替, 3分鐘就被迫作出第一個調動。
上半場初段以中場混戰居多, 但米堡右路的威脅強於左路, 米度及艾利亞迪里的入楔均無功而還, 而艾利亞迪里有一次於十五嗎點射門機會, 可惜省中對手後衛。
而球証於十分鐘出示了第一張黃牌警告雙腳飛剷的格寧。
不久後米度截得皮球,並於艾維斯撞牆, 之後米度的傳送拉開了對手後防形成半單刀之勢, 可惜艾維斯射中門楣, 而艾利亞迪里補中卻省中對手後衛, 之後博得的角球, 奧尼爾外彎角球, 侯夫一頂可惜頂斜, 未能先開記錄。
於三十六分鐘西布朗華里路遠射亦被端布爾救出, 及後角球攻勢, 奧臣的頭槌亦被端布爾撲出後中柱；一分鐘後米堡獲得角球, 眼看艾維斯的頭槌直飛死角之際卻被倒戈的占士摩利臣救空門, 一腳踢走, 兩隊均未能把皮球送入網。
上半場尾段麥當奴的射門亦高出, 侯夫亦成功把西布朗的入楔化解, 半場雙方打成零比零平手。
下半場甫開賽西布朗便於左路搏得角罰球, 幸得侯夫把球頂出, 成功把危險化解。
而米堡梳基於右路的傳中, 艾利亞迪利二傳, 可惜韋達不能把皮球頂正, 又再斜出。
雙方不停地中場混戰, 而奧臣及當克所把守的中路亦穩陣, 然而侯夫及韋達皆沒有出錯,戰至53分鐘都0-0, 但可惜對手一次角球攻勢, 端布爾不能把手槌打出禁區外, 被西布朗球員打倒掛, 之後奧臣把皮球撞入, 西布朗領先1比0。
而米堡如夢初醒, 不斷策動攻勢, 惜角球攻勢, 艾維斯再頂向遠柱, 又被倒戈的占士摩利遜救空門, 不能立刻追平。而米度多次的「阿之阿佐」又吃下今場球賽的第五面黃牌。
此時米堡加強攻力, 把梳基及艾利亞迪里換走, 由阿當莊臣及迪加特入替, 以加強中場控制權。
然而侯夫於禁區的抽射亦省中對手球員, 還有右路的傳中, 球隊射手米度及艾維斯竟「爭食」, 最後亦不能把皮球送入網。
75分鐘米堡的連珠發炮, 五射都射不入, 先有奧尼爾, 後有米度, 再有賀迪、再有奧尼爾、臨尾的米度就把皮球送上看台。當中不斷地省中人, 卡臣撲出等等……
怎樣也射不入。西布朗有見及此立即換入馬歷施治加強防守, 入替兩救空門的摩利遜。
3分鐘後賀迪亦被對手球員掃跌,球證竟不給予米堡十二碼,當時左路傳中, 米度二傳, 皮球落在賀迪腳下, 對手施治掃堂腿一出, 但球證竟毫無表示!
而奧尼爾的遠射亦僅僅高出, 還有莊臣的傳中球, 以為唐寧立即入楔,怎料唐寧竟踢空氣, 85分鐘米堡博得罰球, 艾維斯一射亦被卡臣救出, 之後韋達的頭槌又被卡臣牢牢接實……..
最後米堡久攻不下, 被西布朗取得第一球作客入球兼勝利。
Comments:固然個球證也有問題,但球隊多次機會也未能把握也時今場波的焦點；而端布爾的打手槌乏力我也不能怪他,因為之前救了不少必入球.......而唐寧自從射失十二碼及於國家隊被劣評後, 始終也未能恢復信心及鬥志....8月「最佳領隊」修夫基真的要做些東西了.....
希望下場做得更好......
估唔到米堡會輸，今年升班馬隊隊都唔係魚腩......
p.s.無睇到埸波，因為有親人生日，況且唔睇好過睇......
真係唔睇好過睇
睇到真係眼火爆
今屆升班馬
係近年來最易哽死人的......
To: ck
1)
謝
2)
舒利亞所講冇睇既一場
應該係紐記對暴力幫
3)
寫 preview 已經講過
除左史篤城之外
(但利記主場對佢地竟然唔見左寶貴兩分!)
冇一隊有降班相
To: 舒利亞
你地同熱刺認真難兄難弟
Post a Comment