想講星期日晚既兩場大戰
先講雙紅會
4連敗既利記驚喜地技術性擊倒羸曼聯2:0
原因有3個:
先羸排陣
賓尼迪斯今場有幾個部署都好細心
一係用比較靈活既艾加取代史基泰爾
二係兩閘一改識攻唔識守既弱點
專心防守而極少出擊
當中格連莊臣成功凍結傑斯仲令曼聯廢左唔止一半武功
三係將奧拿里奧推前踢左中場協助兩個防中助攻助守
加上向來勤力過新界隻牛既古治
以及攻守自由人既班拿約
令有朗尼以及hea碧輪流墮後幫手控球既曼聯中場好難搵到位進攻
右路既華倫西亞已經係唯一亮點
而利記仲趁曼聯中場佈防差勁已多次搵到埋門機會
年老力衰既史高斯絕對拖低曼聯中場運作既轉數
四係用托利斯踢正選
賓帥賽後解釋王子其實冇狀態捱足90分鐘
佢決定搏一搏用佢踢正選
而唔俾太大壓力年青小將尼哥
當然巴布唔爭氣都令賓帥根本冇選擇可言
而王子利用佢有限既體力好勤力拉邊俾空位中場後上
仲ko埋名大於實既里奧
講表現佢同埋班拿約絕對係最sharp
再羸決心
水浸眼睸既利記已經冇路退
論決心絕對係今季以來最強既一次
三羸運氣
華倫西亞勁射中楣絕對係羸波既其中一個關鍵
而球証方面既部份判決確實放生左利記
不過如果考慮佢整場既執法尺度係可以理解
加歷查禁區連波帶人炒起卡域克
球証見佢都有中波唔肯吹極刑有咩咁奇
至於加歷查拉跌奧雲
小弟都同意應該罰紅牌
不過睇埋維迪於補時既類似情況同樣只係罰黃牌
就會明白這個球証只係好平均咁手鬆
維迪連續3次對利記都見紅就只好怨佢自己唔爭氣
同晚既倫敦打呲亦好吸引
不過兵工廠就令小弟好失望
先羸兩球都可以搞到最尾幾乎輸波就認真爭唔落
小弟都同意雲加鬧班球員近兩場波幼稚兼輕敵
埋門一腳差之餘後防又唔小心
兩場波有羸變和之餘
加埋29次攻門只入3球
偏偏對手4次攻門中框就失左3球
不過小弟認為雲加既用人亦有問題
幾日前歐聯作客已經令班球員散晒
既然作客槌仔幫羸緊兩球
下半場大可換部份後備落場以攻為守
畢竟佢地中前場有太多好球員
而家正選太累
而後備又雪到硬晒
雲加可能要再次付上黑色11月既代價
另一方面,文路尼連續兩場聯賽犯上不必要錯誤
雲加大可考慮趁機會俾艾蒙尼亞重新出任正選
聽落好似好殘忍
但咁先係對球員公平既做法
Subscribe to:
Post Comments (Atom)
3 comments:
最後一段中肯
原先都以為出艾蒙尼亞
如果係佢第一個失球可能會避免到
可惜了
睇完利記連續第三次贏曼聯
更加令小弟替佢地唔抵
贏強隊既分
就失番哂係唔應該輸既賽事
當然宜家時間尚早
仲大把時間追
而費蘭度托利斯既復出
亦令利記唔洗驚前面無人識入波
雖然仍然落後車仔六分(?)
不過機會仍然係度
小弟亦想見到車仔曼聯唔好再玩哂
p.s.
原來艾蒙尼亞無左正選位?
To: wtssoccer & 舒利亞
1)
文路尼衰唔夠經驗
同埋佢既手法唔係好正宗
以意大利龍門來講比較少見
好多人 tip 佢將來有力做大國腳
小弟就覺得現時仲有一段距離
2)
艾蒙尼亞之前因為傷患
而造就文路尼上位
3)
劫富濟貧係利記上季
(其實應該話多年來)
輸聯賽既問題
利記而家只係失多車路士6分
仲有時間追
車仔人腳老化同埋非洲國家盃既問題
隨時令佢地成績下滑
Post a Comment