1)
昆士伯流浪有興趣於1月借用碧咸
Comment:
咸哥講到明想踢出年奧運
佢肯定又想返歐洲比賽以保持狀態
昆士伯流浪嗰老闆仲疊水過李斯特城既泰國佬
波糧肯定又係唔成問題
不過最重要都係俾多少少錢同佢買埋保險
否則銀河肯定為左自物利益而唔肯妥協
2)
麥法頓可能以自由身轉投狼隊
Comment:
只要冇傷冇病
佢同狼隊一定係 perfect match
另一方面,由於諾域治同埋史雲斯睇落不外如是
狼隊本身又改善左防守
護級前景肯定好過新兵偏多既昆士伯流浪同埋防守繼續唔掂既韋根
3)
薜格拿落實以借用形式轉投費倫巴治
Comment:
雖然祖記唔要佢
但都唔使跳去架沉緊既船掛
4)
土耳其3大球會都被指有興趣接收杜斯山度士
不過最終未能於轉會市場關閉前成事
Comment:
其實哈利列納向來唔睇這個麻煩友
當時人本身都同幾間西甲球會睸來眼去
偏偏佢老人家硬係要等到個筍價先肯放人
俾小弟係度士仔都扯火啦
3 comments:
碧咸何時約滿?
我都想佢快些回流英倫,
薜格拿原本是踢一隊?
歐國盃只看了英格蘭同蘇格蘭兩場,
兩場都仲只係睇左半場,
感覺上蘇格蘭對捷克果場戰情好睇一些,
可能兩隊實力上較均勢,
英格蘭而家人材輩出,
冇左雙特就真係順眼好多.
希望到季尾唔好踢殘哂班新貴,
第三個唔多明...= =
成日講番英倫
唔知碧咸幾時先真係番到去踢波
To: 舒利亞 & sammysir
1)
第3段寫錯嘢
其實係想寫薜格拿俾祖記借左去費倫巴治
這間土耳其球會已經俾歐足協禁佢地踢歐聯
成條大水喉就咁斷左
如果假波單嘢罪名成立
降班都有份
肯定係架沉緊既賊船
2)
碧咸好似季尾約滿
美職盟雖然1月收咧
不過佢同銀河簽約到3月
所以如果佢想1月返歐洲,甚至英國踢波
就一定要銀河既同意
而佢咁想踢倫敦奧運
一定想返英格蘭落班
3)
蘇格蘭場波刺激好多
不過補時俾捷克呃返球12碼
真係幾晚訓唔著
4)
英格蘭新人唔少
不過踢外圍賽考驗唔多
到決賽週先見真章
不過佢地班大哥既紀律同埋心理質素向來麻麻
旨意嗰班所謂既星級球員忽然有人挺身而出
始終唔多放心
Post a Comment