1)
隨住作客升班馬都收皮
國米宣佈開除加斯柏連尼
除左早前既蘇拿以及雲尼亞里
而家連巴治奧以及安察洛堤都被傳係接手人選
Comment:
雖然從來都唔認為肥安係一等一教頭
不過應該至少有能力於短期內撥亂反正
至於蛋治奧方面
佢而家連牌都未有
除非意甲聯會開恩鬆佢
又或者國米搵個類似G.巴里斯既二打六做掛名教練
否則根本無法成事
而佢雖然名望星味兼備
不過兩樣嘢向來都唔係長遠搞掂隊波同埋油王老闆既法寶
況且進攻型天才教波都未必一定大打進攻足球
睇下杜米迪斯古以及早幾季既文仙尼正係人辦
2)
紐卡素否認準備外借阿倫史勿夫返列斯聯
Comment:
佢週薪高達6萬鎊
既然出場機會咁少
艾殊利真係無咩理由會俾佢留隊
就算中場中路唔多夠後補球員都係咁話
3)
利物浦,阿仙奴同埋車路士都被指睇中維頓漢
Comment:
而家艾加又因為肋骨裂左而要養傷1個月
質高既高亞迪斯又太新
加歷查同埋史基泰爾就更加唔好提
利記就算買佢都要等到1月
即係只係救唔到近火既遠水
2 comments:
都係果句啦
成日要慳錢
但係又唔放走d真係無用既冗員
btw,阿倫史密夫聽講又傷左
估唔到作客升班馬想吊下命都唔得
果位加斯柏連尼真係咁無能?
To: 舒利亞
1)
其實當年費sir肯放走阿倫史勿夫
大抵都係信唔過佢既健康狀況
2)
加斯伯連尼既主要問題有3:
一係佢太鐘意用3後衛陣式
印象中佢只有一場歐聯用4後衛
3中堅陣式一定3個中堅都質態兼備之餘
亦要佢地好有意識同埋默契
一個暑假根本唔可能夾得到
二係佢主張打側擊
史尼達明顯適應唔到新陣式
三係佢食唔住班球員
史尼達同埋科蘭上場輸波後
竟然被發現去左夜總會
如果教波既係摩連奴
佢兩個肯定唔敢咁離譜
當然有問題既肯定唔止佢一個
莫拉堤以及白蘭加對國米脫腳都好有責任
Post a Comment